ओंजळ

 अ भा म सा प ठाणे जिल्हा 2

विषय -ओंजळ

जोडुनिया दोन कर

होते ओंजळ हाताची

देण्या दान गरजुंना

भर भरूनी मानाची

बळ हवे मनगटी

नको दुजांची ओंजळ

कष्ट करता जीवनी

आयुष्यात  येते बळ

आई घालते तांदूळ

दोन करांना जोडून 

ओटी भरते मुलीची

देते आशीष भरून

रिक्त कधीच नसावी

देवा जीवनी ओंजळ

होण्या संतुष्ट  याचक

द्यावे दातृत्वाचे बळ

आपुल्याच ओंजळीत

भरा सुमने गंधित

अर्पू देवा  गणेशास

मन होई आनंदित

वैशाली वर्तक 

अहमदाबाद