मोहरली लेखणी साहित्य समूह आयोजित
काव्यलेखन
विषय. राबत गेले
सध्याच्या जीवनशैलीशी
तुलना करिता मनात
वाटते कधीतरी तेव्हा
किती राबलो बालपणात
पायी चालणे शाळेला
किती जायचो सहज
कधी वाटली नाही तेव्हा
टोपी वा छत्रीची गरज
तूप गुळ पोळी ,भाजी
नाही केली हॉटेलची मौज
जुनी पुस्तकं वापरून
भागविली नवीनची हौस
उधळपटी केली नाही
जीवनात केली काटकसर
आहे त्यात गोड मानले
म्हणून सुख मिळाले जीवनभर.
नोकर नव्हते घरात
घरकामात केली मदत
स्वतः चे काम केले स्वतः
आनंदे होतों राबत
वैशाली वर्तक
अहमदाबाद
रिकाम्या हाताची श्रीमंती
20/7/26
आपण रिक्तची हस्ते
जाणार ही रिकाम्या हाती
कमवावी मनाची श्रीमंती
सुबोध हा संतची. सांगताती
हात दिधले सत्कर्म कराया
नाही फक्त शोभवाया आभुषणे
दान धर्मे दीन पतिता उठवावे
हेच बिंबवावे सदा मने
यातच दडलेली असे
रिकाम्या हाताची श्रीमंती
हाच मंत्र ठेवा ध्यानी
हीच शिकवण देते आपली संस्कृती
काय पण योगायोग पहा आजच हा विषय दिला आणि..
आजच माझ्या दातांची implant treatment सुरू झाली. आधी माप घेणे झाले. आणि मग आजच्याच
दिवशीत treatment दातांचे काम सुरू झाले.
जुने अर्धे तुटके ..काही खराब दात उखडण्याची प्रकिया इंजेक्शन देऊन तेवढा भाग डॉक्टरांनी बधिर करण्याचे
काम सुरू केलं...
बधिर केल्याने. दुखत नव्हते पण कुठे तरी मधून कळ वा झिणझिण्या येत होत्या ."आलिया भोगासी असावे सादर" तसे मनात म्हणत. देवाचे मनात नामस्मरण करत. दातांची प्रक्रिया सहन होते.
अरे हो सांगायचे की मला गार्डनीगचा खूप छंद आहे रोज सकाळ चा १ तास त्यात जातो. .प्रेमाने रोपांना कुरवाळत
त्याची निगा घेते. पण त्याच बरोबर. लाॅनवर उगवलेले फालतु गवत. तसेच. फालतु वा अगांतुक
रोपे.. वाफ्यातील कित्येकदा उखडत असते . त्या आजवर उखडलेल्या. मुळापासून वा मुळासकट उपटून काढलेल्या मुळांना पण झालेले खंत. मी मनातल्या मनात देवाला व्यक्त केले व मनात त्या रोपांना sorry म्हटले. त्या मुळांना पण झालेली व्यथा ही मनोमन जाणली . वाईट वाटले.
असं आहे तर... आपल्याला त्रास झाला तर मला मुळांची खंत जाणवली.
सिद्ध साहित्यिक समूह
मोठा अभंग
विषय .. पैसा
असताना पैसा | तुकविती मान |
करीती सन्मान.| जनामधे ||
पैसा हवा तर | महेनत हवी. |
शोधा युक्ती नवी | मिळे पैसा ||
जीवनात आहे.| पैसा महत्त्वाचा |
दिसे प्रभुत्वाचा | जगभरी. ||
किंमत पैशाची. | असतेच भारी |
दिसतेच न्यारी |सर्व जगी. ||
जन्मभर धावे| पैशासाठी तरी |
येत नाही परी | शेवटाला. ||.
जाणावी किंमत |पैसा येतो कामी |
पूर्णत्वाची हमी | देतो मनी.
वैशाली वर्तक
अहमदाबाद
स्वरूप पाही जलाते
पुन्हा पुन्हा निरखुनी
येता रवी राजे नभाते
नाना रंगी उधळण
केली रवीने नभात
भासे चित्ताला वेधक.
आशा देतसे मनात
तरू जणु उभे रांगेत
पुष्पें पहा उमलली
करी स्वागत रवीचे
भासे ऊषा हासली
केली तयाने तयार
कुठे अथांग सागर
घनदाट ती वनराई
तर उंच उत्तुंग शिखर
रूप पाहून सृष्टीचे
कर सहज जुळती
किती सुंदर निसर्ग
जाणा देवाची महती
वैशाली वर्तक
बॉडरलेस पॅन्थर्स साहित्य परिवार आयोजित
स्पर्धा, उपक्रम क्रमांक १७
दि ९\५\२६
विषय ...बॉरडरलेस पॅन्थर्स सामाजिक साहित्य चळवळ
शीर्षक. *गाऊ गुणगान बॉरडरलेस पॅन्थर्सचे*
बॉरडरलेस पॅन्थर्स समूहच असा की
साहित्या संगे करे,सामाजिक कार्य हमखास.
