गुलमोहर

सिद्ध लेखिका समूह आयोजित उपक्रम
काव्यलेखन
विषय-गुलमोहर
      *स्थितप्रज्ञ*
लालबुंद पाकळ्यात
उभा स्थित प्र ज्ञ जसा
टळटळत्या उन्हात
दावी जीवनाचा ठसा


साहूनिया तप्त झळा
उन्हाळ्यात बहरतो    
काय असते जगणे
सर्व जनास दावतो


थकलेल्या भागलेल्या
 जीवा देतोस दिलासा
दुःख सहून मगच
जगी सुखाचा खुलासा

 हर्ष दाटे पाहताच
वाटे मना क्षणभर
 पाहूनीया तो मोहर
दूर होईना नजर

लागे मनास वेडच
लालकेशरी रंगात
सर्वाहूनी वेगळाच
भासे आगळ्या ढंगात

वैशाली वर्तक