ज्योत लावू मना मनात

स्पर्धा स्पर्धा 

स्वप्नगंध साहित्य समूह 

दिवाळी निमित्त ओळ काव्यलेखन स्पर्धा 

ओळ. ज्योत लावू मना मनात 

 विषय..ज्योत लावू मनामनात 

शीर्षक. *आनंदाने भरेल  संसार*

दीप-आवली ती दिपावली 

दूर सारिते तम सारे

पर्व असे हर्ष-उल्हासाचा

वाहती आनंदाचे वारे.

ज्योत ही प्रतिक तेजाची

लाविता दीप प्रांगणात 

आसमंत होई प्रकाशित  

प्रेम-ज्योत तेजाळू मनात

वाहेल  प्रेमाची सरिता. 

वाढवेल प्रेम आपापसात 

विश्व बंधुत्वाचे नाते अपुले 

ज्योत लावू मना मनात 

जाऊनिया अनाथा घरी      

नसती तयांना पालक.        

ज्योत लावू मना मनात 

पहा किती निष्पाप  बालक.

दुःख मय त्या तिमीरा

लावुनिया दीप ओळी

उजळवू तयांची घरे

काढुनिया सुंदर  रांगोळी 

ज्योत लावू मना मनात,

उघडले स्वर्गाचे दार.

नसेल कोणी दु:खी कष्टी,

आनंदाने भरेल हा संसार.

वैशाली वर्तक 

अहमदाबाद 

8141427430

सामर्थ्य लेखणीचे

 

रंगमंच

रंगमंच

होते ओळख, मिळते ख्याती,
कलाकाराच्या अभिनयाची जागा.
समाजाचा आरसा व प्रबोधन,
*रंगमंच* असे रंजनाचा धागा

विष्णुदास भावे आद्य जनक,
मराठी रंगभूमी दिन आज.
'सीता स्वयंवर' पहिले नाट्य,
लावू आता आठवांचा ताज

रंगमंच हा होतो सुसज्ज,
ध्वनी अन् प्रकाश योजनेने.
होते चकासणी नीट सगळी,
पडदा वर सरकतो आदराने

करुनिया पूजा रंगमंचाची,
रंगदेवतेला करिती वंदन.
तयार होती सारे कलाकार,
जिंकावयाला प्रेक्षकांचे मन

कलाकार येता रंगमंचावर,
होतो समरस भूमिकेत.
मुखवटा तो आवश्यक,
कला दर्शवण्या नाटकात

समरस झालेला कलेत,
रंगमंचाचा तो कलावंत.
संपताच नाट्य दावी खरे रूप,
अन् अभिनयात ठरे यशवंत

वैशाली वर्तक 

---

कधी तरी तू हाक दे..... ओढ

 

सेवापूर्ती

स्पर्धेसाठी 

कमलविश्व राज्यस्तर स्पर्धा साहित्य समूह 

आयोजित मासिक भव्य राज्यस्तरीय काव्य लेखन स्पर्धा 

माहे ऑक्टोबर 2026

31/10/26

विषय ...सेवा पूर्ती

शीर्षक.   तृप्ती आणि विरहाचा क्षण

होऊनिया पदवीधर 

सुरू केले अर्थार्जन 

पहाता पहाता आला

सेवा पूर्ती चा क्षण.

अन्नदाती समजून

 केली सेवा निष्ठेने

व्यवहारी ज्ञानी झाले 

जीवनात कटाक्षाने;

किती वर्षे केली सेवा

त्याची  होई उजळणी 

गप्पांतून मन भरले

जाग्या झाल्या आठवणी

 सूरू झाले गुणगान

उभी रहाता भाषणास

डोळे आता पाणावले

मी नि:शब्द वदण्यास 

अशी जाहली सेवापूर्ती

शेवटचा दिवस आला,

तृप्ती आणि विरहाचा

अनोखा संगम जाहला.

वैशाली वर्तक 

अहमदाबाद 

8141427430

,

कोरडी माया

मोहरली लेखणी साहित्य समूह आयोजित 

उपक्रम 

विषय     कोरडी  ही माया

शीर्षक. 

आहे सध्याचे जीवन

निव्वळ ते दिखाव्याचे

नाही कशातच तथ्य

पोकळ प्रेम दाखवायचे

नाटकी हास्य सदा

नाही  लवलेश भाव

खोटा मुखवटा मुखी

दिसे  प्रेमाचा  अभाव

शब्द खोटे दिलासाचे

खोटे खोटे आश्वासन 

पूर्ण करत नाही कधीच 

दिलेले सहज वचन

सध्या खरे चेहरे कमी 

कमी दिसतात जगात

मुखावटा घालून फिरे 

फिरे बिनधास्त जोमात 

खरे प्रेमच नुरले 

कोरडी पडली माया

खोटे अश्रू ढाळताती

 न दिसे प्रेमळ छाया

वैशाली वर्तक 

अहमदाबाद

कृष्णाची बासरी

वल्ड व्हिजन टाईम्स ऑफ इंडिया २९\१०\२६

प्रकाशित\

दिव्याग संवाद मधे प्रकाशित दि 3/11/26

 स्वप्न गंध साहित्य समूह आयोजित 

कृष्ण जन्माष्टमी निमित्त विशेष उपक्रम क्रमांक 303

विषय ..  कृष्णाची बासरी

किती नावे  बासरीला

पावा वेणु अलगुज

जशी करिते सातही 

 स्वरांशी ती हितगुज 

 जरी रिक्त  दिसण्यात, 

 मुरलीला  फुंकताची

नादब्रह्म अनुभुती 

निर्मिती होते सप्त सुरांची.

आद्य स्वर  *सा* षडज 

असे पाया संगीताचा

*रे* दाखवी व्याकुळता

 *ग*  स्वरची सौहार्दाचा

   गुढ शांततेचा स्वर् *म*

 मधोमध सप्तकाचा

   साधर्म्यता मध्यमा शी

शांत गंभीर प्रवृत्तीचा

*प* मधुर निसर्गाशी

   सूर  सदा जोडणारा

तर *ध* धैवत असे

स्थैर्य बुद्धी दर्शविणारा

निषाद *नी* शेवटचा

उच्च भाव सप्तकात

असे सप्त स्वरी पावा 

जोडलेला आध्यामात

  

आहे सुंदर वाद्य बासरी

फायदे नाना जाणावे

ताण तणाव  दूर सारिते

महत्व मनी जपावे.

वैशाली वर्तक 

अहमदाबाद