तुझी वाट पहाते रे
कधी येशील. गगनी अधीरता मनी दाटे.
तम निशेचा सारण्या तुझी वाट मी पहाते
आशा रुपी कळ्यांची फुले फुलती सकाळी.
किलबील ती खगांची गोड भासते भुपाळी
होता तुझेची आगमन आनंद मनास वाटे
तम निशेचा सारण्या तुझी वाट मी पहाते
तुझ्या येण्याने वहाती,नव चैतन्याचे वारे
सडे केशराचे नभी, मंदावती नभी तारे
मंद झुळुक वा-याची मनास सुखावते
तम निशेचा सारण्या तुझी वाट मी पाहते
तुज अर्ध्य देण्या उभे जन सारेची कधीचे
तुझ्या येण्याने जाईल सारे नैराश्य मनीचे
फाकलेल्या शलाकात प्रसन्नता लाभते
तम निशेचा सारण्या तुझी वाट मी पहाते
स्वर्ण रंगात येताची मिळे जीवन जनांना
प्रफुल्लित मने जन वदे "प्रभात "त्या क्षणांना
झाली उष:काल नव आशांची मनी भासते
तम निशेचा सारण्या तुझी वाट मी पाहते
वैशालीवर्तक
कोणत्याही टिप्पण्या नाहीत:
टिप्पणी पोस्ट करा