सांगू कसे तुला { कोरोनात केलेली विनवणी}

अभा म सा प ठाणे जिल्हा  2

काव्य लेखन उपक्रम

विषय - सांगू कसे तुला

देवा दयाधना रे

तू  तर अंतर्यामी 

जाणून घे ना व्यथा

सांगू कसे तुला मी

मी काय  सांगणार

तुला असतेच जाण

तूची कर्ता करविता

तव मर्जीनेच हले पान 

घडू दे भेटी आप्त जनांची

कर सारे जग पूर्ववत

दूर कर आता  महामारी

काम करण्या अविरत 

सांगू कसे तुला

करिते आता विनवणी

शरण आले तुजला

समजून घे मनोमनी

वैशाली वर्तक 

अहमदाबाद

माघी गणेश उत्सव

 अष्टपैलू  संस्कृती  कला अकादमी , मुंबई (रजि)

आयोजित 

अष्टपैलू काव्यमंच साहित्य  समूह

उपक्रम क्रमांक 63

साप्ताहिक उपक्रम

माघ शुध्द  चतुर्थी *श्री गणेश जयंती*निमित्त 

विषय - गौरीनंदन

*गणेश वंदना* 

तव नामाचा महिमा

शब्द नसे गुण गाया

तुची असे सुखकर्ता

गजानना  गणराया         1

शुभंकर गौरी नंदना

बाप्पा वाटे आपला

तूचीअसे दुःख हर्ता  

किती नांवे रे तुजला        2

असे माघी जन्मोत्सव

माघी गणेश जयंती

  केला  दृष्टांचा संहार 

तीलकुंद चतुर्थी वदती     3

असे प्रथम पुजेचा 

तुजलाची  सदा मान

देतो आनंदी जीवन

करी  तुझाची  सन्मान          4

वेद सिद्ध , एकदंत

रणांगणी  धुरंधर

करी दुष्टांचा संहार

ठेव कृपा निरंतर                 5

चौदा विद्या अवगत

तव महिमा अपार

अधिपती स्वामी तूच

कुणी म्हणती मंदार               6

सौ वैशाली अविनाश वर्तक 

अहमदाबाद 

गुजरात 

  

जन्म तो बाईचा

नमस्कार 

माझी  लेखणी साहित्य  मंच, शहापूर जि ठाणे

आयोजित 

जागतिक महिला दिन निमित्ताने भव्य दिव्य  यूटूयुब चॕनलवर 

व्हिडीओ द्वारे स्वरचित कविता सादरी करण स्पर्धा

 विषय - जन्म बाईचा

असती  दोघे समान

घड्याळ आणि बाई

अविरत गुंग कामात

नसे उसंत,...सदैव घाई

 दिसे  होता सकाळ

 तिजला स्वयंपाक घर

चहा दुध नास्ता जेवण

यादी कामाची तयार

करती प्रेमाने संगोपन  

आपल्या पाल्याला रिझवित

लक्ष असे  घड्याळ्यात

सारी कामे संभाळीत

घड्याळ काट्यांच्या तालावर

कामे करिते प्रत्येक नारी

वेळ पाहून कामाचा राडा

नारी खुशीत उचलते भारी

 धन्य तो जन्म बाईचा

सर्व क्षेत्रात  घेते भरारी

घर -दार मुले- कुटुंब

संभाळण्याची मनी उभारी

वैशाली वर्तक 

अहमदाबाद

शुभेच्छा वर्षाव

डाॕ दिलीप म्हेत्रे स्पर्धा 

वाढ दिना निमित्त राज्यस्तरीय 

अष्टाक्षरी काव्य लेखन स्पर्धा

       *शुभेच्छांचा वर्षाव*

दिन असे आनंदाचा

करु साजरा मिळूनी

देउ  तयांना शुभेच्छा

अष्टाक्षरी काव्यातूनी

लाभो सृदृढ आरोग्य 

घडो  नित्य रूग्ण  सेवा 

 देवासम  तुम्हा मान

ज्ञानरूपी  तव ठेवा          

लाभो सौख्याचा बहर

मिळो सदा यश किर्ती

सा-या जगी उजळावी

नामांकित तव मूर्ती 

देवी शारदेचे तुम्हा

मिळालेले वरदान

प्रज्ञावंत साहित्यिक 

सर्व  क्षेत्रात  महान

सारे देती शुभाशीष

होण्या तुम्ही औक्षवंत

आईबाबांचे आशिष

तुम्ही खरे भाग्यवंत

काव्यातूनी पाठविल्या

शुभ आशिष शुभेच्छा

पूर्ण  होवोत कामना

ह्याच आमुच्या सदिच्छा

वैशाली वर्तक 

अहमदाबाद

कुणी नाही कुणासाठी..... कोणी कुणाचे नाही

*स्पर्धेसाठी*

स्वराज्य  डिजिटल कलामंच

अष्टाक्षरी कविता लेखन स्पर्धा 

विषय - कुणी नाही कुणासाठी

      *कोणी कुणाचे नाही*

आलो एकटेच जगी

वाढविले स्वखुषीत

दिले प्रेम पालकांनी

मोठे केले  सोबतीत

भोगण्यास नाही कुणी

स्वकर्माचे कर्म फळ

मंत्र  ठेवा सदा ध्यानी

हवे मनी आत्म बळ

वाचा पाढे स्वकर्माचे

नको कुकर्म जीवनी

भागीदार  होत नाही 

दुःख भोगण्या त्याक्षणी

कर्म सिध्दांत वदले

कृष्ण  अर्जुनास  रणी

 कुणी  नाही  कुणासाठी

कर कर्म रणांगणी

आयुष्याच्या सांजवेळी

कुणी नाही  कोणासाठी  

आता तरी जगून घे

 काही क्षण स्वतःसाठी

वैशाली वर्तक

अहमदाबाद

वरची कविता गुजराती भाषांतरीत .....

       *કોઈ  નથી કોઈનું

आव्याछे जगतमा एकलाच 

 स्वेच्छाथी उछेर्या

आप्यो स्नेह प्रेम मा पिताए

 साथ संगतमा मोटा कर्या

सहवा माटे नथी कोई

स्वकर्म ना  फळ

मंत्र सदा राखो ध्यानमा

जरूरी छे सदा आत्म बळ.

याद करो पोताना कर्मोने

न करो कुकर्म जीवनमा

भागीदार नथी बनता कोई

दू:ख सहवामा ए क्षणमा

 समझायो कर्मनो सिध्दांत 

 श्रीकृष्णे  अर्जूनने रणभूमीमा

कोई पण कोणा माटे नथी

तू कर्म कर रणांगणमा

जीवनी संध्या समये

कोई नथी कोणा माटे

हवे तू जीवन जी ले 

कईकी क्षण पोताना माटे

वैशाली वर्तक

अहमदाबाद





षडाक्षरी विषय -- भक्तीत रंगलो

उपक्रम

षडाक्षरी

विषय -- भक्तीत  रंगलो

भोळा भक्ती भाव

मनात दाटला

नामाचा गोडवा

आवडू लागला          1

घेता तव नाम 

दुःख  निवारण

होते पहा सदा

आनंदी जीवन          2

उठता बसता

स्मरते तुजला

ध्यास तो नामाचा

लागला मजला             3

वाटे सदा ध्यावे 

रमावे भक्तीत

जगण्या आगळ्या

अशा त्या स्फूर्तीत          4

लागली जिवाला

भक्तीचीच आस

भक्ती भजनाचा

लागलासी ध्यास              5

तुला विध्नेश्वरा

आले मी शरण

स्विकारा नमन

दाखवा चरण                  6

करा कृपा आता

आम्हासी रक्षावे

सकळ जगाचे

दुःख हे हरावे                 7

वैशाली वर्तक  

अहमदाबाद 

गुजरात

फूलले हे क्षण माझे. दोन ध्रुवावर आपण

फूलले हे क्षण माझे

  माझ्या मनीच्या इच्छा 

केल्या पूर्ण  सहजीवनी

 साथ  तुझी  मिळता

 भाग्यवान वाटे मनी

भाव मम अंतरीचे

तू जीवनी जाणिले

सहज देत हात हाती

सप्त रंगी  रंगविले

सहवास तुझा माझा

प्रीत गंध पसरला

एकमेका देत साथ

संसार ही फुलवला

आहे मज समाधान

दिधले तू सर्व  काही

भर भरुनी जीवनी

मागणे उरत नाही

फूलले हे क्षण माझे

तव कृपा प्रसादाने

मन माझे आनंदले

जगले जीवन मोदाने

वैशाली वर्तक 

अहमदाबाद

दोन ध्रुवावर दोघे आपण

जरी असूनही दूर 

प्रेम भाव तो अंतरी

मनाने जगतो सदैव 

नाम तुझेच अधरी 

देवाने दिधले तन

डोळे कान अवयव

करिती काम अविरत

जरी भेटीचा अभाव

राहूनी दूर जरीअक्ष

पाणी झरे  दोन्ही नयनी

ऐकता दुख बातमी

तेच चाले  अपुल्या जीवनी

 एकमेका   देती जिव्हाळा

सुख दुःखात मिळूनी साथ

 भासे न कधी दुःखाचा उन्हाळा 

दोन जीव दोन कुळाचे

बांधले जातात रेशीम गाठींनी

सहजीवन आनंदी करीती 

साथ देत  तडजोडींनी

  सहजीवन सुखी होण्या

  असे   धागा  विश्वासाचा  

  देण्या  सुखाच्या घागरी

  रेशीम गाठीत महत्त्वाचा