उपक्रमासाठी...
काव्य निनाद साहित्य मंच,पुणे.
आयोजित
साहित्यिक उपक्रम - ३४२
दिनांक - १४ व १५ ऑगस्ट २०२३
विषय - मोल स्वातंत्र्याचे..
होत होते अत्याचार अमाप
सहावेना जनतेला पारतंत्र्य
आपल्याच देशात नव्हते
आपणास कसलेच स्वातंत्र्य
पेटून उठले भारतीय
पेटविण्या मशाल स्वातंत्र्याची
हसतमुखे झाले उदार जीवावर
दिली क्रांती वीरांनी आहुती प्राणांची
आज आपण आहोत स्वतंत्र
पण मोल जाणा त्या स्वातंत्र्याचे
सदा राहू एकजूटीने
न विसरता ऋण क्रांती वीरांचे
आठवा त्या शहीदांना
वंदे मातरम् म्हणत चढले फाशी
व्यर्थ न जावो त्यांचे बलिदान
तिरंगा सदैव फडकत राहो आकाशी
देशप्रेम देशभक्ती ची मशाल
तेवत राहो सदा अंतरी
स्वातंत्र्याचे मोल जाणता
अभिमानाने मान उंचावते खरोखरी
वैशाली वर्तक
अहमदाबाद
