विश्व लेखकांचे साहित्य मंच आयोजित
अष्टाक्षरी काव्यलेखन
विषय मृदगंध
किती वसुने साहिल्या
तप्त उन्हाच्या झळा
काया तिची भेगाळली
भासे जणू अवकळा
झाली मृग बरसात
तृप्त अवनी जाहली
गंध मातीचा पसरे
काळी माती गंधाळली.
घेता शोषून जलाला
. वा-यासंगे वाहे गंध
सारे आसमंती आता
भरे एकच मृद्गंध
अत्तराचा फिका वाटे
गंध आवडे जनाला
वारा वाहे आसमंती
देण्या आनंद क्षणाला.
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा