१रिता मनाचा गाभारा/२मनगुंतवू कोठे/ ३रित्या मनाच्या अंगणी

*रिता मनाचा गाभारा*

१

जन्म मिळाला मानव

मेंदू केलाय बहाल

करु जीवन  सार्थक

पाहू जगाची कमाल

गोळ्या समान मातीच्या

मन  होते निर्वीकार

 केले संस्कार  मातेने

होउनिया  शिल्पकार 

रिता मनाचा गाभारा

सजे मोहाने मायेने

जसे वाढे वयमान

भरे तो  सहजतेने  

 सुख   भोगिले भौतिक  

येता काळ यौवनाचा

मन आनंदे  भरले 

भरे. गाभारा मनाचा

मन  जाहले संतृप्त

 येता सांज आयुष्याची

आशा  आकांक्षा नुरली

झाली  जाणीव देवाची 

धरी कास अध्यात्माची

मिळविले  समाधान

रित्या मनाच्या गाभा-या

उमजले, भाग्यवान

वैशाली वर्तक

अहमदाबाद 

साहित्य दर्पण कला मंच नागपूर

आयोजित उपक्रम क्रमांक ७९

२विषय ..मन गुंतवू कुठे

जन्म मिळाला मानव

मेंदू केलाय बहाल

करु जीवन  सार्थक

पाहू जगाची कमाल

गोळ्या समान मातीच्या

मन  होते निर्वीकार

 केले संस्कार  मातेने

होउनिया  शिल्पकार 

रिता मनाचा गाभारा

सजला मोह मायेने

जसे वाढे वयमान

भरे तो  सहजतेने  

 सुख  भोगिले भौतिक

येता काळ यौवनाचा

मन आनंदे  भरिले

भरे गाभारा मनाचा

मन  जाहले संतृप्त

येता सांज आयुष्याची

आशा  आकांक्षा नुरली

झाली  जाणीव देवाची 

 

मन गुंतविले नाम स्मरणात 

मिळविण्या समाधान

कास मना अध्यात्माची

ज्ञात होई  मीच भाग्यवान

वैशाली वर्तक

अहमदाबाद

काव्य निनाद साहित्य राष्ट्रीय मंच पुणे 

३विषय.  खोल मनाच्या अंगणी

 *मनाच्या गाभाऱ्यात* 

रिता मनाचा गाभारा

सजे मोहाने मायेने

जसे वाढे वयमान

भरे तो  सहजतेने  

 असे मातीचाच गोळा 

 संस्कार  रूजती मनी 

दूर राखण्या षडरिपु

  खोल मनाच्या अंगणी 

 धरा कास अध्यात्माची

मिळवावे  समाधान

रित्या मनाच्या गाभा-या

  उमजे स्वतः. भाग्यवान

  

 माणुसकी, सौजन्याने 

  असावा वहाणारा  झरा

  मनाच्या अंगणी सदा

 जीवनात कामी येतो खरा 

   मनाच्या  या अंगणात 

  जाण ठेवावी  देवाची

नित्य आठवण हवी

मनी त्याच्या चरणांची

वैशाली वर्तक 

अहमदाबाद

रोजच्या चित्र काव्य , चारोळ्या

ओढ / ओढ तुझ्या दर्शनाची ... ओळकाव्य मज रहावले नाही

शब्दरजनी साहित्य समूह 

आयोजित  भव्य राज्यस्तरिय  काव्य लेखन  उपक्रम

विषय - ओढ

- ओढ लेखणीची

ओढ

रोज लिखाण करिता

ओढ लागली सदाची

माया सहज जडली

लेखणीची कागदाची

ओढ खुणावी मनाला

काही तरी लिखाणास

सेवा करुया भाषेची

हीच मनी सदा आस

काव्य करितांना रोज

चाले शब्दांचाच खेळ

शब्द शब्द विचाराने

जमविते काव्य मेळ

मना मनातील गुज

सांगावया सोपी रीत

सहजची होते  व्यक्त

यात जडली ही प्रीत

हीच मागणी  शारदे

चित्ती राहो तव मूर्ती

ओढ लागली जीवाला

तूच दे मजला स्फूर्ती .

