गागालगा लगागा
विषय ...पाऊस
कोमेजली शिवारे
केव्हा पडेल पाणी
वाहील थंड वारे
आले भरून अंबर
आनंदले मनाने
येतील थेंब आता
पाऊस तो क्षणाने
आलाच तो पहाना
आतुर मना जरासा
पाहून मेघ गगनी
जीवास तो दिलासा
तृप्त धरा बहरली
माती पहा अंकुरली
रानफुल हसून फुलले
तृणांकुरे पसरली.
का रे अतीच येतो
तू थांब ना जरासा
काहीच का कळेना
झालाय तू नकोसा
तुझ्या वरी बळी तो
लावून आस राही
आहेच तू खट्याळच
वेळेत येत नाही
वैशाली वर्तक
अहमदाबाद
