आठवांचे वावटळ

***आठवांचे वावटळ**

मन गेले मागे मागे

गत काळाशी रमले

आठवले सारे सारे

मनी हसत बसले

आठवली सहजच

भेट आपुली पहिली

किती मी बावरलेली

कशी पहात राहिली

आठवांचे वावटळ

कधी जमते मनात

होते विचारांची गर्दी 

जशी मेघांची नभात

कधी येतात विचार

तूची  केलीस जीवनी

अमावस्येची पूनम

सदा दिली संजीवनी

असे उठे निवांतात

आठवांचे वावटळ

काही गोड काही कटू

काही उठवी वादळ

वैशाली वर्तक

भंगलेले स्वप्न

काव्य स्पंदन राज्य स्तरीय समूह 02

काव्य प्रकार --षडाक्षरी

विषय -- भंगलेले स्वप्न

   

आवडे मजला

स्वप्नात रंगणे

नित्य रंगे नवे

स्वप्नची देखणे

काढले सुंदर 

चित्र  मी नवीन

वाटले मजला

झाले मी प्रवीण

स्पर्धेत चित्रास

धाडणे उचित 

येईल नंबर

चित्राचा खचित

स्वप्न लागे रंगू

विचारी  मनात

सर्वोत्कृष्ट माझे

असेल सर्वात 

पण अचानक

रंगाचा कुंचला

पडे चित्रावर

विचार  खचला

रुपच चित्राचे

मजला गमेना

स्वप्न रंगविले 

काहीच सुचेना

स्पर्धेच्या स्वप्नात

उगाच रंगले

भंगलेले स्वप्न 

नसते दिसले

जागे होता कळे

अरे हे स्वप्नात

चित्र तर आहे

 माझे प्रत्यक्षात 

वैशाली वर्तक

ओवी अरे संसार संसार

उपक्रम 

शब्दरजनी  साहित्य  समुह

विषय -- अरे संसार संसार

अरे संसार संसार

नको कदा अहंकार 

दोन जीवांंचा विचार 

मिळे गोमटे फळ

वाटे संसार  सुखाचा 

मेळ त्या दोन जीवांचा

होतो सदा आनंदाचा

सुख ते जपण्याचा

संसार भव सागर

भरा प्रेमाची घागर

होते सुखाचे आगर

प्रेमाने सदाकाळ

नसे सदा सुख दारी

येते कधी दुःख भारी

देव तो पालन हारी

उभा  तो सख्या हरी

 वाटे संसार कठीण

असता तोची नवीन

येताच दिन सुदिन

रम्य होई संसार

वैशाली वर्तक

अ भा म सा प मध्य मुंबई समूह 1

उपक्रम 147

ओवी

विषय -- संसार

अरे संसार संसार

दोन जीवांंचा विचार 

मिळे गोमटे ची फळ

नको कदा अहंकार

वाटे संसार  सुखाचा 

होतो सदा आनंदाचा

मेळ त्या दोन जीवांचा

सुख ते जपण्याचा

संसार भव सागर

भरा प्रेमाची घागर

प्रेमभाव  सदाकाळ

होते सुखाचे आगर

नसे सदा सुख दारी

येते कधी दुःख भारी

उभा  पाठी सख्या हरी

असे तो संकट हारी

 वाटे संसार कठीण

असता तोची नवीन

रम्य होईल संसार

येताच दिन सुदिन

वैशाली वर्तक

अहमदाबाद

दशपदी काव्य पुन्हा नव्याने

यारिया साहित्य  कला समुह

उपक्रम

दशपदी काव्य

विषय -- पुन्हा  नव्याने

 स्वदेशीचा लावुया नारा ,  देश होण्या आत्म निर्भर

 पुन्हा  नव्याने वाहु द्या झरे, स्वावलंबी होईल भराभर

मशाल देऊ तेजाळून ,देशाच्या प्रगतीला तारक

वाचवू मुलीला भृण हत्येचे, न करिता पातक

नसे कोप  निसर्गाचा ,पर्यावरण जतनाची मशाल

करुनी वृक्षा रोपण , वाढवूया निसर्गाची  ढाल

 विश्व शांतीची  मशाल, तेजाळू  द्या संस्कृती ची

नांदावी सुखशांती  जगात, अशाच  उदात्त  भावनेची

 विसरूनी जातीभेद ,समजून  घेऊ नव्याने समतेला

संतानी  पसायदानातून  , दिलेला मंत्र  देऊ  जगताला

वैशाली वर्तक

आशेचे किरण

मोहरली लेखणी

आजचा उपक्रम

विषय --- आशेचा किरण

सर्व  जग झाले दुःखी 

 आशेचे किरण शुन्य

काय करावे न सुचे

सा-या जनांचे मन सुन्न 

