लोभस निसर्ग काव्य चित्रे निसर्ग सौंदर्य

साहित्य  सेवा  प्रज्ञा  मुंबई पुणे मंच

उपक्रम -- चित्र  काव्य 

अष्टाक्षरी रचना

शीर्षक-- लोभस निसर्ग 

रुक्ष धरा येता वर्षा

पहा कशी बहरली 

ओली चिंब झाली धरा

तृणांकुरे अंकुरली

रुप पहा वसुधेचे

कसे झाले मनोहर

जणू हिरवे गालिचे

भासे सर्वत्र     सुंदर

चिंब भिजली अवनी

हिरवळ चहुकडे

मोह न आवरे मनी

वाटे  पाहू कुणीकडे

रान माळ हिरवट 

वृक्ष  वेली बहरल्या

रंग एकच धरेचा

भासे पाचू पसरला

 झरे वाही खळखळ

भासे शुभ्र दुग्ध धारा

हास्य लोभस निसर्ग 

गीत गाई थंड वारा.

वैशाली वर्तक

प्रेमाची अक्षरे आयोजित 

विषय - चित्र  काव्य     अष्टाक्षरी

  *लोभस निसर्ग*

रुप पहा वसुधेचे

कसे दिसे मनोहर

जणू हिरवे गालिचे 

भासे सर्वत्र  सुंदर 

बहरली   रानफुले 

हिरवट पातीवर

जणु तारे चमकते

उतरले भुमीवर  

कड्यातून वाही झरे

भासे शुभ्र  दुग्ध धारा

हास्य लोभस निसर्ग 

गीत गाई  मंद वारा

 झाली भर  सौंदर्यात 

 दिसे इंद्रधनु  मागे

 दावी अवनी नभीचे

 जणु प्रीतीचे  ते धागे

 पानोपाने बहरली

आल्या वेली बहरुन

रवीराज पाही खेळ

अवनीचा  नभातून

किती रम्य मनोहर

निसर्गाची कलाकृती

 पाहूनिया  क्षणभर

 कर आपुले जुळती

वैशाली वर्तक

अहमदाबाद

उपक्रम

विषय- लोभस हास्य निसर्गाचे

होता आगमन रवीचे 

सृष्टी पहा  कशी खुलली    

    किती रम्य निसर्ग सोहळा

   उषा अलवार हासली

सोनसळी किरणांनी 

पूर्व दिशा उजळली

पीत केशरी रंगाची

उधळण नभी जाहली

मंद पवन  सभोवती

 सुखद  क्षण सकाळचे

फुले डौलती चोहीकडे

लोभस हास्य निसर्गाचे

दव बिंदू पानातूनी

भासे मोतियांची माळ

वाटे विखुरले मोती

न्हाली दवात सकाळ

भासे नभीचे चांदणे

भुमीवरी विसावले

कळ्या उमलूनी फुले

लोभस रंगी बहरले

खरा तूची चित्रकार

 काय  असे  स्वर्ग  वेगळा

लोभस सोहळा सृष्टीचा

दावितोस रोज आगळा

वैशाली वर्तक

निसर्ग  सौंदर्य 

 

