अभामसाप धुळे जिल्हा
आयोजित काव्यलेखन उपक्रम
विषय ..एक धागा मैत्रीचा
धागा धागा विणतो
विणकर नित्य नेमाने
दिन एक एक सरतो
आयुष्याचा क्रमाने
किती येती परिचयात
व्यक्ती अगणित जीवनी
पण स्नेहाचे मैत्री नाते
सहजची जुळते मनोमनी
राज्यपद विसरुनिया
बालपणीची मैत्री स्मरली
कृष्णाची सुदामाशी जीवनी
जग जाहिर मैत्री ठरली
नसे माझे तुझे भाव
मदतीला सदा तयार
मैत्रीच्या गोड नात्यात
स्नेहाचा भाव अपार
योग्य वेळी योग्य सूचन
अखंड आपुलकी केवळ
दोन तने एक मन
अशी असते मैत्री निखळ
वैशाली वर्तक
अहमदाबाद
सवय जाहली मनाला रोजची
चला घेऊ हाती ,चहाच्या घोटा संगती
वर्ल्ड व्हिजन मुंबई टाइम्स
वाचक वाचनात रंगती
होता सकाळ चैन न पडे जीवाला .कधी नजर फिरवतो. असे प्रत्येकास होते
साहित्यातील गद्य पद्य विभागातील चाराक्षरी ते बाराक्षरी , तसेच अभंग,गीते, विविध प्रकारची काव्ये, तर गद्यात लेख, ललित लेख,व सावित्रीताईंचे संपूर्ण जीवनाची माहिती देणारे,महत्त्व पूर्ण असे कला ,क्रीडा,साहित्य, सांस्कृतिक, क्षेत्रातील महान व्यक्तींचे यथार्थ वर्णन करणारे अग्रलेख. म्हणजे ज्ञानवर्धक खाद्य .असे वर्ल्ड व्हिजन टाईम्स देतो.आणि रोजच्या रोज ज्ञान. हे ज्ञान घेता घेता वर्धापनदिन आला.
नवोदित कवी कवयित्रींना लेखनास स्फूर्ती देणारा असा वर्ल्ड व्हिजन टाईम्स मुंबई.
संपादक प्रा नागेश सोपान राजेश हुलवणे, सह संपदाक राजेश साबळे,व अग्रलेख लेखिका सावित्रीताई झांबरे यांचे कौतुक करावे तेवढे थोडेच.असे मराठी राजभाषेचे लोकप्रिय साहित्यिक वर्ल्ड व्हिजन टाईम्स मुंबई यास खूप खूप शुभेच्छा.ब्रीद वाक्या प्रमाणे अनियीत काल प्रकाशित होत मराठी भाषेची सेवा घडो ह्याच शुभेच्छा.
शुभेच्छा
जाहली सवय मनाला रोजच
हवा चहाच्या घोटा संगती
वर्ल्ड व्हिजन मुंबई टाइम्स
वाचक सारे वाचनात रंगती
रोजच्या अग्रलेखातून
किती सहज मिळे ज्ञान
दिन विशेष माहिती लेख
देतो वैशिष्ट्यिक जाण
होता साहित्य प्रकाशित
सारस्वत नवोदित
करीती लेखन रोज
होऊनिया उल्हासित
विविध क्षेत्रातील माहीती
साहित्यिक समीक्षण
मिळतात वाचण्यास
आनंदाने वाचती जन
ब्रह्मचैतन्य गोंदवलेकरांची
विचार मालिका येते कामी
करिता आध्यात्मिक वाचन
जीवनी कसे जगावेची देते हमी
ज्ञान मिळविता मिळविता
केले दुस-या वर्षात आगमन
वाचकांचे हरपले भान
देती शुभेच्छा सारे जन
किती करावे कौतुक
माननीय नागेशजी संपादक
ब्रीद वाक्यानुसार कालअनियीत
वर्ल्ड व्हिजन टाईम्सचे करी प्रकाशन.
वैशाली वर्तक
अहमदाबाद
