मदतीचे बोट दशाक्षरी चित्र काव्य

स्वप्नगंध  साहित्य  समूह  आयोजित  दशाक्षरी काव्य स्पर्धा 

चित्राधारित दशाक्षरी काव्य

       मदतीचे बोट

धरुनिया मातेचेच बोट

टाकियले पहिले पाऊल

सुखमय जीवनाची सदा

लावण्यास जीवास चाहुल

करण्या जगी ज्ञान संपन्न

जगी  गुरुजींचे   बोट हवे

 शिल्पकार धडवितो शिल्प

तैसे  ज्ञान देण्या नव  नवे

बोट हवेच मायबापांचे

संसारात   ते मार्गदर्शक 

कसा हवा संसार नेटका

तेची असतात   प्रबोधक

जन्मतो वाढतो  समाजात

तयाचेही जाणावे महत्त्व 

लागतो देणे ऋण तयाचे

त्याचेही जीवनात श्रेष्ठत्व

कर्ता करविता असे तोची

जगाचा असे तोची पालक

विनवणी  ती बोट धरण्या

करीतात विश्वाची बालक

वैशाली वर्तक 

अहमदाबाद

नियतीनशिबाचे बी// नियती

कल्पतरु जागतिक साहित्य मंच

आयोजित भव्य दिव्य राज्य स्तरिय 

उपक्रम कविता लेखन

विषय - नशीबाच बी

      

आयुष्याचे  शिवार फुलवू

नशीबाच बी आपुल्या हातात   

वेळ काम वेगची घालू सांगड

सुखी  आनंदी राहू जीवनात

झाड लावू नशीबाच

करीता प्रयत्न  हमखास 

उज्वल होईल भवितव्य 

प्रगतीची धरु कास

नशीबाच बी  असे यत्न 

करीता प्रयत्न  उचित

फोफावते शानदार

फळ देतेच खचित

बहरता नशीबाचे झाड

आयुष्य  होते समृद्ध 

सुख नांदे क्षणा क्षणा

होते नशीबाचे बी प्रसिद्ध 

भाव सकारात्मक मनी

तेच असती खत पाणी

झटकून मरगळ रहा तयार

सदा गावूया आनंदाची गाणी

वैशाली वर्तक 

अहमदाबाद

अ भारतीय ठाणे जिल्हा समूह 1

आयोजित उपक्रम क्रमांक 497

16/3/23

भारतीय कोल्हापूर मंच 

आयोजित उपक्रम क्रमांक 295

28/8/24

विषय..नियती

खरं आहे  बाई जगी

तुझ्या पुढे न चाले मती

नियती च्या मनी येता

होते सर्वांची प्रगती

 होते कोणास ठावुक

 येणार अशी महामारी

 स्थगित होईल जग सारे

 नियतीने खेळ  दाविला भारी

 असूनी परिपूर्ण तयारी

 केली पराकाष्ठा तरी

  येतो ऐनवेळी प्रसंग बाका

 विरजण पडते यशावरी

 याला म्हणती खेळ नियतीचा

 करा मनसुबे मनातूनी बरे

साथ नसता नियतीची

 हार मानावी लागते हेच खरे. 

  प्रयत्न करणे आपले काम

असतो नियतीचा खेळ

  नशिबावर न विसंबिंता

जमावावा यशाचा मेळ

वैशाली वर्तक 

अहमदाबाद