सचित्र चारोळी

अरे अरे ज्ञाना झालासी पावन

              अरे अरे ज्ञाना झालासी पावन
         
      मिळविता जीवनी परमानुभव
       दूर करिता जाहलासी प्रपंचास
        प्राप्त जाहले तया क्षमाशील रुप
             अरे अरे ज्ञाना झालासी पावन

        उमजले देव वसे चराचरात
        असे तो अपुल्याच हरकर्मात
        अनुभुती ही जाहली तयास
               अरे अरे ज्ञाना झालासी पावन

        आपपर भावातूनी होई मुक्त
        मी पण  गेले सर्वस्वी विरून
        अन्य तत्वाचा न राहे संदेह
             अरे अरे ज्ञाना झालासी पावन

        भौतिक सुखा होऊनी विन्मुख
         जाहला मिळविता अलौकिक सुख
          पावली समाधान वृत्ती तयास
               अरे अरे ज्ञाना झालासी पावन
                                       वैशाली  वर्तक              20/5/2018
         

माता

              माता                               3/5/2018
   

   जिच्या जीवावर उजळे जीवन

   जन्मदायिनी असे माता महान

   माया-ममतेचा  ती असे सागर

     पहिल्या गुरुचा तिजलाच मान

   
    
                  आई नंतर  हीचे च  स्थान

                 जिच्या अंतरी वसे देव-सहस्त्र                    

                    माते समान पोषिते जीवास
                     गोमाता" म्हणून पूजती सर्वत्र

      धावत येते कडे-कपारीतून

    जीवन देते सर्व  जीव -सृष्टीला

      कधी संथ,तर कधी खळाळून
     माता म्हणूनी पुजीती सरितेला

                   अन्न,वस्त्र ,निवारा देते आपणास

                     जिच्या हृदयी भरली  खाण

                     तिचेच पायिक आपण सर्व काळ

                       अवनी असशी  माते समान

      असे आपणास प्रिय प्राणाहूनी   
      माते सम सन्मानित जन्मभूमी

     तिजसाठी केले बलिदान वीरांनी
      स्वर्गाहूनी प्रिय मम  मातृ-भूमी
                           .......वैशाली वर्तक

वाटा

•                                                                        

                       वाटा                            1/5/2018

         सोडू नको धोपट  वाट
         मनुजा, सोडू नको धोपट वाट
                    कशी धावते पहा सरिता
                    आक्रमिते विकट वाट सर्वथा
                    सतत वाहते कधी न थांबता
                                    मनुजा  सोडू नको धोपट वाट
                   जपून पाऊले उचल  जरा
                   धैर्य संयम ठेवूनीया  मना
                  दुर्गम वाटच नसे सर्वदा
                                   मनुजा सोडू नको धोपट वाट
                 बीजांकुर फूटतसे मातीतून
                खडतर वाट सहतसे "ते "पण
                 येई वरती हळूच डोकावून
                                   मनुजा सोडूनको धोपट वाट
                 सोसून दगड  टाकीचे घाव
                 देवत्व पावोनी शोभे राऊळात
                सुगम मार्ग मग मिळे तयास
                                   मनुजा  सोडू नको धोपट वाट
                पदो-पदी तू  रहा  खंबीर
               कधी न ढळूदे तव विश्वास
               विचलीत न होता तू मार्गातून
                                  मनुजा सोडू नको धोपट वाट
               देव मानीती राम-कृष्णास
               तयांनाही न चुकला कारा-वास
               प्रभूरामांनी  भोगियला वनवास
                               मनुजा सोडू नको धोपट वाट
                               
                     ........      ..............   वैशाली वर्तक