सहाक्षरी...दुपारच्या पारी... प्रीत मैत्रीतली बेचैन मन

अभा म सा प  ठाणे जिल्हा

उपक्रमासाठी

क्र 87

विषय -  दुपारच्या पारी

*विरंगुळा*

दुपारच्या पारी

वेळ विश्रांतीची

सवय जडली

ती वामकुक्षीची  1

दारात उभ्याने

गप्पाच रंगती

कधी गंमतीच्या

 मैत्रिणी  संगती  2

मग सय येई

दुपाराच्या पारी

गप्पा फार झाल्या

झोप आली भारी     3

तरी न संपती

फड तो गप्पांचा

खेद वाटे मना 

 झोप चुकल्याचा      4

कधी ऐकायला 

मौज वाटे गाणी

दुपारच्या पारी

जुनी ती पुराणी       5

कधी गमे मज

घेऊन लेखणी

कविता रचावी

असेल देखणी           6

म्हणूनच आज

दुपारच्या पारी

रचिली पहा मी

सहाक्षरी भारी           7

वैशाली वर्तक 

अहमदाबाद

कल्पतरू जागतिक साहित्य मंच

आयोजित उपक्रम

२९\७\२३

विषय प्रीत मैत्रीतली 

प्रीत मैत्रीतली 

दोनही जीवात

वाहे प्रेम झरा

सदैव मनात 

नसे दुजाभाव

 मदतीस साथ

 प्रेमळची भावे

घेत हाती हात

प्रीत मैत्रीतली

दावीती महती

कृष्ण सुदाम्याची

सारेची जाणती

नातेच  मैत्रीचे 

असतेच गोड

कदा दोन मनी

 दिसेनाची खोड

सर्वां  मिळो सखा

द्रौपदीचा  हरी

प्रीत मैत्रीतली

मोद जग भरी

वैशाली वर्तक

अहमदाबाद

विश्व लेखकांचे 

उपक्रम 

सहाक्षरी काव्यलेखन 

विषय .. बेचैन मन

शीर्षक...बावरे  हे मन

 कसे सांगू तुला 

 मन हे  बावरे

 येना तू सख्या

 भेटण्या धावरे

वाट पाहूनीया 

 लक्ष  न कशात 

न उमजे काही 

  वेडे मी तुझ्यात 

वा-याची झुळूक 

स्पर्शूनीया जाता

 मिळाला सांगावा

 येणार तू आता

  चंद्रास  नभीच्या

 आहे रे जाणीव

 मनीची माझिया 

कळली उणीव

वाट पहाण्याची 

माझ्या मनी रीत 

 सांजवेळ झाली

धुंद मनी प्रीत

वैशाली वर्तक

अहमदाबाद

लपंडाव

कल्याण  डोंबिवली महानगर 2

उपक्रमा क्र  181

दि 17/12/21

विषय -लपंडाव

खूप खेळलो लपंडाव

बालपणाच्या काळात

 पण तेव्हा नव्हती समज

हा तर खेळायचाय जीवनात

कधी सुख तर  कधी दुःख 

चालत असते जीवनात

दुःखाने कधीच न खचता

मजा लुटायची सुखात 

निसर्गात पण पहा चाले

कधी निष्पर्ण पानगळ

येता वसंत सुरु बहरणे

मनीची पळवतो मरगळ

रवीराजचा तर चाले

 खेळ लपंडाव श्रावणात

क्षणात पसरे  उन चहुकडे

तर मधेच सुरु बरसात

 