    ......वैशाली वर्तक  

विषय - ओढ तुझ्या  दर्शनाची

अष्टाक्षरी

         *अधीर मन*

ध्यानी मनी स्मरे तुज

तुझ्या  नामाचे रटण

 राहो तुझे रुप चित्ती 

सदा करिते स्मरण

मुखी घेता तव नाम

विसरते देहभान

तुझ्या  दर्शनाची ओढ

गाते तव गुणगान

तुझ्या नामाचा गजर

चाले सदा   क्षणो क्षणी

  आस तुझ्या दर्शनाची  

 लागे सदा मनोमनी

माते तव दर्शनाला

मन माझे आतुरले 

कधी पाहीन तुजला

मन माझे अधीरले

 तव रूप पाहुनिया  

मन माझे आनंदले

प्रसन्नता लाभे जीवा

हर्षे मन विसावले

 आस लागली अंतरी

आले आता मी शरण

द्यावे माते तू दर्शन

दाखवावे तव चरण

वैशाली वर्तक 

अहमदाबाद

फेरी क्र  .1

  ओळ काव्य -मज राहवले नाही

   शीर्षक - *ओढ*

भेट आपुली  पहिली

 *मज  नाही राहवले*

माझ्या  विचलित मना   

तूची   मज सावरले           1

पहिल्याच भेटीतला

वाटे अश्वासक   स्पर्श 

 दिले अनामिक सुख

देतो मना सदा हर्ष            2

छंद तुला  बघण्याचा

कसे आवरु मनाला

तुझाओझरता स्पर्श 

वेड लावितो जीवाला        3 

गंध तुझ्याच  प्रीतीचा

सदा   रहातो अंतरी 

रोज वसंत फुलेल       

 विश्वासाने ऊर भरी           4

सख्या येता सांजवेळ

उजळती आठवणी

मज नाही रहावले

प्रीत गंध स्मरे  मनी          5                             

LMD 37

तुमच्यासाठी काय पण

काव्य ज्योती साहित्य  मंच

शहापूर जिल्हा ठाणे आयोजित 

राज्यस्तरीय  काव्य लेखन स्पर्धा

विषय - तुमच्या साठी काय पण

आहे हेच  अगदी खरे

*तुमच्या साठी काय पण*

केव्हाही  कधीही  मागावे

मदतीसाठी तयार मन

नारी चे असतेच असे

असते  उभी देण्या सत्वर

सेवा दया प्रेम ममतेसाठी

राहते जीवनभर तत्पर

तसेच असते मैत्रीचे    

काळ वेळ  नाही  पाहत

मैत्र भाव सदा जागृत

तुमच्या साठी सदा हासत

गुरु शिष्य  नात्यातही पहा

असेच दिसे  सदा सर्व काळ

देण्या ज्ञान शिष्याला गुरु वदे

तुमच्यासाठी  सदाची सकाळ

 जवान तर सदैव तयार

  असो दिवाळी वा दसरा

देशासाठी काय पण

जाता सेवेला चेहरा हसरा

वैशाली वर्तक 

अहमदाबाद

अष्टाक्षरी. सावळ बाधा..... राधा कृष्ण

 शब्दरजनी साहित्य  समूह

आयोजित  भव्य राज्यस्तरिय

झटपट काव्य उपक्रम  लेखन

विषय -- सावळ बाधा

       *राधा बावरी*

जळी स्थळी पाही राधा

कृष्ण हाची एकमात्र

दुजा कोणी न तिजला

दिसे श्यामच सर्वत्र 

ध्यानी मनी तो सावळा

मनी देवकी नंदन

हरी नाम सदा मुखी

जरी करिता मंथन

अविरत करी त्याचे

सदा मनीचे चिंतन

कृष्ण कृष्णची शब्द ते

सदा बोलती कंकण

सावळ बाधा राधेला

होई राधिका बावरी

कृष्णावरी तो भाळिली

मुरलीचा तो मुरारी

नाद मुरलीचा ऐकता

राधा हरपते भान

गोप गोपिका सवे

हरी कडे तिचे ध्यान

वैशाली वर्तक 

अहमदाबाद

सिद्ध  साहित्यिक  समूह 

आयोजित 

उपक्रम  क्रमांक ४७१

अष्टाक्षरी काव्या रचना

 

     *राधा बावरी*

जळी स्थळी पाही  तुज

कृष्णा  तुला एकमात्र

दुजा कोणी न मजला

दिसे श्यामच सर्वत्र 

ध्यानी मनी तू सावळा

मनी देवकी नंदन

हरी नाम सदा मुखी

जरी करिते मंथन

अविरत करी  तुझे

सदा मनात चिंतन

कृष्ण कृष्णची शब्द ते

माझे  बोलती कंकण

बाधा  झाली  राधिकेला

झाले मी आता बावरी

 ओढ लागली भेटीची

 ऐक रे कृष्ण  मुरारी

नाद मुरलीचा ऐकता   

 हरपते माझे भान        

गोप गोपिका सवे

हरीकडे  माझे ध्यान

वैशाली वर्तक 

अहमदाबाद

ओंजळ

 अ भा म सा प ठाणे जिल्हा 2

विषय -ओंजळ

जोडुनिया दोन कर

होते ओंजळ हाताची

देण्या दान गरजुंना

भर भरूनी मानाची

बळ हवे मनगटी

नको दुजांची ओंजळ

कष्ट करता जीवनी

आयुष्यात  येते बळ

आई घालते तांदूळ

दोन करांना जोडून 

ओटी भरते मुलीची

देते आशीष भरून

रिक्त कधीच नसावी

देवा जीवनी ओंजळ

होण्या संतुष्ट  याचक

द्यावे दातृत्वाचे बळ

आपुल्याच ओंजळीत

भरा सुमने गंधित

अर्पू देवा  गणेशास

मन होई आनंदित

वैशाली वर्तक 

अहमदाबाद

शाळा सुरु झाल्या

सिध्द साहित्यिक  समूह

विषय - शाळा सुरु झाल्या

     आतुरता शाळेची

कधी घेईन दर्शन

माझ्या शारदा मंदीराचे

असे झाले होते मनास 

कधी येतील दिन भाग्याचे    1

कधी येईल तो दिन

 टाकीन पाय वर्गात

जीवास लागलेली काहूर

उद्या आता शमेल मनात  2

  केली रात्रीच   तयारी

 नको होण्यास उशीर

गणवेश ठेविला उशाशी

मन घालण्यास अधीर  3

उद्या  भेटीन मैत्रीणींना

 वाटे मनास  आनंद भारी

का होत नाही    सकाळ

गुरुजींशी भेट न्यारी           4

असता टाळेबंदी शिपाई

सदा  खेदे विचारी मनाला

प्रेमाने कुरवाळीत घंटेला

उद्या  ऐकवीन घंटा नादाला

वैशाली वर्तक 

अहमदाबाद