पंचाक्षरी आषाढ घन

स्पर्धेसाठी
विषय ... आषाढ घन

दाटले घन
आतूर मन
बरसण्याने
भिजले तन

सुटला वारा
पडल्या गारा
आषाढ मासी
सतत धारा

निर्मल झरा
वाहतो खरा
आषाढ घन
वेगळी त-हा


ऋतु हिरवा
वाटे बरवा
घन बरसे
देई गारवा


मिळे आनंद
फिरा स्वच्छंद
आषाढ घनी
परमानंद

मेघ रंगले
चित्त दंगले
आषाढ घनी
 गान स्फुरले

नभ दाटले
मन हर्षले
मनोमनीते
गीत गायले


वैशाली वर्तक

अष्टाक्षरी विरहाचे दाट धुके

उपक्रम   अष्टाक्षरी  विरहाचे दाट धुके
 ओळ-विरहाचे दाट धुके
       **असह्य विरह**

पहा झाल्या धुंद दिशा
पानोपानी प्रीत झुरे
हृदयात शोधुनिया
 सदा मम ऊर भरे

सांगु शके ना कुणाला
गुज माझे हे मनीचे
कसा साहु विरह हा
भाव जाण अंतरीचे

रात वाटे सदा वैरीण
मनी आठवे ती भेट
कशी विसरु मी रात
स्मरणात असे थेट


तव संगे पाहिलीत
  हात  घेउनी हातात
रंगविली होती स्वप्ने
सांगितली एकांतात


आठवात त्या भिजले
झाली अंधुकशी वाट
अश्रूं नयनी वाहता
धुके विरहाचे दाट

वैशाली वर्तक

क्षण निवांत सांजेचा

यारिया साहित्य कला
अष्टाक्षरी काव्य रचना
विषय - क्षण निवांत सांजेचा

सांजवेळी सय येते
प्रत्येकास स्वगृहाची
जेथे मिळे मनःशांती
भेट होता स्वजनांची

वाट पाहती बालके
रंगलेली खेळण्यात
दारी उभी गृहलक्ष्मी
होई क्षणी आनंदात

तेजाळते सांजवात
करी मना प्रफुल्लित
शांत प्रसन्नता भासे
घर होई उल्हासित

शब्द गुंजताती कानी
रामरक्षा पठणाचे
क्षण निवांत सांजेचा
मनशांती मिळण्याचे

करुनिया गुज गोष्टी
घेउनिया हाती हात
मिळे मोद क्षणभर
मन रमे आठवात

वैशाली वर्तक

गीत. तुला भेटण्याचीओढ लागे.....भावगीत

तुला भेटण्याची ओढ लागे  जीवाला
कधी येशील जवळी सांग माझिया मनाला

          वाट तुझी बघण्याची   ही मनाची  रीत
              बघ सांजवेळ झाली धुंद  आज प्रीत
              हात घेऊनी हाती आळवू प्रेम गीताला
              कधी येशील जवळी सांग माझ्या मनाला

मोहमयी तव हात फिरु देना हळुवार
पहा कशी बहरली  रातराणी अलवार
शहारते काया स्पर्श  होता तनुला
कधी येशील जवळी सांग माझ्या मनाला

   तव प्रेमाची सखया वाट पाहती लोचने
   धुंद मंद या समयी ऐक माझे तू सांगणे
  नको आता बहाणे अधीर या जीवाला
कधी येशील जवळी सांग माझिया मनाला

तुला भेटण्याची ओढ लागे जीवाला
कधी येशील जवळी सांग माझिया मनाला


वैशाली वर्तक

अष्टाक्षरी

     ** धुंद  झाली आज प्रीत**

तुला भेटण्याची सदा

ओढ लागली  जीवाला

कधी येशील जवळी

सांग माझिया मनाला

वाट तुझी बघण्याची

वेड्या मनाची ही रीत

बघ सांजवेळ झाली

धुंद  झाली आज प्रीत

शहारते मम काया

स्पर्श  होता अलवार

मोहमयी तव हात

फिरु देना हळुवार

पहा कशी बहरली

धुंद गंध  रातराणी

हात घेउनी हातात

गाऊ दोघे प्रेमगाणी

तव प्रेमाची सखया

वाट पाहती लोचने

धुंद मंद या समयी

ऐक माझे तू सांगणे

सौभाग्य कांक्षिणी

आजचा उपक्रम
यारिया आयोजित षडाक्षरी
विषय - सौभाग्य कांक्षिणी


नावा आधी शब्द
चिसौकां लागला
सौभाग्यकांक्षिणी
अर्थ समजला

नटली नवरी
जमे गोतावळा
हर्ष मनी झाला
लग्नाचा सोहळा

सौभाग्याचे लेणे
गळा शोभे भारी
लाल कुंकू भाळी
रुपवती नारी

पहा हाती माळ
अधीरता मनी
सौभाग्य कांक्षिणी
हर्षे तिचा धनी

कुमारीका पद
त्यजून प्रेमाने
सौभाग्य कांक्षिणी
झाली आनंदाने

साथीदार माझा
  आहे मज योग्य
वाटे मनोमन  
  उजळेल भाग्य

वैशाली वर्तक

सौभाग्य कांक्षिणी

नावा आधी आला शब्द  

  चिसौकां,  न समजला

सौभाग्यकांक्षिणी असा

अर्थ , मग   उमजला 

 वधू  नटली  लग्नाला

जमे  सारा  गोतावळा

हर्ष मनात जाहला

पाहुनिया  तो सोहळा. 

आले  सौभाग्याचे लेणे

शोभिवंत गळा भारी

लाल कुंकू भाळावरी

  रुपवती दिसे नारी

घेता हाती फुल माळ

अधीरता वाढे मनी

 वधू सौभाग्य कांक्षिणी

  हर्ष भरे पाही  धनी

 आता कुमारीका पद

  स्वतः त्यजून प्रेमाने,

  होते सौभाग्य कांक्षिणी

   मनोमनी   आनंदाने     

  साथीदार माझा आहे,

  भासे  मजलाची योग्य.

 सदा वाटे मनोमनी 

  आता उजळेल भाग्य.

वैशाली वर्तक

अहमदाबाद 

8141427430

नावा आधी आला शब्द  

  चिसौकां,  न समजला

सौभाग्यकांक्षिणी असा

अर्थ , मग   उमजला 

 वधू  नटली  लग्नाला

जमे  सारा  गोतावळा

हर्ष मनात जाहला

पाहुनिया  तो सोहळा. 

आले  सौभाग्याचे लेणे

शोभिवंत गळा भारी

लाल कुंकू भाळावरी

  रुपवती दिसे नारी

घेता हाती फुल माळ

अधीरता वाढे मनी

 वधू सौभाग्य कांक्षिणी

  हर्ष भरे पाही  धनी

 आता कुमारीका पद

  स्वतः त्यजून प्रेमाने,

  होते सौभाग्य कांक्षिणी

   मनोमनी   आनंदाने     

  साथीदार माझा आहे,

  भासे  मजलाची योग्य.

 सदा वाटे मनोमनी 

  आता उजळेल भाग्य.

वैशाली वर्तक

अहमदाबाद 

8141427430

तुझी साथ असेल तर

तुझी साथ असेल तर


साथ तुझी असेल तर
नसे जगी काही अशक्य
फक्त तू हवा पाठीशी
 मला होईल सारे शक्य

येवोत कितीही संकटे
होणार नाही मी भयभीत
यश मिळणार मला खचित
विश्वासाने राहीन प्रफुल्लित

तुझ्यावरचा दृढ विश्वास
देतो मनी सदा प्रेरणा
अपयशाला नसे थारा
तोच देतो मनाला चेतना

येवो किती महामारी
सर्व होऊनी आत्म निर्भय
तूझी साथ तर असणारच
नाही आम्हाला कशाचे भय

साथ तुझी असेल तर
 भय चिंता नुरते उरी
कठीण न वाटे मनी
कितीही आपत्ती आली तरी

म्हणती जन तुझ्या कृपेने
पंगु पण सहज चढे गिरी
साथ तुझी असेल तर
जीवन नौका नेशील पैल तीरी

काय सांगू देवा तुजला
तूची आमुचा कर्ता करविता
साथ तुझी सदैव राहो
शरण तुजला भगवंता

वैशाली वर्तक
अहमदाबाद
(गुजरात )

प्रतिक्षा बळीराजाची

प्रतिक्षा बळीराजाची


झळा उन्हाच्या साहूनी
धरा पहा भेगाळली
वाट पहाते मृगाची
पाण्यासाठी आसुसली

वाट पाही बळीराजा
काळ्या मेघांना पाहूनी
नजरेत दिसे प्रतिक्षा
वरुणाला विनवूनी

कष्ट करुनी उन्हात
काळ्या मातीला कसीन
नांगरुन काळी माय
घाम तयात गाळीन

पाणी पडावे मृगाचे
बीज अंकुरे फुटावी
कोंब डोकवेल वर
मने आनंदे भरावी

चारा मिळावा गुरांना
मोल मिळावे कष्टाचे
दिसो दारी धान्य रास
संपवावे दिन प्रतिक्षेचे

करितोय विनवणी
मान द्यावा प्रतिक्षेला
बरसून शिवारात
पूरी करा मनीच्छेला
वैशाली वर्तक