वैशाली वर्तक 

अहमदाबाद

रंग निसर्गाचे

 पहा रवीराज नभी

सोनेरी किरणांनी लाजत

दिसे गगन केशरी  रंगात

मुरडत येते ऊषा हासत

 फुले उमलली गंधित

पानोपानी हळुच डुलत

विविध रंगाची उधळण

सुंदर  निसर्ग खुलवत

जलाशय घेई रंग नभीचा

सुंदर  नभ सुनील रंग

रुप तयाचे पहाण्यात

मन सदैव राही दंग

येता वर्षा अवनी बहरे

 सखा तिज नटवे सजवे

रुप तिचे पार बदले

नववधू सम दिसे बरवे

  दाखवी  रंग नवे नवे

निसर्ग च चित्रकार खरा

ऋतु चक्रा प्रमाणे  दावी

निसर्गाच्या विविध त-हा

खैरात पुरस्कारांची

मज जडली सवय

 सदा लेखन करण्याची

मिळता पुरस्कार एकदा

मन गुंतले सदाची

 करीता लिखाण रोजची

धार  चढली लिखाणास 

होत गेली खैरात आता

रांग लागली पुरस्कारास

देती  समूह प्रशासक 

वाढावे लिखाण म्हणून

वेळोवेळी न चुकता

पुरस्कार  आवर्जून 

होतेय आता समुहावर

खैरात पुरस्कारांची

तरी पाहून पुरस्कार 

ओढ लागे लिखाणाची

नसावे लेखन पुरस्कारासाठी

होते वाढ आपल्या साहित्यात 

मिळते विचारांस गती

निपुणता  वाढे लेखनात

लेख...एक दिवस फक्त माझा मी

माझी  लेखणी साहित्य मंच शहापूर

आयोजित 

उपक्रम

विषय - एक दिवस फक्त माझा  मी

  खरच असे असायलाच पाहिजे. रोज सकाळी  उठल्यापासून 

सर्वांना  काय हवे नको पहाणे ... सर्वांच्या मर्जी प्रमाणे  कोणास जे आवडते .त्याप्रमाणे बनवणे. अथवा सदा सर्वदा इतरांच्या 

म्हणजे कुटुंबजनांच्या मागे पुढे करणे. यात कित्येकदा  आपल्या इच्छांना मुरड घालणे ..असे सर्व  साधारण सर्वांच्याच बाबतीत घडत असतेच. त्यात काही वावग नाही .कुटुंब वत्सल  व्यक्ती म्हटलेकी  की हे सर्व  सहाजिक घडत असते. मग त्यात कधी अत्याचार वा मन मोडून पण माणूस जगत असतो.मग ती बाई असो वा पुरुष .

   पण एक दिवस फक्त माझा मी असा साजरा करावयास काहीच हरकत नाही .मना सारखे उठणे ,   हवे तेव्हा इच्छे प्रमाणे जेवणे ...तास न् तास टीव्ही पहात वा मोबाईल वर रमणे. तसेच वेळेचे भान न ठेवता मनमुराद  चालायला जाणे स्वतः चे छंद जोपासणे. व मित्रांमधे गप्पांची रंगत अनुभवणे. खरच कल्पना छान वाटते. 

तसे रविवार आपण करतो थोड्या फार प्रमाणात तसा साजरा.. तरी त्यात मुले ...नवरा अथवा बायको असतात च एकमेकास 

कधी न आवडती गोष्ट करावी लागण्यास . 

  हल्ली space पाहिजेचे नवे फॕड सुरु झाले आहे. सध्याच्या जीवनात प्रत्येक जण आपापली space ची सोय करत असतात. त्यामुळे या सध्याच्या आधुनिक जनरेशनला तशी एक दिवस माझा  ची गरज नसते . कारण एकमेकाची सोय  /गैरसोय पहातच जगत असतात.  असो .

  पण तसा दिवस मिळाला तर कोणास ही आवडेल ..तसे निवृत्त  काळात  सुख वस्तू  घरात मला तरी असा दिवस मिळतो. मी तो आनंदाने उपभोगते. पण किती वेळ सकाळ  , दुपार .पण शेवटी आजुबाजूच्या व्यक्तींची आठवण येतेच .आपण भारतीय तसे अलिप्त राहू शकत नाही वा रहाणे जमत नाही. 

   शेवटी माणूस हा सामाजिक  प्राणी आहे. त्याला माणसे लागतात. स्वतः एकलपणे जगू शकत नाही.

 काही तास काही वेळ मजा येईल पण पूर्ण  दिवस कंटाळेल. 

