समस्या पूर्ती

असे  डोके  गोल  जरी टाचणीस 

नसे त्याच्या वर एक ही  केस 

दोन असती   कान  जरी कढईला

ये ना  ऐकावयास  काही  तिला

तीन असती जरी नारळास   डोळे

दिसे ना त्याला कुठे काय चाले

चार असती पाय जरी खुर्चीला

ये ना चालता कुठे ही तिला 

पाच ............

पाच बोटे असून पंजास

प्रत्येकास नाव हमखास

सहा  पायाचे किटक अपार 

चावता रोग राई पसरे फार

सात  सप्तर्षीं असती

 ब्रह्म देवाची पुत्र मानती

आठ पुत्र सौभाग्यवती 

आता आशीष निषेध मानती

नऊ दिवस नव्याचे  खरे

अनुभवाचे बोल खरे ठरे

दहा मुखी बलाढ्य दशानन 

अहंकार असे विनाश कारण

गीत. आई तुझ्या कुशीत. महा पंचरत्न काव्य स्प

 काव्य स्पंदन राज्यस्तरीय शब्दसेतू साहित्य मंच पुणे, समाजोन्नती प्रतिष्ठान सूर्य गंध प्रकाशन 

आयोजित 

महा  पंचरत्न काव्य स्पर्धा

 महास्पर्धा फेरी क्रमांक ५

दि ४\५\२५

विषय ....आई

काव्य प्रकार भावगीत 

शीर्षक..आई तुझ्या कुशीत

 १६ वर्ण    यती ८ अक्षरानंतर                  

पाय टाकताच घरी ,तुला भेटण्याची घाई 

मुख दिसता आईचे, मन आनंदूनी जाई.       धृपद 

सारे मिळता जगती, मन हर्षते खुशीत.  

सुख स्वर्गाचे लाभते ,फक्त आईच्या कुशीत 

काय हवे नको पाही. सदा काळ हीच आई.   

मुख दिसता आईचे, मन आनंदूनी जाई.           १

हवे ते  ते मिळण्याची, कुटुंब जनांना ग्वाही.    

करी दुर्लक्षित स्व ला , विचार दुजांचा राही.   

परि पूर्णता करण्या ,  मन  गुंततच जाई

मुख दिसता आईचे, मन आनंदूनी जाई.              २

असता ती मजपाशी   तीर्थे तिच्या चरणाशी

खरच मी भाग्यवान,  नको वाटे  जाणे काशी  

शब्द सुमने गुंफून,   तव गुणगान गाई

मुख दिसता आईचे, मन आनंदून जाई.                   ३

वैशाली वर्तक 

अहमदाबाद