गीत. तुला भेटण्याचीओढ लागे.....भावगीत

तुला भेटण्याची ओढ लागे  जीवाला
कधी येशील जवळी सांग माझिया मनाला

          वाट तुझी बघण्याची   ही मनाची  रीत
              बघ सांजवेळ झाली धुंद  आज प्रीत
              हात घेऊनी हाती आळवू प्रेम गीताला
              कधी येशील जवळी सांग माझ्या मनाला

मोहमयी तव हात फिरु देना हळुवार
पहा कशी बहरली  रातराणी अलवार
शहारते काया स्पर्श  होता तनुला
कधी येशील जवळी सांग माझ्या मनाला

   तव प्रेमाची सखया वाट पाहती लोचने
   धुंद मंद या समयी ऐक माझे तू सांगणे
  नको आता बहाणे अधीर या जीवाला
कधी येशील जवळी सांग माझिया मनाला

तुला भेटण्याची ओढ लागे जीवाला
कधी येशील जवळी सांग माझिया मनाला


वैशाली वर्तक

अष्टाक्षरी

     ** धुंद  झाली आज प्रीत**

तुला भेटण्याची सदा

ओढ लागली  जीवाला

कधी येशील जवळी

सांग माझिया मनाला

वाट तुझी बघण्याची

वेड्या मनाची ही रीत

बघ सांजवेळ झाली

धुंद  झाली आज प्रीत

शहारते मम काया

स्पर्श  होता अलवार

मोहमयी तव हात

फिरु देना हळुवार

पहा कशी बहरली

धुंद गंध  रातराणी

हात घेउनी हातात

गाऊ दोघे प्रेमगाणी

तव प्रेमाची सखया

वाट पाहती लोचने

धुंद मंद या समयी

ऐक माझे तू सांगणे