तुळस

 तुळस अष्टाक्षरी

   तुळस

शोभा वाढवी घराची
जेथे तुळस अंगणी
सदा राखते आरोग्य
जपा तिला मनोमनी

सांजवेळी लावताच
दिवा ज्योत वृंदावनी
 घरातून प्रसन्नता
राहे सदा मनातूनी

नाव घेता प्रसादाचे
 तुळशीचे हवे पान
होत नाही पूर्ण तोची
असा तिचा असे मान

जपताना पवित्रता
आरोग्यास गुणकारी
सर्दी खोकला पळवी
देई स्वास्थ्य घरीदारी

विठ्ठलाच्या शोभे गळा
 सदा तुळशीच्या माळा
आवडीने अर्पिलेल्या
दिसे सुंदर सावळा

वैशाली वर्तक

चित्र काव्य प्रौढ शिक्षण

उपक्रम
चित्र काव्य

बघा कशा ताई माई
मिळूनी अक्षरे गिरविती
मनी दृढ ईच्छा शिकण्याची
साक्षरतेची महती जाणिती

वयाचे नसते शिकण्या बंधन
असता मनी ईच्छा प्रबळ
प्रौढत्वातही होऊन शिक्षीत
करु उर्वरीत आयुष्य उज्वल


 नसे कमी पणा केव्हाही शिकण्यास
ठोठविले द्वार प्रौढ शाळेचे आता
होऊनी साक्षर दावु समाजास
शिक्षीत होऊ जाता जाता

शिक्षण सदा असे फायदेमंद
नको वाटे ते परावलंबी जीणे
साध्या सोप्या व्यवहारास्तव
नको दुजा ओंजळीने पाणी पीणे

म्हणूनच आलो सा-या मिळूनी
घेण्या शिक्षण प्रौढ शाळेतूनी
लावू एक एक साक्षर पणती
मिण मिणेल ती घरा -घरातूनी

वैशाली वर्तक