सारे व्यवहार ठप्प

रहा बंदिस्त  घरात

किती दिवस बसावे

भुक तर लागे पोटात

कशी मिळेल भाकर

कसा देऊ लेकरा घास

 दाखव आशेचा किरण

सुचव  देवा उपाय खास

जन झाले आत्म निर्भर

मिळविला आशेचा किरण

घेत काळजी  कटाक्षाने

 जीवनास दिले  नवे वळण

वैशाली वर्तक

भूमंडळ सजले हे अष्टाक्षरी

काव्य स्पंदन 02 

अष्टाक्षरी काव्य रचना 

विषय - भूमंडळ  सजले हे

  शीर्षक-   **ऋतू चक्र**

निसर्गाची पहा कृपा

तोची असे एकमात्र

कधी गर्मी कधी वर्षा

त्याची सत्ता दिन रात्र

रूक्ष धरा येता वर्षा

पहा कशी बहरली

ओली चिंब धरा झाली

तृणांकुरे अंकुरली

वृक्ष  लता वेली सा-या

दिसे हिरवे सर्वत्र 

शालू हिरवा धरेचा

रंग तिचा एकमात्र

रुप भूमंडळाचे ते

बदलले पहा कसे

दिन सुगीचे ते येता

रुप नवे शोभतसे

ऋतू मागुनी ऋतू ते  

बदलत जाती जसे

निसर्गाची ही किमया

भूमंडळी  शोभतसे

वैशाली वर्तक

भास मनाचा

यारिया साहित्य  कला

रोही पंचाक्षरी

स्पर्धेसाठी

*भास मनाचा**

 शीर्षक-  *भास*

काय करावे

मन गुंतावे

या भासाने ते

किती छळावे

दिसे स्वप्नात

वसे मनात

पहावे  तर

नसे सत्यात

सदा चिंतन

मनी मंथन

कसे शमेल

अस्थिर मन

वेड जीवाला

छळे मनाला

काय करावे

अशा वेडाला

सोड हा ध्यास

न उरे भास

उगा विचार 

नको मनास

उभे ठाकले

डोळा देखले

भास मनाचा

आता नुरले

वैशाली वर्तक

मशाल

उनाड वारा  साहित्य  परिवार गुणांकन स्पर्धा

स्पर्धेसाठी

विषय - मशाल

इंग्रजांच्या  जाचाला त्रासून

घेतली मशाल स्वातंत्र्याची हाती

करुनी  देशभक्तांनी  बलिदान

स्वातंत्र्य  प्राप्तीसाठी  केली क्रांती

                                               

घेतली सावित्री  बाईंनी

स्त्री शिक्षणाची हाती मशाल

प्राप्त झाले आजच्या  नारीला

प्रगती करण्या  विश्व विशाल

प्रगती केली अंतरिक्षात   

चंद्रयान फिरले चंद्राच्या कक्षात

करुनी क्रांती  भारतीय शास्त्रज्ञांनी 

दिपविली मशाल सा-या विश्वात

तशीच मशाल देऊया तेजाळून

देश प्रगती ला होईल तारक

वाचवू मुलगी शिकवू मुलगी

भृण हत्येचे न करिता पातक

नसे कोप हा निसर्गाचा

पर्यावरण जतनाची मशाल

करुनी वृक्षा रोपण सदा

वाढवूया निसर्गाची  ढाल

मागणे पण विश्व शांतीचे

तेजाळणारी मशाल संस्कृती ची

नांदावी सुखशांती जगात

अशाच  उदात्त  भावनेची

UND 208

रक्तदान

षडाक्षरी काव्य लेखन

विषय -- रक्तदान

रक्तदान असे 

सर्वात  मोलाचे

वाचविते प्राण

रूग्णी माणसाचे

जाता मंदिरात 

सेवा ईश्वराची

या दानाने घडे

सदा समाजाची

देऊया प्राधान्य

रक्तदाना साठी

वाचता, तो रूग्ण

पुण्य कर्म गाठी

जेव्हा रक्तदाता

करितो नेमाने

प्रतिकार शक्ती

वाढते जोमाने

हृदय यकृत

निरोगी  ठेवते

 ते  रक्तदात्यांचे

चैतन्य वाढते

वय आरोग्याचे

असते बंधन

लक्षात घेऊन    

करती पालन

वैशाली वर्तक

हसे श्रावण

पंचाक्षरी

हसे श्रावण

हसे श्रावण 

मन भावन

नव सृष्टी चे

होते सृजन

आनंदी क्षण

बेधुंद जन

श्रावण मासी

सात्त्विक  मन

ऋतु हिरवा 

असे बरवा

श्रावण हसे

नित्य गोडवा

 सण येतात

भेटी होतात

हसे श्रावण

 दिसे  थाटात

वैशाली वर्तक