शब्द सेतू
अंतिम पाचवी फेरी
दि २२\६\२५
मुक्त छंद रचना
अपयश
यश मिळाले की,
यशाला तर आनंदाने, कौतुकाने
जातेच स्वीकारले.
आणि लगेचच पेढे वा मिठाई देखील वाटून
आनंद सोहळा साजरा होतो हटके .
पण ,.....अपयश आले तर ,
तेही स्विकारताआले पाहिजे.
जीवनात संघर्ष सतत चालणारच,
अनेक कठीण प्रसंग येणारच.
काही सहज सुलभतेने उलगडणार ,
तर काही गंभीरतेने हाताळता पण,
नाहीच दिसत यशाची चिन्हे ,
आणि मग ,...अपयश पदरी पडणार
याची खात्री पण पटते.
पण अशावेळी ,जराही न डगमगता ,
हीच उद्याच्या यशाची पायरी समजून ,
आत्मविश्वासाने उचलावे पाऊल .
कळत नकळत झालेल्या चुका घेत ध्यानी ,
दृढ विश्वासाने , मेहनत घेत पुढे चालता,
सामोरी लागते यशाची चाहुल.
जशी रोज ...नसे निशा,
निशे नंतर... येतच ऊषा.
अपयशाने न होता खच्ची,
आठवावी मनी .... ती,
तेनसिंगची एव्हरेस्ट सर करण्याची जीद्य,
अथवा,.. पहा,साधा मामुली किटक कोळीला,
अनेकदा पडूनही, जाळे विणतोच ना नेटाने ?
तशीच मेहनत ,जिद्द, सकारात्मक भाव ,
आणि महत्वाचा दृढ विश्वासाने,
अपयशाला , यशात सहजतेने करावे रूपांतरित .
अपयश शब्दातील , पुसून टाकुया "अप" शब्द.
बालपणी सापशिडीच्या डावातून
हीच शिकवण देण्यास,
मायबाप ,बालकास लहान असताना,
खेळायला देऊन बाळकडू पाजतात,
सापशीडी तील शीडी..
जीवनातील चढ.. हेच यशाचे चिन्ह.
साप गिळंकृत म्हणजे ..
धडा अपयशाचा,
आपोआप नकळत मिळतो ,आणि
अपयश पचवित शंभर आकडावर पोहचतात.
अन् *अपयश* आनंदे स्विकारतात.
वैशाली वर्तक
अहमदाबाद
साहित्य तेज पेपरात 28/6/25
सिंगापूर शब्दगंध 26/7/25
विषय...हार
शब्द ...हार आणि विजय
चालतात घेऊन हाती हात
यशाला मात्र आनंदाने कौतुकाने
मिळते सर्वांकडून साथ.
उडती कारंजे आनंदाची
लगेच वाटून पेढे यशात
आनंद सोहळा करिती
जन साजरा करी झोकात
पण झाली हार तर. अपयश आले तर
जीवन एक संघर्ष असता
कठीण प्रसंगही येणारच
आले पाहिजे तेही स्विकारता.
असता जरी कठीण प्रसंग
दिसे सहज यशाचे पाऊल
पण हाताळता गंभीरतेने
कधी न लागे विजयाची चाहुल.
अशावेळी न डगमगता
मानावी आजची हार
तीच उद्याची यशाची पायरी
हवा दृढ विश्वास अपार
उचला पाऊल आत्मविश्वासे
चुकांना घेत ध्यानात
ऐकाल विजयाचा डंका
यशाचा पुष्प हार पडे गळ्यात
कारण नसे , रोजच निशा
निशे नंतर येतेच ऊषा
न होता मनाने खच्ची
विजयाची मिळवा नवी दिशा
बालपणीची सापशिडी
खेळातून मिळे शिकवण
म्हणूनच पाजण्या बाळकडू
खेळावया देती मोठे जन.
सापशिडीतील शिडी
दाखवी चिन्ह यशाचे
सापे करिता गिळंकृत
सहज दिसे अपयशाचे
असेच चाले जीवनात
सदैव हार जीत चा खेळ
खेळ खेळता अंक शंभराचा
पोहोचण्यास जमवावा मेळ
वैशाली वर्तक
अहमदाबाद26/7/25
