कधी कळेल तुला पावसा

रोज एक कविता फेस बुक पेज तर्फे आयोजित
विषय - पाऊस                 26/6/2020


**पावसा कधी रे कळेल तुला**
 तुजवरी च पावसा
 आधारित सारी सृष्टी
तरी का तू न ठेविशी
तीजवरी कृपादृष्टी

सुधा भ्रमण करिते
  नित्य नियमीत नेमाने
म्हणूनच येती जगी
 ऋतू चक्र हे क्रमाने

पण पावसा तुझाच
दिसे तो चुकारपणा
राही अडूनी वेळेला
दावी सदाची मी पणा

 येता कधी न वेळेत
 करितोस  कधी  उशीर
पाण्या विना भुकेलेली
 पहा दिसती शिवार


विना पाणी जीव सृष्टी
  कशी  सांग बहरेल
प्राणी मात्र  तुजविण
  कसे काय वाचतील

कधी येशी अवचित
 कष्टी होई बळी मनी
जाते सुकूनिया पीक
दुःखी होई क्षणोक्षणी

अती वृष्टी करुनीया
 नेतो वाहूनी शिवार
बळी होतसे हताश
  सर्व परीने बेजार

उभे पीक मोत्यासम
पाहुनिया सुख वाटे
 नको तेव्हा बरसणे
मनातूनी दुःख दाटे.
------------------------------------
उपक्रम
अभंग रचना
विषय - नवखा पाऊस

नवखा पाऊस
बरसती धारा
सोसाट्याचा वारा
अवचित                       1
ओली चिंब झाली
सृष्टी  न्हाली सारी
वसुंधरा न्यारी
दिसतसे                         2(
वृक्ष लता वेली
तरारल्या झणी
आनंदित क्षणी
वाटतसे                          3
नवखा पाऊस
आवडे जनास
सुखवी मनास
पाऊसतो                          4
पाऊस सदाची
असुनी जुनाच
वाटे नवखाच
सदाकाळ                        5
नवखा पाऊस
वाटे सदा हवा
रोज रोज नवा
वाटतसे                    6

वैशाली वर्तक

वारीच्या लगत काव्य आषाढी वारी , वारी ,|आम्ही वारकरी|विठ्ठल कविता

उपक्रम
विषय- आषाढीची वारी
शीर्षक- **भक्तीभाव**

सावळ्या विठ्ठला ।
ऐक आराधना ।
करिते प्रार्थना ।
भक्तीभावे । ।

तूची आहे घरी ।
जरी नाही वारी ।
वसतो देवा-ही ।
सदाकाळ ।।

रुप तुझे दिसे ।
चित्तात पाहता ।
टाळ ही वाजता ।
घरोघरी ।।

मुखी तुझे नाम ।
भजनात दंग ।
गाउनी अभंग ।
पाही तुला ।।

भक्ती आहे मनी ।
भाव तेथे देव ।
हीच मनी ठेव ।
राखियली ।।

चला दर्शनाला ।
आपुल्या अंतरी ।
आणुया पंढरी ।
भक्तीभावे ।।

पहा विठु उभा ।
आपुल्या शेजारी ।
सेवाव्रत धारी ।
पांडुरंग ।।

वैशाली वर्तक            वारी  वारी    


        चला चला, वारीस जाऊ
       वैष्णवांच्या संगे राहू
      रखुमाईचे दर्शन घेउ
    विठ्ठल डोळा भरुनी पाहू

                          डोईवर ,घेऊनी तुळशी
                          मनी आस ,विठू दर्शनाची
                           विठू नाम वसे सदा ओठी
                            पाउले चालती ,वाट पंढरीची.


