गझल कार्यशाळा उपक्रम क्रमांक 4
वृत्त लवंगलता
मात्रा 8-8-8-4=28
रदीफ.. बाकी काही नाही
अलामत --आ
मिळेल आशा आधाराने बाकी काही नाही
जगलो मात्र. आनंदाने. बाकी काही नाही.
काय मिळाले काय गमविले हिशोब याचा बघता.
वागत आलो व्यवहाराने बाकी काही नाही.
मार्ग न दिसता निराश होणे. माहित नाही मजला.
विजय मिळाला कर्तृत्वाने बाकी काही नाही
केंव्हा केले सत्कार्य तिने माहित नाही जगता
सांगत फिरते अभिमानाने बाकी काही नाही
शिशीरे पहा उजाड केली राने वृक्षे सारी
आता नटली वैविध्याने बाकी काही नाही
बोलआठवा गुरू जनांचे येतात सदा कामी
संस्काराच्या आधाराने बाकी काही नाही.
वैशाली वर्तक
