शब्द रजनी साहित्य समूह पुणे
चित्र काव्य
अष्टाक्षरी
शीर्षक ... करु हितगुज
हात हातात घेतला
जाऊ समुद्र किनारी
मौज लाटांची पहात
बसु बाळुत शेजारी.
सूर्य आलाय अस्ताला
पीत वर्णी नभ झाले
दिशा सा-या धुंद कशा
जन फिरायला आले.
सांज असतेच अशी
ओढ लावते जिवाला
दोघे आपण असता
मिळे आनंद मनाला .
रंगवूया स्वप्ने मनी
सांग तू मनीचे गुज
नको ठेवू मनी किंतू
करू आज हितगुज
सूर्य पण पहातोय
पुन्हा पुन्हा वळुनिया
किती गोड हास्य तुझे
तोही थांबला पहाया
वैशाली वर्तक
अहमदाबाद