वैशाली वर्तक 

अहमदाबाद

काजवा

अ भा ठाणे जिल्हा समूह 2

आयोजित  उपक्रम 

विषय - काजवा

     

 

दाट घन घोर अंधार

चमकताच   काजवा

वाटे मनाला दिलासा

आशेचा किरण  बरवा

तिमीरात  शोभिवंत भासे

काजव्यांच्या दीप ओळी

कुणी रेखाटल्या जणु

काळ्या पटलावर  रांगोळी 

 तिमीर सारतो काजवा

चमकूनी दावी प्रकाश

अंधरल्या जागी करी

लखलखीत अवकाश

आहे मनी सदा आस

व्हावे काजवा जीवनी  

सारण्या दुःख दलितांचे

हीच सदिच्छा मनोमनी

वैशाली वर्तक 

अष्टाक्षरी  करून तीच कविता 

घन दाट घोर  तम

चमकताच   काजवा

वाटे मनाला दिलासा

आशा किरण  बरवा

तिमीरात  शोभिवंत 

काजव्यांच्या दीप ओळी

कुणी रेखाटल्या जणु.      

काळ्या वस्त्री या रांगोळी 

 तिमीर सारी काजवा

दावी मधून प्रकाश 

अंधारल्या जागी करी

चमकते अवकाश 

आहे मनी सदा आस

व्हावे काजवा जीवनी  

सारण्या दुःख दीनांचे   

हीच ईच्छा मनोमनी

वैशाली वर्तक 

अहमदाबाद

( पावसाच्या कविता १३)चित्र सहाक्षरी कविता विषय पावसाळी वातावरण/प्रीतीत पावसाच्याआतुरता पावसाची भिजली पाने पा

वन

विषयः-पावसाळी वातावरण
12 वर्णी

 रिमझिम पावसाच्या वर्षावानी
अंकुरली धरणी तृणांकुरांनी
बीजांकुरे पण वाढली जोमानी
बदलला रंग च वसुंधरेनी.
          पावसाने केलीय जादू ही तर
          उधळूनी अवघा एकची रंग
          झाली हिरवी राने वने शिवार
          दश दिशा झाल्या आनंदानं दंग.
मेघराज्यांच्या प्रेमळ कृपेनेच
चोहीकडे झाले पाण्याचे शिंपण
दवबिंदू चमकती पानातून
मातीतून झाले पाण्याचे सिंचन.
            जिथे पहावे तिथे हिरवळच
           सारी सृष्टीच भरली चैतन्यान
           नेत्र सुख भरूया वर्षभराच
           केली कृपा ही सारी पर्जन्यान.
जलाशय तुडुंब भरली सारी
दिसे टेकड्या न् डोंगर नितळ
 दुग्ध रुपी पडे हा जल प्रपात
 तर कुठे शुभ्र जलाचे ओहळ.
              गाई गुरांना मिळे हिरवे रान
               मुले हर्षूनी दंग बागडण्यात
              घर कौलारु शोभे हिरवाईत
               वाटे अल्हाददायी मना मनात.

 वैशाली वर्तक.(अहमदाबाद)

