जुगलबंदी

काव्य निनाद  राष्ट्रीय साहित्य मंच पुणे 

काव्यलेखन उपक्रम 

विषय .. जुगलबंदी 

शीर्षक.... सादरीकरण 

वदता शब्द जुगलबंदी 

येई विचार मनात 

चाले  ही क्षणा क्षणाला 

रोजच्या जीवनात 

दुजा अर्थ असे स्पर्धा 

दिसते ती ,हर क्षेत्रात 

 खेळ,गायन, वादन, वा 

 साहित्याच्या लेखनात 

संभाषण राही, सुसंवाद 

भासे  सुरळीत   सदा

स्वतःचा प्रस्ताव  पटविण्या. 

शाब्दिक जुगलबंदी होते कदा

  गायनात दिसे जुगलबंदी 

दोन वाद्य कलाकारांची

श्रोते गण होती खुश 

मिळे थाप कौतुकाची

  जुगलबंदी दावी चुळुक

  आत्मसात केलेल्या गुणांची 

  जीवनात हवी हवीशी वाटे

   स्फुर्तीने  लहर  येते आनंदाची

वैशाली वर्तक 

अहमदाबाद

कसे जमते तुज सारे

काव्य निनाद राष्ट्रीय साहित्य मंच पुणे 

आयोजित उपक्रम 

दि 22/7/26

विषय .. कसे जमते तुला

शीर्षक.. हिशोबनीश

कसे तुजला जमते रे

तु‌च आम्हाला आधार

सारी सृष्टी  विसंबित तुजवरी

 संभाळीतो जगताचा भार

तुझ्या अस्तित्वाचा खेळ

आहे या जगी न्यारा

तूची घडविशी तोडीशी

जगातील पसारा सारा

तूची दिले सुंदर  आकाश

निर्मीले सूर्य चंद्र तारे

तव कृपा प्रसादे घडती ऋतु

तुझ्या विना कुठले आनंद वारे  

कसे राहे आठवणीत तव

संचित कर्म मानवाचे

घडविशी अमुचे  आयुष्य 

दावीत  दिन सुख दुःखाचे

घडविशी रोज सकाळ 

कालचक्र उषा अन् निशा

चाले खेळ सुख दुःखाचा

रोज नव्याने देतो दिशा

अंत समयी येती शब्द 

तुची खरा हिशोबनीश

जाणती तव अस्तित्व 

म्हणती तुजला जगदीश

वैशाली वर्तक 

 अहमदाबाद

रिकाम्या हाताची श्रीमंती

 रिकाम्या हाताची श्रीमंती 

20/7/26

आपण रिक्तची हस्ते
जाणार ही रिकाम्या हाती
कमवावी मनाची श्रीमंती
सुबोध  हा संतची. सांगताती

हात दिधले सत्कर्म कराया
नाही फक्त  शोभवाया आभुषणे
दान धर्मे दीन पतिता उठवावे
हेच बिंबवावे सदा मने

यातच दडलेली असे

रिकाम्या हाताची  श्रीमंती
हाच मंत्र ठेवा ध्यानी
हीच शिकवण  देते  आपली संस्कृती 

अष्टाक्षरी...किंवा किंव्हा अथवा

किंवा \ किंव्हा

 किंवा शब्दच असा की

 देतो आपणा पर्याय

 आवडीचे ते घेण्यास

 सांगे सहज  उपाय.

सुरू काळ शिक्षणाचा

परीक्षेच्या पेपरात

देती विकल्प प्रश्नास

किंवा दिसे प्रामुख्यात

छंद असती अनेक 

निवडती आवडीने

तेथे पर्याय असती

 स्विकारण्या  ते स्वेच्छेने 

किंवा,  वा , अथवा , आहे

शब्द सारेची   आगळे

कोणताही उचलावा

नाही अर्थात  वेगळे .

जिंकू वा मरू पर्याय 

असे सदा सैनिकांना

स्वदेशाच्या रक्षणार्थ 

उभा रही बलिदाना

 घडविता भवितव्य

 तया  महत्व  जीवनाते

 पडे प्रश्नची मनास

 कठीण निवडण्याते.

वैशाली वर्तक