वर्ल्ड व्हिजन टाईम्स २९\७\२५
१
*नाचत आला श्रावण
सुरु झाला ऋतु वर्षा
नभ दाटले मेघांनी
दाहकता कमी भासे
आदित्याची नभांगणी
गर्दी जलदांची नभी
गर्जताती कृष्ण मेघ
झाली घाई बरसण्या
मधे चमके वीज रेघ
ढोल ताशांच्या गर्जना
धुवादार बरसात
भासे फाटले आभाळ
वारा वाहतो जोशात
घन आले ओथंबूनी
लपंडाव चाले खेळ
मेघ गातात मल्हार
जमे पावसाचा मेळ
कड्यातून वाहे झरे
जणू शुभ्र दुग्ध धारा
खाच खळगे भरले
शीळ घाली मंद वारा
जणु सरी मोतीयांच्या
भासताती जल धारा
वाहे ओहोळ सर्वत्र
ओली चिंब झाली धरा
वैशाली वर्तक
मनभावन श्रावण काव्य शृंखला
कल्पतरू जागतिक साहित्य मंच आयोजित
काव्य शृंखलेत स्मिता भिमनवार व अंजली देशपांडे (नाशिक) यांना आमंत्रित केले आहे
माझी रचना👇🏼
विषय... मनभावन श्रावण
*सणवार आनंदाचा श्रावण*मनभावन \
मास आषाढ सरला
सुरु झाल्या श्रावण धारा
रिमझिम पडे पाऊस
थंड झोबतो अंगा वारा
ऊन आले म्हणताच
सरी वर सरी बरसती
लपंडाव ऊन पावसाचा
पक्षी मजेत विहरती
वाहती खळखळ नद्या
उंच कड्यावरुनी प्रपात
किती मोहक सृष्टी सजली
गाणे गाई वारा जोरात
येता श्रावण महिना
येई उधाण उत्साहाला
असे सणांचा सोहळा
सीमा न उरे आनंदाला
होते श्रावणाची सुरुवात
दिव्याच्या आवसेने
दीप पूजन करती नारी
भाव कृतार्थ जागवणे
याच महिन्यात येतो
कृष्ण जन्म,बैलपोळा
अन् रक्षा बंधन दिनाला
आप्त जन होती गोळा
अशी सणांची रेलचेल
असे आवडीचा श्रावण
होती आप्त जनांच्या भेटी
मास असे *मन भावन*
वैशाली वर्तक
अहमदाबाद
भाग्योदय लेखणीचा साहित्यिक मंच
आयोजित काव्यलेखन उपक्रम
विषय.. श्रावण सरताना
आला आला म्हणता
वेळ आली हो सरण्याची
किती आनंद सुखाचे
क्षण होते म्हणण्याची
लेकी येता माहेरास
घर गोकुळ बनले गोकुळ
हास्य मोदाचे स्नेहाचे
नातवंडांचा धुमाकूळ
भाऊ बहिणींच्या प्रेमाचे बंधन
कृष्ण जन्माष्टमी सोहळा
मंगळागौरी पूजनाची
मजा लुटण्या भगिनी गोळा
केली पूजा वाहूनी शिवामुठ
भोळ्या शिव शंकराला
कसा सरला मासश्रावण
कळेना क्षणभर मनाला
रिमझिम झेलल्या रेशीम सरी
काही म्हणा श्रावण पावन
उगा का म्हणती जन
श्रावण अती भावन
वैशाली वर्तक
सुवर्ण साहित्य मंच
स्पर्धेसाठी
स्पर्धा क्रमांक 1
दि 28/7/25
दशाक्षरी काव्यलेखन
विषय ... श्रावणी उत्सव
शीर्षक ...श्रावण मनभावन
पाचोळा उडला सभोवती
वाहे वारा पहा सोसाट्याचा
फेर धरुनी नाचली पाने
बरसल्या सरी श्रावणाच्या .
बरसता श्रावणाच्या सरी
धरा हिरवाईने नटली
जणु प्रीतीच्याच पावसात
नव वधू सजली धजली.
प्रीत पावसाने अंकुरली.
बीजांकुरे फुटे अलवार.
नेसुनिया हिरवा तो शालू.
लाजूनी मुरडे हळुवार.
श्रावणात चालेआदित्याचा
खेळ पहा ,ऊन पावसाचा
सर सर क्षणी, बरसूनी
पहावे, तर दिन ऊन्हाचा
*श्रावणी उत्सव* सणवार
येती लेकी बाळी माहेरासी,
चाले पूजन मंगळागौरीचे
वाही बल्व पत्र शंकरासी.
बांधूनीया झुले अंगणात
लावुनी मेहंदी हातावरी,
मुली झुलती झोके घेउनी
पूजती नागाला घरोघरी.
काळच हा, नव सृजनाचा
महिना तोची असे ,श्रावण
येतसे आनंदाला उधाण
सर्वांचा असे, मन भावन
वैशाली वर्तक
अहमदाबाद