वसुंधरा चे प्रेम

प्रीतीत पावसाच्या

तप्त ऊन्हाच्या झळा साहूनी 

कोमेजली धरेची काया

दिसे  मरगळलेली सृष्टी 

वृक्षाची कमी भासे छाया

ओती आग रवीराज 

होई लाही लाही अंगाची

कृष्ण  मेघांची नभी गर्दी

धरा वाट पाहे मृग जलाची

आल्या आल्या मृग धारा

भिजूनीया तृप्त वसुंधरा

  ओली चिंब चिंब जाहली

 चिंब प्रीतीच्या पावसात धरा

  देता आलिंगन धरेस

 कण कण   जाहले तृप्त

मृद गंध दरवळे आसमंती

 जल पिऊन  वसुधा संतृप्त

बरसता जलधारा भुवरी

भासे हिरवाईने नटली

जणु प्रीतीच्या पावसात

नव वधू सजली धजली

*प्रीत पावसाने* अंकुरली

बीजांकुरे फुटे अलवार

नेसविला हिरवा शालू

लाजून  मुरडली हळुवार

वैशाली वर्तक

माझी लेखणी अष्टाक्षरी मंच

उपक्रम 

विषय -- आला आला पावसाळा

        *वर्षा ऋतू*

कृष्ण  मेघांना पाहूनी

वाटे हायसे मनाला

*आला आला पावसाळा*

हर्ष दाटतो बळीला.              1

उडे पाचोळा  सर्वत्र 

वाहे सोसायट्याचा वारा

मेघ गर्जती अंबरी

सुरु झाल्या वर्षाधारा              2

कधी पडे रिमझिम 

पहा झिम्माड पाऊस 

नद्या  वाहे खळखळ

भिजण्याची संपे हौस                3

कड्यातून वाही झरे

भासे शुभ्र  दुग्ध धारा

हास्य लोभस निसर्ग 

गीत गाई  मंद वारा                   4

येता श्रावण बरसे

रिमझिम जलधारा

सरी वर सरी येती

थंड गार झोंबे वारा                    5

रुप पहा वसुधेचे

कसे दिसे मनोहर

जणू हिरवे गालिचे 

भासे सर्वत्र  सुंदर                     6

वैशाली वर्तक 

अहमदाबाद

: : 

उपक्रम

*गोंधळ पावसाचा**.                        सायबर क्राईम पेपरात 

आला आला श्रावण

सरीवर सरी पडतात

चला जाऊया झेलण्या

मस्त  भिजू पावसात

पहिल्याच मंगळवारी

पावसाने  केला  गोंधळ 

चिंब केले सारे अंगण

मुलींनी काढला पळ 

असा कसा तू पावसा

तुला वाटते तेव्हा येतो

वारा वाहूनी जोरात

छप्पर उडवून नेतो

बरसतो मुसळधार

सारी कडे पाणी पाणी

गाड्या बंद जागोजागी

आणतोस आणिबाणी

सारे नदी ओढे नाले

तुडुंब  जलाने भरलेले

रस्त्यावर  पाणी वाहे

लोक घरी जाण्या खोळंबले

एकदम  तू  बरसून 

जन जीवन  विस्कळित

कसे जावे कामाला  

चेहरे सारे प्रश्नांकित

वैशाली वर्तक

अ भा म सा प धुळे जिल्हा

।चित्र  काव्य

*बळीची विनवणी*

उन्हाच्या झळांनी

धरा भेगाळली

कधी बरसेल

अती आसुसली

बळी पाही वाट

मेघांना पाहूनी

क्षीण  नजरेने

विनंती करूनी

करूनिया कष्ट

मातीला कसीन

नांगरुन माय

घाम मी गाळीन

  जल बरसावे

अंकुरे फुटावी

कोंब डोकवेल 

 आनंदे भरावी 

मिळेल तो चारा

येई अंगी बळ

दारी धान्य रास

मिळे कष्ट  फळ

पड रे पावसा

मागतो मागणे

नको होऊ ऐसा

ऐक   ते सांगणे

वैशाली वर्तक 

अहमदाबाद

सरीवर सरी

येता पावसाची

पहिलीच सर  

येते जना मनी

आनंदी  लहर

आतुर झेलण्या

अतृप्त    अवनी

 पावसाच्या सरी

झिरपल्या क्षणी 

मृग नक्षत्राच्या

बरसल्या सरी

धरा ओली चिंब

झाली पहा खरी

सरीवर सरी

येता   धरेवर

  मृद्गंध पसरे

 सारा क्षणभर

सरीवर सरी

कोसळत  राही

बळीराजा मात्र 

हर्षमने पाही

सुसाटला वारा

सुटला नाठाळ

   झोंबे  गार अंगा 

भारीच खट्याळ

रिमझिम पाऊस

मास  आषाढ   सरला

सुरु  झाल्या श्रावण धारा

रिमझिम पडे पाऊस

थंड झोबतो अंगा वारा

 ऊन आले म्हणताच

सरी वर सरी  बरसती

लपंडाव ऊन पावसाचा

 पक्षी मजेत विहरती

 वाहती खळखळ नद्या

उंच कड्यावरुनी प्रपात

किती मोहक सृष्टी सजली

  वारा गाणे गाई जोरात

 वृक्ष लता बहरल्या

जल थेंबाची मोहक माळ

तृणपाती हिरवी गार

रोज वाटे प्रसन्न  सकाळ

रिमझिम पडे वर्षाधारा

हिरवी राने सारी मोहक

 रूपच बदलले सृष्टी चे

 रानफुले चित्ता वेधक

वैशाली वर्तक

.विषय - पावसाची सर.

..................................

कृष्ण  मेघांचे आभाळ

वारा वाहतो जोरात

उडे पाने चोहीकडे 

मेघ गर्जती नभात

मोर नृत्य  मनोहर

पक्षी झेलती थेंबांना

धारा पडता अंगणी

हर्ष  होई बालकांना

सर  पावसाची  येता

मृदगंध   पसरला 

तृप्त जाहली अवनी

मोद भरूनी उरला

 लता वृक्ष  तरारल्या

दारी पागोळ्या पडती

मुले ओंजळ भरुनी

मोदे पाण्यात खेळती

जो तो जाई भारावूनी

मजा  पावसाची  वेगळी

मन होई उल्हासित

चव भज्यांची आगळी.

राहे स्मरणी पाऊस

आठवांना येई पूर

 घडो जरी गतकाळी

  येतो भरुनिया ऊर

वैशाली वर्तक 

अहमदाबाद

विषय -  **भिजली पाने भिजली राने**

बरसत आल्या वर्षाधारा

तप्त अवनी तृप्त जाहली

ओला सुगंध पसरे आसमंती

 वृक्ष वल्लरी   रानी फोफावली

वाहताती झरे खळखळ

भासती शुभ्र दुग्धची  धारा

 लोभस हास्य ते निसर्गाचे" 

गीत गात वाहे थंड वारा

वाहता जल कडे कपारीतूनी

झाला धरेचा  पहा रंग हिरवा

रानमाळ डोंगर सारे सजले

दिसे मीहक ऋतू  तो बरवा

पावसाने केली जादु खरी

उधळून अवघा एकची रंग

भिजली पाने भिजली राने

दशदिशा जणुआनंदात  दंग

तृप्त जाहले कणकण मातीचे

हिरवळ पसरली चोहीकडे

लाल पिवळी इवली रान फुले

जणु बुट्टे रेखाटले कुणी गडे    

वैशाली वर्तक 

अहमदाबाद 

आतुरता पावसाची

    नको भासे उन्हाळा 

नाही सहन  होतेय

आता गर्मी नि उन्हाळा 

वाट पहाती लोचने

येवो आता पावसाळा

झळा उन्हाच्या साहूनी

धरा पहा भेगाळली

वाट पहाते मृगाची

पाण्यासाठी आसुसली

वाट पाही बळीराजा

काळ्या मेघांना पाहूनी

नजरेत दिसे प्रतिक्षा

वरुणाला विनवूनी

जन सारे कंटाळले

वाट पाही पावसाची

कधी येतील जल धारा

होण्या तृप्तता मनाची

गुरे शोधती निवारा

चारा सारा वाळलेला

ठेवा पक्षांना पाणी

उन्हाने जीव कासावलेला

नको वाटे जाणे बाहेर

अंगाची होई लाही लाही

एकच उद्गार   सर्व मुखी 

पावसा शिवाय गारवा नाही.

