गुढी पाडवा

प्रेमाची क्र.34
   विषय- गुढी पाडवा

  आला सण पाडव्याचा
  येते मनी गीतरामायण
  ओठी येतात मराठी गाणी
   करु चला त्यांचे पारायण

   गुढ्या उभारल्या घरोघरी
   करती प्रार्थना  मनोमनी
   नव वर्षाच्या जन देती शुभेच्छा
   परि भय कोरोनाचे क्षणोक्षणी

    वसंत ऋतुने नटली सृष्टी
    निहाळुया तियेचे सौंदर्य
    सकारात्मक भाव ठेवू मनी
     स्मरुया देवाचे औदार्य

   स्वागत करु नव वर्षाचे
    बांधूनी गुढी चैतन्याची
    महामारी मुक्त कर देवा
    हीच मागणी संस्कारी  देशाची


    सारे आपण बांधव देशाचे
     जपू विश्व बंधुत्व भाव मनी
      मंत्र  समतेचा देऊनी जना
     मानवता धर्म  पाळू या क्षणी

        वैशाली वर्तक

गुढी प्रेमाची

काव्यपुष्प साहित्य  मंच राज्यस्तरिय
     काव्य लेखन स्पर्धेसाठी
     विषय - गुढी उभारु प्रेमाची


   **गुढी प्रेमाची**
  आला सण पाडव्याचा
  लावू गुढी समतेची
  दूर सारु जाती भेद
  **गुढी उभारु प्रेमाची**

   विसरुनी राग द्वेष
  मनी भरु प्रेम भाव
  जसे होते रामराज्यी
   नसे सुखाचा अभाव

   स्वच्छ ठेवण्या भारत
   करु निर्धार मनाचा
  पळवून कोरोनाला
   क्षण आणू आनंदाचा

  बांधू  तोरण आंब्याचे
  दारी रेखुया रांगोळी
  सौख्य नांदो घरोघरी
  काढू शुभेच्छांच्या ओळी.

  जग सुखी सारे होवो
  हेच मागणे देवास
 पूर्ण  होवोत कामना
  दूर कर कोरोनास

  ध्येय ठेवू सदा उंच
  मुखी ठेवूनी गोडवा
  जपू संस्कार संस्कृती 
  आला सण हा पाडवा

 ......वैशाली वर्तक.....23/3/2020
       अहमदाबाद
  8141427430

चहा

उपक्रम
विषय -चहा

सकाळी उठताच येते
आठवण ती चहाची
वाफाळलेला कप दिसता
सुस्ती उडले तनाची

काळ वेळ नाही लागत
केव्हाही आवडे पिण्यास
सुचत नाही वाटले तरी
हवा तो  विचार सुचण्यास

येते आठवण चहाची
 जमता ढग आकाशी
चहा आल्याचा आठवे
 वाटे मिळावा चुटकी सरशी

हाती असता चहा
गप्पा येतात रंगात
आठवणीं येतात जुळून
जुन्या काळच्या मनात

उगाच नाही  म्हणत
चहास पृथ्वीवरील  अमृत
येता जाता प्यावा चहा
प्राशन करावे जठरामृत

वैशाली वर्तक

सुगी

सुगी

सोनियाचे आले दिन
दिसे सुख शिवारात
धान्य  आले बहरुन
बळी हसतो गालात

 येता पीक  भरघोस
मोल जाहले कष्टाचे
दिसे दारी धान्य  रास
दिन दाविले सुगीचे

कणसात दाणे भार
जणु भासे  मोती-मोती     
पाखरांची झुंड फार
हवी  गोफणच  हाती

आली कणसे खळ्यात
बैल फिरती जोमाने
सुरु मळणी झोडणी
गाणी गाती आनंदाने

 झाली चंगळ चा-याची
  बळी खुश  मनोमनी
  हंबरती गाई गुरे 
 मोद दिसे  क्षणो क्षणी                       

देवाजीने केली कृपा
स्वप्न पहा साकारले
राजा राणी पोर बाळे
घर सारे आनंदले

वैशाली  वर्तक

वन भोजन

उपक्रम क्र 107

आला आला वसंत ऋतु  

वृक्षांची  संपली आता पनगळ

नटल्या बहरल्या लता वेली

निघून गेली सृष्टी ची मरगळ

 थंड  मंद  झुळूक अल्हाददायी

 सारे झाले प्रसन्न  वातावरण

 यावे लुटण्या सृष्टी चे सौंदर्य 

पहा कसे निर्मळ पर्यावरण

निसर्गात करु म्हणून  वन भोजन 

धाब्याच्या भोजनाची मजा आगळी

देते  आनंद वनभोजनाचा

  असे रीत  वनभोजनाची वेगळी

वैशाली वर्तक

लेखणी .... जेव्हा लेखणी बोलते**

उपक्रम
**जेव्हा लेखणी बोलते**

न उच्चारता  एक शब्दही
जेव्हा लेखणी बोलते
भाव मनीचे दाविते
गुज मनीचे सांगते

अक्षर  अक्षर  जोडूनी
 शब्दाने गुंफिते मालिका
होते तयार सुंदर  कविता
उमलते मनीच्या भाव कलिका

कधी पडखर शब्दांनी
वाचा फोडते भष्टाचारास
उपयोगी  ठरते त्याक्षणी
थांबविण्या अत्याचारास

अशीच स्फुरली  लेखणी
मिळविण्या स्वातंत्र्यासाठी
हक्काची  करविली जाणीव
बोलली लेखणी जनतेसाठी

लेखणी असतेच तत्पर
बोलण्यास मनीचे भाव
जेव्हा लेखणी बोलते
 भावनांचा लागे ठाव

वैशाली वर्तक   2/2/2020

काव्य पूर्ती......नको निराशाच्या ओळी