रुप पहा वसुधेचे

कसे दिसे मनोहर

जणू हिरवे गालिचे 

भासे सर्वत्र  सुंदर 

बहरली   रानफुले 

हिरवट पातीवर

जणु तारे चमकते

उतरले भुमीवर  

कड्यातून वाही झरे

भासे शुभ्र  दुग्ध धारा

हास्य लोभस निसर्ग 

गीत गाई  मंद वारा

 झाली भर  सौंदयात

 दिसे इंद्रधनु  मागे

 दावी अवनी नभीचे

 जणु प्रीतीचे  ते धागे

 पानोपाने बहरली

आल्या वेली बहरुन

रवीराज पाही खेळ

अवनीचा  नभातून

किती रम्य मनोहर

निसर्गाची कलाकृती

 पाहूनिया  क्षणभर

 कर आपुले जुळती

वैशाली वर्तक

सण वार श्रावणात

सण वार श्रावणात

येता श्रावण महिना

 येई उधाण उत्साहाला

 असे सणांचा  सोहळा

सीमा  न उरे आनंदाला

वसुधा सख्याच्या  येण्याने

 दिसे हिरवाईने शृंगारलेली

शालु हिरवा नेसून  कशी 

नटून थटून बसलेली

होते श्रावण सुरुवात 

दिव्याच्या आवसेने

 दीप पूजन करती नारी

भाव कृतार्थ जागवणे

सण  पहिला  नागपंचमीचा

सारे पुजताती  नागाला

 नऊ नाग देवतांना

स्मरती त्या क्षेत्रपालाला

सण  येतो मंगळा गौरीचा 

नव वधू जमूनी पूजतात

सोळा पत्री फूले वाहून 

पतीराजा साठी करतात

रक्षा बंधन असे सण

प्रतिक प्रेमाच्या बंधनाचे

उदंड औक्षवंत होण्या भाऊ

बहिण भावाच्या  रेशीम धाग्याचे

अष्टमीला कृष्ण जन्म 

 दही हंडी चढे  मजल्याने

गोपाल कृष्ण नावे गजर

 होई शेवट गोपाल काल्याने

याच  महिन्यात येतो 

सण तो बैल पोळा

गावात फिरवून बैलाला

दृष्ट काढण्या होती गोळा

वैशाली वर्तक

 

प्रेम वसे चराचरी

मोहरली लेखणी समूह

अष्टाक्षरी  रचना

   विषय -- प्रेम वसे चराचरी

दृष्टी  हवी पाहण्याची

दिसे प्रेम चराचरी

नजरेत ती येताच

उमजते क्षणभरी

नदी आहेची जीवन

येते  उंच  कड्यातून

देण्या जल सकळास

खंत नसे मनातून

प्रेमे  मायेने  भरली

पृथ्वी बहरली सारी

जलचर विसंबती

तिची प्रेम रीत  न्यारी

शशी रवी तारिकांची

प्रेम करण्याची रीत

पहाताच उमजेल

चराचरी वसे प्रीत

उमलता फूल रोपे

सुख मनी जाहलेले

असे प्रेम चराचरी

आहे  पहा भरलेले

देव वसे  जळीस्थळी

तया संगे प्रेम वसे

शोधताच मिळे मोद

 चराचर व्यापतसे

वैशाली वर्तक

बैल पोळा सण अष्टाक्षरी/....चाराक्षरी चारोळी काव्यांजली

बैल पोळा   (अष्टाक्षरी)

          आज बैल पोळा दिन

         असे माझिया राजाचा

          सा-या  गावात त्याचाच

           गाजा वाजा करण्याचा 

          असे तोचि शिवारात

           कष्ट करी सर्व  वेळ

           मदतीला साथी तोच

           आरामाचा नसे मेळ

            खास त्याच्यासाठी करु

            पुरणाची  पोळी गोड 

             कृतज्ञता दाखवू या

             आज नको औत सोड

             रोज राबतो शिवारी

             माझा राजा कष्ट करी

             देतो मान खास त्याला

             असे आज  मानकरी

              वर्षभर  मज संगे

              वाहतसे तुच भार

              मदतीची आस सदा

             शेतावर  कष्ट फार

              ढोल ताशे वाजवित   

              मिरवत घरोघरी 

              आणी तया मिरवित

              दृष्ट काढी दारावरी

               दिसे चित्र  गावातून

               शहरात नसे भ्रांत  

               उत्साहात सारे दंग 

              गावी नसे  कोणी शांत 

                                  ..............वैशाली वर्तक

चाराक्षरी 

**बैल पोळा**

बैल पोळा

माझा राजा

करु त्याचा

 गाजा वाजा

कष्ट करी

सर्व वेळ

आरामाचा

नसे मेळ

करु पोळी

 आज गोड

नको आज

औत सोड

रोज तोचि 

कष्टकरी

असे आज

मानकरी

वर्षभर

तुज भार

शिवारात

कष्ट फार

घरोघरी

येता घरी 

दृष्ट काढी

दारावरी

शेतकरी 

देई मान

त्याची आज

असे शान

ढोल ताशे 

वाजवित

आणी त्याला 

मिरवित

शहरात 

नसे भ्रांत

पण गावी 

नसे 

         ........वैशाली वर्तक

         

आठोळी........

             रोज राबतो शिवारी

             माझा राजा कष्ट करी

             देतो मान खास त्याला

             तोचि आज  मानकरी    

             ढोल ताशे वाजवित   

              मिरवत आणी घरी 

              सजलेला येता दारी

              दृष्ट काढी दारा वरी

..................

चारोळी

पूजन करीताती कृतज्ञ भाव

सर्जा राजांना  झुल  पांघरुनी

गळा माळा घुंगुर बांधूनी

मिरवित येतील गावातूनी

........

