नसे चिंता उन पावसाची
मिळविण्या रोजची भाकरी
निघाली पहा ललना
नाही करित कोणाची चाकरी
नवीन घेऊनी भांडी
सांभाळीत डोईवर भार
तान्हास बांथून कडेवर
कष्ट करायला तयार
जुने घेऊनिया कपडे
मुखाने भांड्यांची आरोळी
देते नव नवी भांडी
वणवण फिरे घरांच्या ओळी .
ताई माई ऐकता तिची हाक
बोलावी तिजला त्वरित
वाट बोहारणीची पाहून
वस्तू विनीयम करित
असा रोजचा शिरस्ता
नाही वाटे कधीच शीण
रोज वेगवेगळ्या पेठेत
फिरता होत नाही क्षीण