       ज्ञानोबा-तुकाचा होतसे गजर
       रिंगण वारकरी  मधेच करत
       खेळ फुगडीचा, धरुनीया फेर
       भजन किर्तनाची असे संगत


                           काही भक्त , होऊनी दातार
                           सोय  निवा-याची  करण्यात  धुंद
                             सुखकर  वारी घडविण्या भक्तांना
                              वारीस जाण्याचा  मिळविती आनंद


         वारीत होतो  दुःखाचा विसर
        मी-तू पणाचा, दिसे अभाव
        विठ्ठल नामात, सारेची दंग
         सर्वत्र भासे , समतेचा भाव           

                                             जो तो दुस-यात विठ्ठल पाही
                                               वारीची अशी, मजाच आगळी
                                                सर्व दुनियेत ,अनोखी    अशी                      
                                                 पंढरीची वारी  जगा वेगळी               

                                                                        वैशाली  वर्तक


यारिया साहित्य समूह आयोजित
अष्टाक्षरी                                    25/6/2020
विषय - आतुरता त्या वारीची
    **विनवणी भक्ताची**

येता आषाढ महिना
वेध लागती वारीचे
मुखी वसे विठु नाम
नेत्री रुप विठ्ठलाचे

वारी विना नाही भूक
भक्त सारे हो लाचार
आतुरता त्या वारीची
विठु सांगना विचार

ध्यानी मनी स्वप्नी दिसे
विठु दिसे सर्व काळ
कधी नाही चुकविली
वारीतील ती सकाळ

तूच असे पांडुरंगा
श्वास भक्त मंडळीचा
सांग आता तू उपाय
पंढरीच्या दर्शनाचा

स्मरु तुज अंतरात
वंदू देश सेवकास
यावे तूच भजनात
द्यावे दर्शन भक्तास

वैशाली वर्तक

पाऊले चालती

सावली प्रकाशन समुह आयोजित 

*स्पर्धेसाठी*

राज्य स्तरीय अभंग  लेखन स्पर्धा 

विषय - पाऊले चालती

पाऊले चालती  ।   वाट पंढरीची  । 

आस दर्शनाची   ।   मनोमनी        ।।       1

सवय  नित्याची    । पाऊले चालती ।    

वाट ती पाहती      ।  पंढरीची        ।।       2

 विठु नाम घेता      ।   येते सय खूप    । 

  चित्ती तुझे रुप     । पांडुरंगा          ।।       3

माझा विठुराया      । वसतो अंतरी  । 

जाऊया पंढरी         । वारीसाठी      ।।       4

चला विठू कडे         ।   चालू सदा वाट । 

पहावया थाट            ।  पंढरीचा          ।।     5

वैशाली वर्तक 

अहमदाबाद

स्पर्धेसाठी

अखिल भारतीय वैष्णव कला साहित्य मंच , पुणे  व अ भा सावित्री ब्रिगेड  नागपूर तर्फे   राज्यस्तरीय

अभंग लेखन स्पर्धा

विषय   आम्ही वारकरी

शीर्षक.. पाऊले चालती

पाऊले चालती  ।   वाट पंढरीची  । 

आस  अंतरीची    |   वारीसाठी    ||.  १       

नित्य  करी वारी.| भजनात दंग  | 

वैष्णवांच्या संग | वारकरी        ||    २         

वारकरी पाही. | विठु सर्व जनी |

भक्ती भाव मनी |  दाटलेला.    ||.   ३                 

खंत नसे आम्हा | उन पावसाची | 

आस दर्शनाची | विठ्ठलाची     ||    ४                

विठ्ठलाची साथ | लाभो सदा काळ |

आनंदी सकाळ | होत असे.       ||.  ५ 

            

 होता  कृपा दृष्टी  ।  मन आनंदते  । 

  भरून पावते      । सदासाठी      ।।   ६

नाम घेता विठु. |  दिसे वारकरी.   | 

 सदा ध्वजा करी |शोभतसे ||.           ७                   

वैशाली वर्तक

अहमदाबाद 

     

[23/06, 1:21 am] Vaishali Vartak: अभिज्ञान, पुणे आयोजित राज्यस्तरीय काव्य रचना स्पर्धा

विषय.. श्रीविठ्ठल अर्थात पांडुरंग परमात्मा किंवा पंढरपूर माहात्म

शीर्षक...*श्वास माझ्या अंतरीचा*

मनी सदा एक ध्यास

तुझ्या नाम स्मरणाचा

सदाकाळ  श्रीविठ्ठला

श्वास माझ्या अंतरीचा

ध्यानी मनी स्वप्नी मज

तूच दिसे सदाकाळ

कधी नाही चुकविली.      

