तितिक्षा भावार्थ सेवा अंतर्गत
तितिक्षा इंटरनॅशनल पुणे आयोजित
तितिक्षा काव्य लेखन स्पर्धा
वृत्त.. लवंगलता.( ८+८+८+४)
कवितेच्या ओळी पूर्ण करणे,
शीर्षक ... मानवता हाची धर्म
मानवतेचा पथ सजवाया , होवुनिया रांगोळी
माझ्या नंतर शिल्लक मागे , या कवितेच्या ओळी.
मानवता हा ,धर्मच माना , जात एकची, मानव.
नसे उच नीच , हेच जीवनी, खरे मर्म रे ,बांधव.
देवासाठी ,देता उजेड, सारेची जन ,समान.
दुजा भावची, न कदा दावी ,आहे तोची महान.
संस्काराचे करूनी जतन , क्षुधितास अन्न देणे
उजवा दुखता, वाम कराने, जसे की पुढे, येणे
सुरसरि दिधली , मुक प्राण्याला, ही संतांची, शिकवण
भूतदयेची , जाण जपूनी, कर संतांचे चिंतन
संस्कृतीची महान शिकवण मनात ठेवू , ध्यानी
पुढे चालवू, मानवता पथ ,संगे गाऊ ,गाणी
विश्वे शांती, लावून दिपक, समजावू ऐक्याला
ज्ञानेशाचा पसायदान मंत्रदेऊ जगताला
संस्कृतीच्या, परंपरे ची , काढूया रांगोळी,
सा-या विश्वी , ऐकू येती , या कवितेच्या ओळी
वैशाली वर्तक
अहमदाबाद
