काव्य स्पंदन 02 राज्य स्तर
काव्य प्रकार भावगीत
विषय -- नाही देव देवळात
आहे तोच अंतरात, नाही देव देवळात
नका शोधू देवा-ह्यात ,वसला चरा चरात
कळी पहा उमलली सुगंधाने गंधाळली
वा- यासंगे डौलताना उषा हसत लाजली
सारी देवाची करणी घडवितो दिनरात
नका शोधू देवा-हात वसला चरा चरात 1
देता गरीबास अन्न , दोन आपुले कवळ
तृप्त होऊनी हसला आला असता जवळ
ओळखला नाही पण, तोची जेवला सुखात
नका शोधू देवा-हात वसला चरा चरात 2
पहा देवास कर्मात , कर्म घडवी देवत्व
सदा करिता सत्कर्म, मिळे आपणा महत्त्व
नको पूजा जप ताप ,देव वसे आपल्यात
नका शोधू देवा-हात वसला चरा चरात 3
वैशाली वर्तक
अहमदाबाद
