विषय - भारतीय संस्कृती
*संस्कृती महान*
भारतीय संस्कृती आपुली
आहे अति पुरातन
रुढी अन् परंपरेची सदैव
करतोय आपण जतन
सारे मानव आहेत बांधव
माणुसकीची देत शिकवण
मानवता हाची धर्म हीच
उदात्त भावना करते साठवण
साजरे करिते सणवार उत्सव
दाविते तयातून रूढी परंपरा
उत्सवातून दिसे समाजप्रेम
समतेची ध्वजा हाती धरा
किती वर्णावी संस्कृती ची गाथा
येथेच जन्मले संत, वीर महान
अन् अंतराळात जाणारे शास्त्रज्ञ
काय सांगावी संस्कृतीची शान
अशी महान संस्कृती भारतीय
असावा मनी सदा अभिमान
साहित्य , कला, क्रिडा ,संगीतात
एक एक चमकते तारे महान
आभा म सा प समूह2
आयोजित
विषय - परंपरा
जुनी संस्कृती भारतीय
चालवित आली परंपरा
पिढ्यान् पिढ्यांनी घेत
पुढे चालतोय वारसा
जुने रिती रिवाजात
सामाजिक करुन बदल
नव्या रितींचे अनुसरण
केले हे घडले नवल
सण वार पारंपारिक
होतात देशभर साजरे
संस्कार संस्कृती चे जतन
दिसते सर्वत्र हासरे
लाभलाय आपल्याला
भक्ती रस साहित्याचा
संत वाणीचा वारसा
तोची आमुल्य ठेवा परंपरेचा
वैशाली वर्तक
अहमदाबाद