वारीतील ती सकाळ.      

मुखी घेता तव नाम

विसरते देहभान

तुझ्या  दर्शनाची ओढ

गाते तव गुणगान

दूर  होती सा-या चिंता

जाते शंकेचे मळभ

मिळे मना सुख शांती

कार्ये होतात सुलभ

विठ्ठलाच्या गजरात

वारकरी होती गोळा

घेता दर्शन विठुचे

वाहे आनंदाश्रू डोळा

नाम स्मरणात असे

अनामिक दृढ शक्ती 

दूर   होई भवताप

करा मनोभावे भक्ती

झेंडा रोवतील तीरी

हरी नाम गजरात

दुम दुमेल पंढरी

विठ्ठलाच्या भजनात.

वैशाली अविनाश वर्तक

अहमदाबाद (गुजरात)

!!

स्वप्न गंध स्पर्धा साहित्य समूह 

स्पर्धा क्रमांक 50

विषय.. आषाढी वारी 

शीर्षक...दुम दुमेल पंढरी

वारी निघाली पंढरी

विठु नाम ओठावरी

हरी भक्तीत न्हाहती

वारकरी निरंतरी.          1

जय घोष विठ्ठलाचा

एकादशी  आषाढीला

नाम गजर करिता

चला जाऊ पंढरीला.          2

विठ्ठलाच्या गजरात

 वारकरी होती गोळा

घेता दर्शन विठुचे

वाहे आनंदाश्रू डोळा.        3

नाम स्मरणात असे

अनामिक दृढ शक्ती 

दूर   होती भवताप

करा मनोभावे भक्ती.           4

झेंडा रोवतील तीरी

हरी नाम गजरात

दुम दुमेल पंढरी

विठ्ठलाच्या भजनात.           5

वैशाली वर्तक 

अहमदाबाद

तव अस्तित्वाचा खेळ

शब्दरजनी साहित्य समूह आयोजित
स्पर्धेसाठी
विषय - अस्तित्वाचा खेळ



तुझ्या अस्तित्वाचा खेळ
आहे या जगती न्यारा
तूची घडवीशी तोडीशी
जगातील पसारा सारा

तुझ्या अस्तित्वाची जाण
मानावीच लागे सदा
सूर्य चंद्र तारे नभी
तूची निर्मिलेस सर्वदा

तुझ्या निर्मित सूर्याने
   ऋतु चक्र चाले नियमित
उजळते सृष्टी प्रकाशाने
 होतात बदल नवनित

आहेच खरच मजेचा
तुझ्या अस्तित्वाचा खेळ
मानव कितीही होता प्रगत
तव संमती शिवाय नसे मेळ

आता असुनही सारे सुरळीत
काय मांडलासी तू खेळ
सर्व जगाची तुला विनवणी
तव अस्तित्वाने बसव मेळ

वैशाली वर्तक       25/6/20

नदी मिळता सागरा / सागर चाराक्षरी/सागर (प्रदीप)

नदी मिळता सागराला

येते धावत सरिता
मिळण्या ती सागराला
अर्पूनिया गोड पाणी
स्विकारे खा-या पाण्याला

देते जीवन प्राणी मात्रा
येताना वहात खळखळ
करते हिरवी शिवारे
येते पुढे पुढे अवखळ

विसरते अस्तित्व स्वतःचे
होता मिलन सागराशी
जाण्या बाष्परुपे आकाशी
एकरुप होते खारेपणाशी

घेउनिया रुप जलदाचे
जाते खेळाया नभात
ढगांची गट्टी डोंगराशी
पडे खाली पर्जन्य रुपात


वैशाली वर्तक :

