शब्दरजनी साहित्य समूह
आयोजित भव्य राज्यस्तरिय
झटपट काव्य उपक्रम लेखन
विषय -- सावळ बाधा
*राधा बावरी*
जळी स्थळी पाही राधा
कृष्ण हाची एकमात्र
दुजा कोणी न तिजला
दिसे श्यामच सर्वत्र
ध्यानी मनी तो सावळा
मनी देवकी नंदन
हरी नाम सदा मुखी
जरी करिता मंथन
अविरत करी त्याचे
सदा मनीचे चिंतन
कृष्ण कृष्णची शब्द ते
सदा बोलती कंकण
सावळ बाधा राधेला
होई राधिका बावरी
कृष्णावरी तो भाळिली
मुरलीचा तो मुरारी
नाद मुरलीचा ऐकता
राधा हरपते भान
गोप गोपिका सवे
हरी कडे तिचे ध्यान
वैशाली वर्तक
अहमदाबाद
सिद्ध साहित्यिक समूह
आयोजित
उपक्रम क्रमांक ४७१
अष्टाक्षरी काव्या रचना
*राधा बावरी*
जळी स्थळी पाही तुज
कृष्णा तुला एकमात्र
दुजा कोणी न मजला
दिसे श्यामच सर्वत्र
ध्यानी मनी तू सावळा
मनी देवकी नंदन
हरी नाम सदा मुखी
जरी करिते मंथन
अविरत करी तुझे
सदा मनात चिंतन
कृष्ण कृष्णची शब्द ते
माझे बोलती कंकण
बाधा झाली राधिकेला
झाले मी आता बावरी
ओढ लागली भेटीची
ऐक रे कृष्ण मुरारी
नाद मुरलीचा ऐकता
हरपते माझे भान
गोप गोपिका सवे
हरीकडे माझे ध्यान
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा