सुनीत काव्य रचना ओंजळ फुलांची

शब्दरजनी साहित्य  समूह आयोजित 

सराव उपक्रम  सुनीत काव्य लेखन

विषय -- ओंजळ फुलांची

    *प्रेम भाव*

ओंजळ फुलांची भरली 

वाहू कुणाच्या चरणी?

सदा लीन रहावे शरणी

मायबापांची  माया कधी का सरली.?

प्रेमाने  वहीन फुलांची ओंजळ

 पण कैसे फेडू तुमचे ऋण?

निवांतता नव्हता तया एक क्षण.

कसे फेडणार ऋण  सांगा   प्रांजळ?

जन्मभर कष्ट करुनी विणले सुखाचे धागे

वेळ आता आपुली, का पळावे दूर?

फेड उपकारांची करावी ,न पहाता मागे.

नको रहाण्या मनी सदैव हूर हूर

झिजवली काया  देण्यासाठी  सुख

मग आता नका देवू तयाना दुःख 

वैशाली वर्तकशब्दशिल्प कलाविष्कार संध

आयोजित उपक्रम

काव्यप्रकार...सुनीत

विषय... बेरोजगारी 

     *कशाला चाकरी*

 

रंगवली होती साहेबी स्वप्ने मनात

मनाजोगती नक्की मिळेल नोकरी 

झालो आहोत ना उत्तम पदवीधर ?

आता कसलाच नाही खेद अंतरी .  1      

केले अर्ज अनेक जागी कचेरीत

काय झाले असूनही कुशाग्र बुध्दी हुशार,?

वशीलेवाले सारे पुढे निघाले

सर्वत्र दिसला माजलेला भ्रष्टाचार..2

काय करावे काही कळेना

शिकून सावरुन पण मी का बेकार?

क्षणात वाटे हातातली प्रमाणपत्रे

हासत म्हणती तू शिक्षीत *बेरोजगार*

 न होता विचलित,धावत आलो शिवारी

माझीमाय काळी माती,कशाला करु  चाकरी

वैशाली वर्तक

अहमदाबाद

उद्याचा विचार दूरदृष्टी 6/2/2021

अ.भा म  सा प समूह02

विषय - दूरदृष्टी

*उद्या चा विचार*

जीवनाच्या  वाटेवर 

हवी सदा दूर दृष्टी  

वाट होते ती सुलभ

नाही होत मन कष्टी

दूरदृष्टी   ठेवताच

मार्ग  कामाचा सुलभ

 मिळे   पावती कामाची

नुरे चिंतेचे मळभ

साधी मुंगी पहा कशी

करी  अन्नाची साठवण

ठेवूनिया दुरदृष्टी करी

पावसाची  बोळवण

 

करा सारासार विचार 

यश दिसे उभे दारी

यालाच म्हणे दूर दृष्टी 

आहे ना गंमत भारी

आपल्याला सुखासाठी

माय बापांची दुरदृष्टी

येतेय आता ती कामी

कशी सुंदर  भासे  सृष्टी 

वैशाली वर्तक

माणसे कशी जोडावी /हातची माणसे

सावली प्रकाशन समूह आयोजित  

काव्य लेखन 

नाते

विषय -- माणसे कशी जोडावी

माणसे जोडणे आहे कला

आधी माणुसकीला जागा

 मानवता हाची धर्म जाणा

बांधला जाईल प्रेमाचा धागा

नको मिथ्याभिमान मनी

वाणीत हवी साखर थोडी

सहकाराची भावना मनी

कोण करेल उगा कुरघोडी

जेथे तेथे  नको  मी पणा

त्रासदायक वाटे इतर जीवा   

वाद विवाद शक्यतो टाळा

माघार घेण्याची नीती ठेवा

द्यावा सदा मान इतरास 

नको मनी शंकेचे मळभ

निखालस भाव ठेवता

माणसे जोडणे होते सुलभ  

 तुकड्या-तुकड्यात नकाशा विश्वाचा       जगाच्या नकाशाचे तुकडे

पाठी  मागे होते माणसाचे चित्र               मागे  होते चित्र माणसाचे

  मानवाचे  चित्र जोडले जाता                  चित्र माणसाचे  जोडता

सहज झाला विश्वाचा मित्र                         सहज जुळले नाते विश्वाचे

वैशाली वर्तक 

लालित्य नक्षत्रवेल

आयोजित उपक्रम

विषय.. हाती आलेली माणसं 

संपर्कात आलेली माणसे

करा सदा आपलीशी

नको मनी कोतेपणा 

वाटतील हवी हवीशी 

माणसे जोडणे आहे कला

आधी माणुसकीला जागा

मानवता हाची धर्म जाणा

बांधला जाईल प्रेमाचा धागा

नको मिथ्याभिमान मनी

वाणीत हवी साखर थोडी

सहकाराची भावना मनी

कोण करेल उगा कुरघोडी

जेथे तेथे  नको  मी पणा

त्रासदायक वाटे इतर जीवा   

वाद विवाद शक्यतो टाळा

माघार घेण्याची नीती ठेवा

द्यावा सदा मान इतरास 

नको मनी शंकेचे मळभ

निखालस भाव ठेवता

माणसे जोडणे होते सुलभ

  तीच असे खरी श्रीमंती

 असे प्रिय सर्व माणसात

 हाताची माणसे जपत

वावरतो सर्व जगतात

वैशाली वर्तक

अहमदाबाद

वैशाली वर्तक

गीत. नाही देव देवळात भक्ती गीत / अष्टाक्षरी देव नाही देवा-हात/ देह देवाचे मंदीर

काव्य स्पंदन 02 राज्य स्तर 

काव्य प्रकार भावगीत

विषय -- नाही देव देवळात

आहे तोच  अंतरात, नाही देव  देवळात 

नका शोधू देवा-ह्यात  ,वसला चरा चरात

कळी पहा उमलली   सुगंधाने गंधाळली

वा- यासंगे डौलताना उषा हसत लाजली   

सारी देवाची  करणी  घडवितो दिनरात

 नका शोधू देवा-हात  वसला  चरा चरात        1

देता गरीबास अन्न , दोन आपुले कवळ   

तृप्त होऊनी हसला  आला असता जवळ

ओळखला नाही पण, तोची जेवला सुखात

नका शोधू देवा-हात  वसला चरा चरात             2

पहा देवास कर्मात ,  कर्म  घडवी देवत्व

सदा करिता सत्कर्म, मिळे  आपणा महत्त्व 

 नको पूजा जप ताप ,देव वसे आपल्यात 

  नका शोधू देवा-हात  वसला चरा चरात          3

वैशाली वर्तक

अहमदाबाद

अ भा म सा प स्वप्नगंध समूह

ओळ काव्य  अष्टाक्षरी

*देव नाही देव्हा-यात*

सदा करावे सत्कर्म

देव वसतो कर्मात

तेथे असतो देवच

देव नसे देव्हा-यात

नको पूजा जप ताप ,

देव वसे आपल्यात 

 नका शोधू देव्हा-यात

  वसला चरा चरात    

देता गरीबास अन्न ,

 दोन आपुले कवळ   

तृप्त होऊनी हसला 

 आला असता जवळ

ओळखला नाही तया

 तोची जेवला सुखात

नका शोधू देव्हा-यात 

 वसला चरा चरात        

कळी पहा उमलली

   सुगंधाने गंधाळली

वा- यासंगे डौलताना 

उषा हसत लाजली   

सारी देवाची  करणी  

घडवितो दिनरात

देव वसे तो फुलात

शोधा तया निसर्गात 

वैशाली वर्तक

अभा स प सा समूह 2

उपक्रम 372

15/2/22

विषय - देह देवाचे मंदीर

       *कर्मात देव*

 जन्म  दिधला देवाने

देह करी   कर्मे सारी

वसतो तोची देहात

 सदा कर्मे करावी न्यारी

देव वसतो कर्मात

 सदा घडावे सत्कर्म  

देव भेटे कर्मातुनी

हेची जीवनाचे मर्म

देता भुकेल्यास अन्न

उठविता पतितास 

हसे तो निर्मळ भावे

बघतो आपणास 

दडलेले दुधात लोणी

जरी  नाही दिसत  सहज

तसाच देव वसे देहात

सांगण्याची नसे गरज

वैशाली वर्तक 

अहमदाबाद

उबदार बंब

उपक्रम

उबदार बंब

होता परसदारी

ऐटीत  बंब उभा 

गरम पाण्याची

होती सदा मुभा

सकाळीच आई 

 बंब पेटवायची

तोंड धुण्या पासून

ऊन पाणी द्यायची

थंडीची अभ्यंगस्नाने

व्हायची  ओळीने

कडकडीत पाणी

मिळे सोयी सोयीने

गेले ते दिन आता

सौरऊर्जा आली

गिझर मागे पडले

वीजेची बचत झाली

राहिल्या आठवणी

     बंबच्या मनात      

पहा तयाला खेळातल्या

  चिमुकल्या घर संसारात 

वैशाली वर्तक

स्फुट लेखन

अ भा म सा प स्वप्नगंध समूह आयोजित 

  उपक्रम  स्फूट विचार  लेखन  

विषय -- परिवर्तन

परिवर्तन 

 एका नंतर एक ऋतू  येती.. परिवर्तन  हा तर नियम सृष्टीचा. काळानुसार  आपण ही करावा बदल विचारांचा , पहाण्याचा दृष्टी  कोनाचा!