सागर    चाराक्षरी

आजचा विषय  सागर

शीर्षक - रत्नाकर

वाटे सदा

ओळखीचा

साथी जणु 

जीवनीचा

किती तव

विशालता

भव्य दिव्य

अथांगता

लाटा येती 

फेसाळूनी

चूर होती

  त्या लाजूनी

त्या अधीर 

भेटण्यास

 धाव त्यांची

किना- यास

मोती रत्ने

मौल्यवान 

दडलेली

जणु खाण

म्हणूनीच 

ओळखती

रत्नाकर

संबोधती

मासे मारी

करितात

कोळीजन

सागरात

वैशाली वर्तक

प्रदीप वर्तक च्या कवितेवरून 

           सागरा  

अथांग विशालता गहिरता तुझी पाहूनी   16 

सागरा मन  बघ माझे आले उचंबळूनी        16

लाटा येती फेसाळूनी अधीर त्या भेटण्यास       16

लाजूनी विरूनी चूर होती येता किना-यास         16

हर्षे उल्हासे  सप्तरंगी जगतोस  रंगूनी           16

सागरा मन बघ माझे आले उचंबळूनी              16

अगणित मौल्यवान मोती दडले तव उरात        16

 शोधिता नसे अंत ना  पार थकती   गर्भात       16

ओळखती रत्नाकर नामे तुजला म्हणूनी           16

सागरा मन बघ  माझे  आले उचंबळूनी              16

भरती ओहोटी असे जरी  जीवनात  सदा       16

कसे  जमते न दावणे ओहोटी चे दुःख  कदा     17

गुढ अशी जीवन कहाणी गाजेत ऐकूनी           16

सागरा मन बघ माझे आले उचंबळूनी              16

वैशाली

चित्र काव्य ..पाहिले न कधी तुला

उपक्रम
विषय- पाहिले न मी तुला

पाहिले न मी तुला
 परी दृढ विश्वास तुजवरी
तूची आम्हासी पाहसी
कृपा दृष्टी आम्हावरी

जन्म मानव दिधला
करु तुझेच चिंतन
ध्यानी मनी तुझी आस
करतो तुझेच मनन,

दिधले सुंदर शरीर
हस्त करण्यास दान
नाम घेता तुझेची देवा
सदा हरपते भान

तव कृपेने चंद्र सूर्य
होते नित उषा निशा
 खेळ हा दिनरातीचा
फुलविशी दाही दिशा


वैशाली वर्तक

मैफील वाद्यांची/. टाळ

यारिया साहित्य समुह
अष्टक्षरी रचना
स्पर्धा फेरी क्र 2
विषय- चित्र काव्य
 शीर्षक- **रंगत वाद्यांची**

 गायनाच्या मैफिलीला
  येते रंगत वाद्यांनी
रंग खुलवी चित्रास
वाद्ये जादुमय स्वरांनी

  सुरु करताच गाणे
  पेटी धरे तिचे सूर
  साथी मृदुंग बासरी
  रंगे मैफील मधुर

 भजनात, किर्तनात
हवी साथ तबल्याची
साज चढवे बासरी
मजा वाढे गायनाची

नर्तनाची मजा वाढे
ढोलकीच्या तालावर
भान हरपून श्रोते
साथ देती ठेक्यावर


असे वीणा तंतुवाद्य
प्रिय ती सरस्वतीला
स्वर छेडिता विणेने
मिळे आनंद मनाला

वैशाली वर्तक
अहमदाबाद

अभा मी सा प समूह २

आयोजित उपक्रम

विषय... टाळ

 चित्र  जैसे आकर्षक

नाना रंगांनी खुलते 

 वादनाच्या संगतीत

तैसे संगीत रंगते

पेटी, तबला ,चिपळ्या

अभा मी सा प समूह २

आयोजित उपक्रम

विषय... टाळ

 चित्र  होते आकर्षक

नाना रंगांनी खुलते 

 वादनाच्या संगतीत

तैसे संगीत रंगते

पेटी, तबला ,चिपळ्या

टाळ हवी भजनात 

गोडी वाढवी  गाण्याची 

मंत्र मुग्ध करण्यात

स्वर देत संगीतात

गोड साथ देई  टाळ 

विसरुन देहभान

किती जातो वेळ काळ

टाळ चिपळ्यांच्या संगे

होई दंग तुकाराम

 रंगे भजनी -किर्तनी

 मुखी सदा विठु नाम

ताल लय साधावी लागते

टाळ वाद्य जरी लहान

मिळण्यास गायनी दाद

टाळ  करी काम महान

वैशाली वर्तक

अहमदाबाद