त्यात माणुसकी रूजविणे वाढविणे
हेची असे ध्येय समूहाचे खास.
चौथ्यावर्षात केले पदार्पण
स्नेह संमेलनासाठी सहभागी झाले गोळा
शेतकीय, वैद्यकीय, शैक्षणिक मदत करत
समूहाने केला साजरा सोहळा.
समूहात आहेत दाते पण अनेक
करीती अन्न वैद्यकीयदान तसेच वृक्षाचेरोपण
असा बहुगुणी बॉर्डरलेस पॅन्थर्स समूह हो!
ज्ञान ,सणवार,व्यायाम सह, जपतो पर्यावरण .
समूही पूजा ताई रांगोळी कलावंत
सजविते वारीत पथ कलाकृतीने सुंदर
साहित्या संगे रोज द्या, बुध्दीस चालना
अन् खाद्य पदार्थांची चव घ्यावी पळभर
रात्रीस चारोळी समूह मजेचा
सारस्वतांना मिळे लेखणीचा मान
देत प्रतिक्रिया एकमेकांना
करी लेखन राखून वेळेचे भान
असा हा बॉर्डरलेस पॅन्थर्स समूह
किती करावे त्याचे गुणगान
झाला आहे जग विख्यात
आहे मी सदस्य याचा मज अभिमान
वैशाली वर्तक
अहमदाबाद
अभा म सा प समूह महाड तालुका
26/5/21
विषय - प्रयत्ननांती परमेश्वर
काहीच प्रयत्न न करिता
नशीबात असेल तर मिळणार
म्हणून बसता आरामात
हाती काही नाही येणार
जसे प्रयत्न कराल कामात
यश देव देत असतो
प्रयत्नांची करा पराकाष्ठा
हसतमुखे देव दिसतो
न हलवता हातपाय पाण्यात
कसे तरुन जाणार किनारा
करिता प्रयत्न अखंड मग
, मिळेल देवाचा सहारा
शिक्षक सांगती करा यत्न
मिळवाल सारे सुंदर यश
राहू नका देवावर विसंबून
येईल मग खचितच अपयश
कितीदा पडतो खाली
साधा किटक कोळी
तरी प्रयत्न न सोडी
बांधतांना त्याची जाळी
वैशाली वर्तक
अहमदाबाद
गझल.....................
मी आणि ती
कसे उठतात सारे लवकर
माझ्या मनी सदा खळबळ
केला मीही निश्चय उठण्याचा
अंगी एकवटून मनोबळ
केली पूर्व तयारी आधी मनाची
उठावे लागेल पहाटे सकाळी
चालणे असे सर्वोत्तम व्यायाम
पण, झोप प्रिय मज सदाकाळ
कठीण काम होते मज साठी
साखर झोप सोडणे,येई जीवाशी
तरीही केला मनाचा हिय्या
लावून गजर ठेवला उशाशी
किती कर्म कठीण ते काम
पण केलाय ना संकल्प
सकाळी उठणे आले ओघात
आता नव्हता दुसरा विकल्प
होता सकाळ वाजला गजर
*प्रिय झोपेने* ऐकले न काही
होता रोजची वेळ उठले
नजर माझी चोहीकडे पाही
ती व माझी प्रिय
कसे उठतात सारे लवकर
माझ्या मनी सदा खळबळ
केला मीही निश्चय उठण्याचा
अंगी एकवटून मनोबळ
केली होतीच मनाची तयारी
आजचा दिवस करीन खास
काही झाले तरी त्यजेन झोपेला
पूर्ण करीन संकल्प हमखास
पादत्राणे काढून ठेवली
व्यवस्थित केली, कपड्यांची तयारी
करुनच ठेवले सर्व यथायोग्य
झोपताना मिळाली मनाला उभारी
निद्रा सुख आहेच भाग्यी
स्वप्नात केले वेष परिधान
मनी वसे तेच दिसे स्वप्नी
साखर झोपेत मिळवले समाधान
सकाळच्या झोपेचे सुख
तेच जाणिती या जगती
जयांची ती असे प्रियतमा
साखर झोप का उगाचच वदती
||
झरणी अशी फुलावी माझ्यात जाण आली
स्मरता गुरू विजोंना, काव्यात जाण आली
देऊन बोध मजला, केले अता लिहीते
घेताच कष्ट थोडे, तंत्रात जाण आली.
रागे भरे न होता, केले मला शहाणे
आता करीन लेखन, तर्कात जाण आली.
घेऊन रोज शाळा, होतील गझलकारा
आहेच नाव त्यांचे, हर्षात जाण आली
वंदून शारदेला, नमितेय मी सरांना
मदतीस हात लाभो , गझलेत जाण आली.
वैशाली वर्तक
आजही आठवतो एकेक शब्द
दिले संस्कार आईबाबांनी. दिले संस्कार गुरू जनांनी. ८_८
आपणास जे बालपणी. आपणास बालपणी. ६_६
अजूनी आठवितात शब्द-शब्द. अजून आहे स्मरणी शब्द. ८_८
ध्यानी रहाते शिकवण मनी. स्मृत़ीच्या. जडावणी. ६-६
माती सम गोळ्याला जयांनी. गोळा होता जणु मातीचा. 8-8
बनूनी उत्तम शिल्पकार. होत तुम्ही शिल्पकार 6-6
घडविले सर्वोत्तम शिल्प. सर्वोत्तमी. शिल्प घडविले ८-८
ध्यानी तयांचे उपकार. मनी सदा राही उपकार
दिली घेतलेली वचन
घेऊनी हात हाती विश्वासाने
शब्द न् शब्द अजूनी स्मरते
पूर्ण केलीत दोघांनी सहर्षाने
शब्द मातेचा ठेविला जपूनी
करिता गृहप्रवेश सासरी
लाभले सुखद सहजीवन
भरल्या प्रेमाच्या घागरी
वैशाली वर्तक
नाही भरवसा क्षणाचा
आहे अगदी खरेची कथन
नसे भरवसा कधी क्षणाचा
निसटते जशी रेत हातची
वेळ हा सरे आयुष्याचा
येईल खचित उद्या दिवाकर
शुभची सकाळ करण्या मंगल
तोच आजचा सुख शांतीचा
आला क्षणची करण्या चंगळ
दिन तर सरती क्षणा क्षणाला
नको रहाया मनात आशा
नसे भरवसा कधी क्षणाचा
नकोच पदरी उगी निराशा
देवे दिधला. जन्म मानवी
विचार करण्या असेची मती
बहाल करिता मेंदू त्याने
वाढव आता कामात गती
काळ हातचा क्षण भाग्याचा
नको पहाणे वाट उद्याची
गवसत नाही दुसरी संधी
ही खरी असे रीत यशाची.
वैशाली वर्तक
( 4..)
वृत्त पादाकुलक
(पद्मावर्तनी समजाति)
मात्रा८-८=१६
शीर्षक.माझे मला कळेना
समोर दिसता रोज टिप्पणी
मनात आले विचार काही
करून वंदन सरस्वतीला
लिखाणास मन उत्सुक राही
शब्द मनीचे झरू लागले
ओवत गेले मी शब्दांना
सहज जाहली तयार कविता
झरू लागता शब्द फुलांना.
मलाच माझे नाही कळले
कशी प्रसवली मजला कविता
पठण करूनी पुन्हा पाहिली
जना भावली माझी रचिता
देत चालना कल्पकतेला
नेहमी स्फुरे पहा लेखणी.
छंदच जडला आता मजला
झरणी माझी दिसे देखणी
विचार येता शब्द गुंफता
शब्दकार मी कशी जाहले
नित्य लिहीणे सराव घडिता.
मलाच माझे नाही कळले
वैशाली वर्तक
अहमदाबाद
मोहरली लेखणी साहित्य समूह
17/1/26
विषय.. खेळ
खेळ म्हणता आठवे
दिन ते बालपणीचे
कधी सांजवेळ होता
घरी जाणे नावडीचे
किती ते खेळ असती
खोखो कबड्डी लंगडी
शारीरिक ऊर्जा देई
एकत्र होता सवंगडी
होते शरीर सौष्ठव
शिकवण देती खेळ
द्यावी साथ एकमेका
जमवाया हवा मेळ
पत्ते सापशिडी गोटया
असती बैठकी खेळ
सारे खेळ खेळण्यात
मजेत जातो ची वेळ
जीवनात महत्त्वाचे
स्थान असे खरोखर
खेळ खेळत जगावे
मोद मिळे निरंतर
वैशाली वर्तक
अहमदाबाद
चिरंतर राहो विविधा
दिन असे आनंदाचा
करु साजरा मिळूनी
देउ विविधेस शुभेच्छा
आनंदाने काव्यातूनी
विविधा आलीय यौवनात
भासे जणु नव तरूणी
नाव तिचं घेता ओठी
शोधण्या नसे कुठेच उणी
तिचाच समूह तो *सांगते ऐका*
व्यक्त होतात सख्या बोलून
कल्पना शक्तीला मिळे चालना
वकृत्व गुणास देतो उजळून
*अभिव्यक्ती* दुजा आणिक
जिथे होते गुणांचे दर्शन
गायन, वाचन ,संस्कृती जतन
विविध रंगी कला प्रदर्शन
*Only विविधा मिटींग* समूह
पहा ते शिस्तबद्ध आयोजन
देतो कार्यक्रमाच्या सूचना
गुणगान गातात *विविधाचे* जन
आज तिच्या वर्धापन दिनी
किती गाऊ गुण गान
झालीय विख्यात अहमदाबादमधे
वैविध्यपूर्णतेत तिजला मान
वैशाली वर्तक
अहमदाबाद
3/1/26