चारोळी

सजविले बैलांना झुल पांघरुनी

  शिवारात  वर्षभर  बैल कष्टकरी

पूजन करूनी घास  दिला गोड पोळीचा

सर्जाराजाच असेआजचा मानकरी

......

काव्यस्पंदन राज्यस्तरीय समूह दैनिक उपक्रम विषय - बैलपोळा प्रकार -काव्यांजली बैलपोळा सण पहा सर्जा राजा त्याचा गाजावाजा आजदिनी 1 तोची शिवारात कष्टितो सर्व वेळ आरामाचा मेळ नसेतया 2 त्याच्यासाठी करु पुरणाची पोळी गोड औत सोड आज 3 राबतो शिवारी सर्जा कष्ट करी आजचा मानकरी सर्जाराजा 4 बळीराजा संगे वाहतसे सदैव भार कष्टितो फार सदाकाळ 5 ढोल वाजवित मिरवुया गाव नगरी दृष्ट दारी काढुया 6 रंगवून शिंगे शोभिवंत घालू गळा पायी माळा फुलांच्या 7 वैशाली वर्तक अहमदाबाद

स्वतःच्या गुणांचे कौतुक / कौतुक पंचाक्षरी

छान संधी दिधली आज

 करण्या स्वगुणांचे गुणगान

कशी सोडणार मी तिजला

मी तर आहे गुणांची खाण

आहे मी स्वतः कर्तबगार

स्वभावाने आहे मी शांत

जुळवून घेते मी सर्वांशी 

  न वाद विवादाची भ्रांत

सूनेचे व माझे आहे नाते 

आई लेकीचे असावे जसे

जन म्हणती असावी सासू 

जशी मी आहे  आदर्श  तसे

 पाहूनीआम्हा विहीणींना 

जाते बोट डोळ्याला

लावीती काजळ काढूनी

न लागण्या दृष्ट नात्याला

वैशाली वर्तक

माझी  लेखणी काव्य नगरी समूह आयोजित  

उपक्रमासाठी

प्रकार - पंचाक्षरी काव्य

विषय - कौतुक

करा कौतुक 

आवडे जना

चांगले वाटे

सदैव मना            1

यश मिळता

होतात गोळा

कौतुकासाठी

होतो  सोहळा          2

गोड शब्दांची

आसे गरज

कौतुक पहा 

होते सहज                 3

सोडा आधीच

कंजूसपणा

मनाचा हवा

उदारपणा                  4

कौतुक  करा 

आनंदी रहा

मन प्रसन्न 

होतेची  पहा.              5

सध्याचे युग

हे कौतुकाचे

क्षणा क्षणात

कौतुक नाचे                  6

वैशाली वर्तक 

अहमदाबाद

रातराणी

शब्द रजनी साहित्य  समुह

उपक्रम  -- शिरोमणी काव्य

**रातराणी*

सांजवेळी

पहा अंगणी

कशी बहरली रातराणी

जणू गाई प्रीतीची गाणी

सुगंध

दरवळला आसमंतात

रातराणी मोहवी मनाला

भेटीस   आतूर त्या  क्षणाला

रातराणी

सांगे बघ

आता झाली सांजवेळ

नभात चाले शशीचा खेळ

रातराणी

सावळी रंगात

दरवळे गंध आसमंतात

चांदण्या उतरल्या जणू अंगणात

वैशाली वर्तक

अष्टाक्षरी कंंकण

साहित्य सेवा प्रज्ञा मंच आयोजित

काव्य प्रकार -- अष्टाक्षरी

स्पर्धेसाठी

विषय -- **कंकण*

 लग्नातील एक विधी

असे बांधणे कंकण

जन्मभर देऊ साथ

याचे मनास बंधन

बांधी सैनिक कंकण

सेवाव्रती रक्षणाचे 

येवो कितीही संकटे

 देशसेवा  करण्याचे

हाती कंकण आनंदे

जन सेवेचे बांधिले

 फुले ज्योतिबारावांनी

सारे आयुष्य  वेचिले

येते शोभा कंकणाने 

हात  शोभून दिसती

दान देता शोभा वाढे

 संत  सदाची वदती

कंकणाची किणकिण

 सवाष्णींना सुखावते

नाद तिचा येता कानी

सखयाला खुणावते.

वैशाली वर्तक

अहमदाबाद 

गुजरात