दिलेल्या शब्दांवरून.कविता आल्या मृगधारा

विश्व लेखकांचे समूह आयोजित 

दिलेल्या शब्दांचा वापर करून अष्टाक्षरी काव्यलेखन 

शब्द ,,,,,  अंतर पान घायाळ अबोला मोह पाऊस सांज गंध मोहर

पुरावा पालवी बांध चंद्र मन राग रंग दाह पहाट प्रेम जीव मोगरा

  शीर्षक,,,,आल्या मृग धारा 

अती *दाह* आदित्याचा

भेगाळली पृथ्वी काया

सहवेना वसुधेला

शोधी  सारे जन छाया

काळ्या रंगाच्या मेघांनी

आले भरून  गगन 

मृग *धारा* बरसता

आनंदले जन *मन*

तृप्त झाली वसुंधरा

 होता वरुणाची भेट 

वृक्षवल्ली तरारल्या 

 अंतरंगी दिसे थेट 

*मोह*  कसा आवरु मी

मनी भावतो *पाऊस*

*गंध* पसरे मातीचा 

भिजण्याची मनी हौस.

झाली बघ  *सांज* आता

*चंद्र*  नभी उगवला         

मंद सुगंधी *मोगरा*

पानो पानी डोकावला.

किती वर्णु मृग धारा.   

शब्द पडती तोकडे 

होता सुरू ऋतू वर्षा

हिरवाई चोहीकडे        

वैशाली वर्तक 

अहमदाबाद 

नव्या युगाची जननी

 नव्या युगाची जननी

आदि काळापासूनची

काय वर्णावी महती

कधी नव्हती अबला

सर्व जग ची जाणती 

नाव चमकले जगी

जेथे टाकीते पाऊल  

 सर्व  क्षेत्रात  यशाची

  तुज लागते चाहुल

आहे  सशक्त महिला

अशा अनेक सबला

झाशी मर्दानी होतीच

नका संबोधु अबला

 पहा देवीच्या रुपात

 मन होते सदा दंग

 *नव्या युगाची जननी*

 आगळाच तुझा रंग

 

आहे तुझ्यात कर्तृत्व  

घेण्या नभात भरारी

 नव्या युगाची जननी

राहो मनात उभारी

प्रगतीच्या  पथावर 

सदा ठेव तू पाऊल

पहा ती झळकतील 

देण्या यशाची चाहुल

सर्व  क्षेत्रात दिपावी

तुझ्या  उन्नतीची किर्ती

 मिळो तव प्रयत्नांना 

पूर्णपणे  स्वप्नपूर्ती

नवी स्वप्ने नवी दिशा 

कर विश्व पादाक्रांत

जगज्जेता तू होशील

हरण्याची नको भ्रांत

आहे मोकळे आकाश 

करुनिया ती हिंमत

घेता नभात भरारी

जगा कळेल किंमत

आहे तुझी नवरूपे

पुजताती सदा काळ

दुर्गा कुष्मांडा  

देते सुखाची सकाळ 

वैशाली वर्तक

अहमदाबाद

मनाची श्रीमंती

भारतीय साहित्य व सांस्कृतिक मंच अकोला 

विषय ..मनाची श्रीमंती 

  पैसा असे जरी सर्वस्व

मनाने सदा असावे श्रीमंत

असता मनाने समाधानी 

त्यास न भासे कधी खंत

मनाने असता श्रीमंत 

कधी न भासे उणीव 

चंद्र मोळी झोपडीतही

 मनी सुखी समृद्धची जाणीव 

तोची असे सदा सुखी 

असे  जो मनाने श्रीमंत 

कधी काही कमी पडता

त्यांच्या मनी नसेची खंत

वैशाली वर्तक 

अहमदाबाद