कृतार्थ

कृतार्थ
22/11/2017
देवाच्या कृपेने बनली अवनी
जी देते आपणास अन्न -वस्त्र -पाणी
तियेचेच आपण सदा कृतकृत्य
वंदन करोनी स्मरतो तुजला नित्य ll
            जन्मतो, वाढतो आम्ही तव कुशीत
             प्रेमाने भरवितेस, तू आम्हांस घास
              तुझ्या कवेत ,सदा मिळे निवांत
              वंदन करोनी स्मरतो तुजला नित्य
मिळे आम्हा जीवन तुझ्याच कृपेन्
तव हृदयी भरली ,खनीजे विविध
साहूनी घाव, तुझाच वरद हस्त
वंदन करोनी स्मरतो तुजला नित्य ll
            असशी तू सा-या जगाचाच मित्र
           जगत् जीव सृष्टी तुझ्यानेच सत्य
            तुझ्या विण असे ,धरेला तिमीर
             वंदन करोनी स्मरतो तुजला नित्य ll
पंचतत्वातीलवायु ,असे एक तत्व
जरी अस्तित्वात तू ,नसssशी दृश्य
तुझ्यावीण जीणे, जल-चरांचे अशक्य
वंदन करोनी स्मरतो तुजला नित्य ll
               भूमीआपतेजवायु , निर्मीलेस तूच
              चंद्र-सूर्य-ता-यांचे दिधले , आकाश
               तुझ्या कृपा - दानाचे आंदण आम्हांस
              वंदन करोनी स्मरतो तुजाला नित्य ll
               कृतार्थ भावे स्मरतो तुजला नित्य ll
                                                 वैशाली वर्तक