वैशाली वर्तक 

अहमदाबाद

भा सा व सां मंच लातूर

आयोजित 

उपक्रम 

   अवेळीचा पाऊस 

कसा आला अचानक

अवेळीचा  हा पाऊस

झाली वेळ परतीची

आता नाही कोणा हौस

नको तेव्हा बरसतो

जीवाची होते धावपळ

 कसे करावे आता 

लोकांचे नुरे बळ

पीक डौलते शिवारी

बळी मना आनंद वाटे

पण असा पाऊस येता

खंत मनी त्याच्या दाटे

बस कर आता पावसा

नको दावू अवेळी  रूप

झाली वेळ परतीची

वाजव आता इथले सूप

वैशाली वर्तक 

अहमदाबाद

साहित्य दर्पण कला मंच नागपूर 

आयोजित उपक्रम क्रमांक ६५

विषय..चाहूल पावसाची

कृष्ण  मेघांना पाहूनी

वाटे हायसे मनाला

आला आला पावसाळा

हर्ष दाटतो बळीला.              1

उडे पाचोळा  सर्वत्र 

वाहे सोसायट्याचा वारा

मेघ गर्जती अंबरी

बरसू दे वर्षाधारा              2

आले मेघ दाटुनिया 

झाली गर्दी  अंबरात

उडे पाचाळो वा-याने

बरतील    ते   क्षणात

किती पहावी  रे वाट

ये रे घना ये रे घना*

व्याकुळली सारी सृष्टी 

देना हर्ष तना मना

लागे चाहुल पक्षांना

बघ उडती नभात

पंख पसरी मजेत

घाव घेती घरट्यात       

थंड   झुळुक वा-याची

करी मना प्रफुल्लित

मोर दावी नृत्य त्याचे

आसमंत   आनंदित

ये रे घना ये रे घना

न्हाऊ घाल वसुधेला

तप्त भेगाळली काया

कर शांत तू धरेला

वैशाली वर्तक 

अहमदाबाद

साहित्य दर्पण कला मंच आयोजित

उपक्रम क्रमांक ७३

विषय..  रिमझिम पाऊस 

        *ऋतू मन भावन*

सुरु झाला ऋतु वर्षा

सृष्टीचा रंग हिरवा

जेथे तेथे जल बिंदू

आसमंत भासे बरवा

तप्त किरणे शमली

नभ आक्रमिले मेघांनी

चमकून दामिनी रुप

दावी सोनेरी रेघांनी

रिमझिम जलधारा

आनंद देती मनाला

मयुर  करी नर्तन 

सुंदर भासे जीवाला

कधी झिंमाड तर रेशमी

कोसळती जलधारा

तयात वाहे खट्याळ

झोंबणारा थंड वारा

तृप्त जाहले कणकण मातीचे

हिरवळ पसरली चोहीकडे

लाल पिवळी इवली रान फुले

जणु बुट्टे रेखाटले कुणी गडे

मृग जलधारांनी नटलीय

पहा नववधु सम धरा

नेसलीय नवा शालू हिरवा

पहा तिचा थाट अन् नखरा

वैशाली वर्तक 

अहमदाबाद

अभामसापपुणे शहर पश्चिम महाराष्ट्र आयोजित उपक्रम क्रमांक 580

दि 21/7/25

विषय. पावसाचा लपंडाव 

  शीर्षक..खेळ चाले पावसाचा

येता श्रावण महिना

हिरवळ दिसे चोहीकडे

क्षणात चमके  ऊन

दुस-या क्षणी सर पडे

हिरवी झाडे हिरव्या वेली

हरित रंगच दिसे सर्वत्र 

पांधरुन शाल हिरवी

अवघ्या धरेचा रंग एकमात्र

आभाळात ढगांचा गडगडाट

दामिनी चमके काळ्या ढगात

सर पडूनी जाता पुन्हा 

सूर्य   ढगातून डोकवे नभात

लंपडाव ऊन पावसाचा

पडे सरीवर सरी तालात

धरेला चिंब भिजवूनी

उन्ह कोवळे पडे क्षणात

झाकोळते आकाश मेघांनी

 भासे  भर दिवसा  सांज

जल बरसूनी जाता पुन्हा 

दर्शन देतात रवी राज

लपंडावाच्या या खेळातून

मधेच दिसे इंद्रधनु शानदार      

लोभस रुप  पहा निसर्गाचे       

श्रावण मास असे बहारदार       

वैशाली वर्तक.

अहमदाबाद