हरी नामाचा गजर

सिध्द  साहित्यिक  समूह

आयोजित  उपक्रम क्रमांक ४४६

विषय -नाम गजर

     *हरी नामाचा गजर*

वारी निघाली पंढरी

विठु नाम ओठावरी

हरी भक्तीत न्हाहती

वारकरी निरंतरी

जय घोष विठ्ठलाचा

एकादशी  आषाढीला

नाम गजर करिता

चला जाऊ पंढरीला

विठ्ठलाच्या गजरात

 वारकरी होती गोळा

घेता दर्शन विठुचे

वाहे आनंदाश्रू डोळा

नाम स्मरणात असे

अनामिक दृढ शक्ती 

दूर   होती भवताप

करा मनोभावे भक्ती

झेंडा रोवतील तीरी

हरी नाम गजरात

दुम दुमेल पंढरी

विठ्ठलाच्या भजनात

वैशाली वर्तक 

अहमदाबाद

जळता कशाला कुणावर

रचियता साहित्य  मंच

सामाजिक कविता

*जळता  कशाला कुणावर**

 दुजावर जळणे हा

असे सदाची दुर्गुण

 षडरिपू तील एक 

दूर  ठेवा मनातून

दुजावर जळणे हे

असे लक्षण  द्वेषाचे

त्रास करिती स्वतः ला

सदा असे ते तोट्याचे

ज्याच्या त्याच्या  नशीबाने

देव देत असे जना

मग का उगाच मनी

दुजा वर  रोष मना

दुजा वरी करी ईर्षा

काही होत नसे साध्य

तयापेक्षा समाधान

देई सारे जे असाध्य

मन राखण्या निर्मळ

ऐका सदा संतवाणी

करी मनास प्रसन्न 

वाटे जणु गंगेचे पाणी

वैशाली वर्तक