मोरपीस
मन माझे आनंदले
किती पहा आकर्षक
पीस सुंदर मोराचे
भासे चित्ताला वेधक.
सप्त रंगातील ऱंग
हिरवाई नील पीत
भरलीत विधात्याने
सुंदर करण्या नीत.
मेघ जमता अंबरी
पुरविता पिसारा भार
पडलेले जल पिसावर
चमकता दिसे शानदार
मोरपीस स्पर्श अलवार
सुखावितो तन मनाला
विधात्याने सौंदर्य सारे
अर्पिले जणु मयूराला.
पाहताच मयूर पीस
आठवे कृष्णाची मूर्ती
शोभिवंत दिसे शिरी
मनी मिळे सदा स्फुर्ती
वैशाली वर्तक
अहमदाबाद