आठवा कविता केशवसुतांची

         जुने जाऊद्या मरणा लागुनी

          जाळून किंवा पुरुनी टाका

          सडतन ऐका ठायी ठाका

          सावध ऐका पुढल्या हाका.

      खरच बदलत्या काळानुसार विचारांचे  परिवर्तन  होणे गरजेच आहे. जुन्या  चालीरीतीत  केलेले परिवर्तन  म्हणजे स्रीशिक्षण ...उंच  माझा  झोका मालिकेत

रमाबाई रानडे यांचे  परिवर्तनशील विचार .. तसेच सध्याचे मुली ला पण समानतेची वागणूक.. हे सारे विचारच  परिवर्तन घडवू शकतील. एका पीढीने दुस-या पिढीकडे पहाण्याचा विचाराचा बदल हेच परिवर्तन .

वैशाली वर्तक  

शब्द 72

स्फुट लेखन 

विषय 

*मुलगा मुलगी असमानता*

  अरे काय ? पुन्हा  मुलगी..?

  म्हणजे वंशाचा दिवा नाहीच  !

  हे विचार अजून समाजात मुरलेलेच आहेत. त्यांना मुळासकट मनातून उपटले    पाहिजेत . अजून ही समाजाची मानसिकता जुन्याच रुढी रिवाजात जगतेय. ती

जेव्हा जाईल तेव्हा ही असमानता जाईल .व त्यासाठी स्त्रीया  अजूनही शिक्षीत

नुसत्या शिक्षीत म्हणजे पुस्तकी  नाही तर, मानासिक तेने बदलल्या पाहिजेत तरच असमानता जाईल. स्त्रीयांना कर्तृत्वाची जाण आहेच. 

शब्द संख्या 56

वैशाली वर्तक

1/2/2021

भित्रट ससा

अ .भा म सा प समूह 2 

उपक्रम 85 

चित्र काव्य *भित्रा ससा*

 1/2/2021 

 घाबरुन जातो क्षणात 

इतका तू भित्रट कसा 

जरा पान पडताच सश्या

 बिचकून जातो असा 

 मऊ मऊ अंग तुझे 

 शुभ्र कापसाचे गोळे 

रूप तुझे सदा आवडे

 लाल चुटुक त्यात डोळे

 मारतो टुण टुण उड्या 

हिरव्या गार गवतात 

जरा खुट्ट् आवाज होता 

पळ काढतो क्षणार्धात 

 कान सतत टकवारुन 

घेत असतो तू चाहुल 

कोणी येत आहे कळताच 

काढतो तेथून पाऊल 

 तुला तुझ्या चपळतेचा

 झाला होता गर्व एकदा

 पण शिकवण मिळाली आम्हा ! 

गर्व नसे हो चांगला कदा ..

.......वैशाली वर्तक अहमदाबाद 1/2/2021

गीत.....रातराणी कोमेजली / रातराणी अष्टाक्षरी

रातराणी कोमेजली**

  मने  जुळूनी आपुली , वेडी मी कुठे फसली

  माझे मलाच कळेना , प्रीत अशी का रुसली     ।।   धृवपद

       दिली  घेतली मिळूनी वचने ती उमजूनी

      चंद्र  असता नभात, चांदण्यात त्या रमूनी

       रातराणी हळुवार  लाजतच बहरली

      माझे मलाच कळेना , प्रीत अशी का रुसली         1

      लाट जशी सागराची,वाट पाही किना-याची

       ओढ तुझ्या त्याभेटीची भासे सदा सहा-याची

       तुझ्या येण्याची अजुनी ,आस सखया लागली

       माझे मलाच कळेना प्रीत अशी का रुसली     ....      2

       किती दावलीस स्वप्ने सख्या भाबड्या मनाला

       उगा दिधले बहाणे  भेटण्यास न येण्याला

      नको मज दावू आता रातराणी कोमेजली

       माझे मलाच कळेना प्रीत आशी का रुसली...     3

वैशाली वर्तक. 

अ भा म सा प स्वप्नगंध समूह आयोजित उपक्रम 

स्पर्धेसाठी अष्टाक्षरी रचना

**गंधाळली रातराणी**

परसात रातराणी

उभी कशी डौलदार

असो किती दुजी फुले

सदा ती बहारदार

होता सांजवेळ रोज

सुरु होते   बहरणे

तिन्ही  सांजचा दिव्याला

 परिमल गंधाळणे.

जसा वाढतो काळोख

वाढे मंद दरवळ

थंड वा-याची झुळूक

पसरतो परिमळ

आसमंत सुगंधित

केला पहा रातराणी

आता मज सांगे कशी

नीज  गात गोड गाणी

वैशाली वर्तक