आ भा म सा पण मध्य मुंबई समूह क्रमांक २
आयोजित उपक्रम
षडाक्षरी रचना
विषय..पावसाळी सुट्टी
सुट्टी ती शाळेला
आनंद दायक
अती वृष्टी होता
मिळे अचानक
मन आनंदले
सोबती जमले
मनात देवाचे
आभार मानले
केले नियोजन
कुठे जमायचे
खेळत खेळत
कसे भिजायचे
होती छत्री हाती
अंगा झोंबे वारा
मजेच झेलल्या
पावसाच्या धारा
पागोळया झरती
दाराच्या समोर
पिसारा फूलता
पाहिला तो मोर
अवचित सुट्टी
दिली पावसाने
रोज असे यावे
खेळु आनंदाने
वैशाली वर्तक
अहमदाबाद
कल्याण डोंबिवली महानगर 1
आयोजित उपक्रम
विषय ..येरे येरे पावसा
शीर्षक.. आर्त विनवणी
येणार तू नक्की
केली बी पेरणी
बरस ना आता
किती विनवणी 1
कष्ट करुनिया
घाम तो गाळून
केली मेहनत
शिवारी कसून 2
ऐनवेळी आता
का रे तू रूसला
कुठे गेले मेघ
लपून बसला 3
मृगाच्या पाण्याने
जीवा लागे आस
फुटतील बीजे
धरिला तो ध्यास 4
बरस रे मेघा
नको पाहू अंत
बळीची वाढवू
नकोस तू खंत 5
नेहमीच तुझे
दाखवितो खेळ
वेळेत न येणे
जमव तू मेळ 6
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा