शनिवार, ३० ऑक्टोबर, २०२१

षडाक्षरी माती

प्रजित साहित्यिक समूह
षडाक्षरी काव्य रचना
उपक्रमासाठी
विषय -- माती
   
   *मातीचीच माया*

माती असे माय
जन्मतो कुशीत
  देते अन्न  वस्त्र 
ठेवते खुशीत                1

मातीत रुजता 
बीज अंकुरते
हिरवे शिवार 
मना संतोषते                 2

बळी करी प्रेम 
काळ्या मातीवर
कुरवाळे प्रेम 
जीव तिच्यावर               3

मातीच्या गोळ्याला 
देऊन आकार 
 घट बनवून
कलेला साकार                 4

मातीत जन्मतो
मातीतच अंत
मातीच संभाळी
नको मनी खंत                  5

पडता पाऊस
मातीचा सुगंध
तेव्हा अत्तराचा
फिका वाटे गंध             6

वैशाली वर्तक 
अहमदाबाद

ज्योत लावू मना मनात

स्पर्धा स्पर्धा  स्वप्नगंध साहित्य समूह  दिवाळी निमित्त ओळ काव्यलेखन स्पर्धा  ओळ. ज्योत लावू मना मनात   विषय..ज्योत लावू मनामनात  शीर्षक. *आ...