सिद्ध साहित्यिक समूह
आयोजित उपक्रम क्रमांक 496
विषय... परीक्षा
सुरू होतेची परीक्षा
येता मानव जन्माला
बालपणी मायबाप
देतात उभारी मनाला
होतो मोठे जीवनी
देतो परीक्षा अनेक
उत्तीर्ण करून यशाने
येतो पुढे पाऊल , एकेक
सांभाळीत संयमाने
गृहस्थाश्रम सदाकाळ
देत परीक्षा करीतो
सदा आनंदी सकाळ
अहो सीतामाईला कुठे
परीक्षा होती चुकली
अग्नी परीक्षा देऊन
पंच कन्येत नाणे उजळली
परीक्षा करिते मोजमाप
मिळविलेल्या अनुभवाचे
काय शिकलात जीवनी
चुका सुधारून वागण्याचे
वैशाली वर्तक
अहमदाबाद
आली परीक्षा तोंडावर
म्हणतोस तू येत नाही
कसे होणार तुझे आता
चिंता मनी खात राही
नको होऊस निराश तू
नाही इतकाही मंद मती
शांत चित्ते कर वाचन
येईल स्मरणात गती
अजून वेळ गेली नाही
उठ सकाळी लवकर
कर महेनत हुशारीने
प्रातःकाळ असे सुंदर
आण ध्यानी काल वाचलेले
मग घेशील पठणाचा ध्यास
येत आहे मजला वाटेल मनी
वाढेल तुझा आत्म विश्वास
नाही तुझा धांदरट स्वभाव
चित्त ठेव सदैव शांत
केलीय शेवटी ...का होईन
नकोच आणू मनी भ्रांत
वैशाली वर्तक
तिरंगा. २१\२\२३
फडकता स्वतेजे असावा तिरंगा
जगी सौख्यदाता ठरावा तिरंगा. १
कधीही लहरता पहावा तिरंगा.
सदा झळकताना दिसावा तिरंगा. २
तिरंगा पहाता मनी हर्ष वाटे
जगाने फडकता पहावा तिरंगा ३
असे तो महा सोहळा भारताचा
मनातून सन्मानित हवा तिरंगा. ४
दिसे याच दिवशी हर घरी तिरंगा
असाची फडकता रहावा तिरंगा. ५
सलामी विनम्रे तिरंग्यास द्यावी
सर्वदा मनी आठवावा तिरंगा. ६
