सहाक्षरी.. तुझी माझी मैञी

तुझी माझी  मैत्री 

ध्यानी मनी नाही

नजरेत आली

तुझी माझी  मैत्री 

 कधी कशी झाली      1

               

प्रथम दर्शनी

पहिलीच भेट

भावली मनात

हृदयात थेट                2

सावरणे बट

आवडली अदा

पाहून अदेला

झालो मीच फिदा        3

मधुर बोलणे

दावणे विनय

लागली मनाला

 नित्याची   सवय            4    

तुझी माझी  मैत्री 

ती जिवाभावाची

भेटण्या शिवाय

दिन न जाण्याची             5

आहोत आपण

खरे  मित्र छान

सदाची जीवनी

ठेवू मैत्र मान

वैशाली वर्तक 

अहमदाबाद

समतेच्या शोधात

जीवन गौरव साहित्य  परिवार  महाराष्ट्र  राज्य

मराठी काव्यलेखन स्पर्धा 

*जीवन गौरव साहित्य  परिवार स्पर्धेसाठी*

विषय - समतेच्या शोधात

शीर्षक - *विश्वची कुटुंब*

ठेवू  भाव   एकात्मतेचा

नाते राखूया बंधूत्वाचे

दिधले आभाळ एक ची छत

जपण्या नाते विश्व कुटुंबाचे           1

दीन अती पतीतांना साथ

उच नीचतेला नको मनी ठाव

सर्वा देवू मदतीचा हात

मनी जपूया समतेचा भाव              2

ठेवू जाण  आपण सारे बांधव

मानवता हाची खरा  धर्म 

एकदुजांना करुनी सहाय्य

प्रेम देणे  जगताला  हेची कर्म               3

 दिधलेली संतांची  शिकवण 

 आहे महान संस्कृतीचा आरसा

 नुरते  फिरणे *समतेच्या शोधात*  

 असता विश्व-कुटुंब भावनेचा वारसा           4

 सौ. वैशाली वर्तक 

 अहमदाबाद  ( गुजरात)

मो नं 8141427430

विश्वासाचा धागा

शब्दरजनी समुह 

आजचा उपक्रम

विश्वास एक धागा

  

विश्वासाचा एक धागा

करि जीवन प्रशस्त 

नसे विश्वास जीवनी

तर आयुष्य उध्वस्त 

धागा अतूट विश्वासाचा

सुखी संसारास  खास

कधी न व्हावा कमजोर

 मग ,बंध रेशीम हमखास

टाके बालक   पहिले पाऊल

बोट  घट्ट् आईचे धरुन

पूर्ण  विश्वास असे तयाचा

घेईल तीच  नक्की   सभाळून

.

विश्वासाने सदा उचलावे

जीवनात  एक एक पाऊल

परिश्रमाच्या साथीने

मिळेल यशाची चाहुल

दृढ धागा विश्वासाचा

ठेवा मनी देवावर 

 कोरोनाला घालवू आपण

आपल्या आत्म बलावर

वैशाली वर्तक