मोहरली लेखणी साहित्य समूह
चित्र काव्य
दि 25/3/25
शीर्षक ...स्वप्न परी
पाहताच सुंदरीला
प्राची झाली प्रफुल्लित
काय नावे बोलावू तिज
मन झाले संभ्रमित
कमनीय बांधा तिचा
भासे उतरली परी
मोहक तिच्या रुपानेी
झोप उडाली झडकरी
सारूनिया पांघरूण
नयन सुख घेऊ पाहे
मोकळ्या त्या कुंतलाना
मन डोळा भरून पाहे
कशी आली अचानक
कसा तिला पत्ता ठाव
माझे मलाच कळेना
कसे विचारावे तिज नाव
झाला गजर घड्याळाचा
झालो स्वप्नातून जागा
बंद करण्यास हात जाता
ध्यानी आला स्वप्नाचा धागा.
वैशाली वर्तक
अहमदाबाद
काव्यस्पंदन राज्यस्तरीय 02
आयोजित उपक्रम
18/4/25
ओळ काव्य -
ओळ - सहचारिणी मी , मीच अर्धांगिनी
सहचारिणी मी मीच अर्धांगिनी
नभीचा शशी तू मी तुझी रोहिणी
नभी सांजवेळी , तव संगतीला
असे मीही तुझ्या, सदा सोबतीला
आपुल्या विणा शोभा, नसे नभांगणी
नभीचा शशी तू, शोभे मी रोहिणी 1
संसार बागेत , भरिलास गंध
तुझ्याच नामाचा ,जडलाची छंद
तव अस्तित्वाने ,शोभे मी स्वामिनी
नभीचा शशी तू ,शोभे मी रोहिणी 2
ओढ किना-याची, असेची लाटेला
तुला भेटण्याची , सदैव मजला
तूची माझा राजा, तुझी मीच राणी
नभीचा शशी तू ,शोभे मी रोहिणी. 3
वैशाली वर्तक
अहमदाबाद
स्वराज्य लेखणी मंच आयोजित
कवयित्री सुनीता कपाळे यांच्या वाढदिवसानिमित्त काव्य लेखन स्पर्धा
उपक्रम १
काव्य प्रकार अष्टाक्षरी
दि १३\४\२५
विषय... ताई...एक वरदान
*स्पर्धेसाठी*
शीर्षक...*ताई तू दुजी आई*
माया तुझी आई सम
तुझी सय सदा राही.
किती केले लाड तूच
विसरणे शक्य नाही 1
होता कधी चूक माझी
तूची घेई सावरून
तुझ्या पदराच्या आड
बसलेला , मी लपून. 2
परीक्षेला पण, जाता
तुझ्या आशीषाचा हात
असे सदा शिरावर
यशासाठी तुझी साथ. 3
आई बाबांची काळजी
किती तू कर्तृत्ववान
झाली तूची आई त्यांची
वाटे ताई मज वरदान 4
*ताई ...एक वरदान*
तिच दुजी असे आई
सदा ऋणी जीवनात
कसा होऊ उतराई. 5
ऋण तुझे जन्म भर
कसा होऊ उतराई.
पूर्ण कर आस देवा
जन्मोजन्मी हीच ताई. 6
वैशाली वर्तक.
अहमदाबाद.
८१४१४२७४३०
साहित्य लीला पेपरात २९\७\२५
