भाव भोळा हरी अभंगविठ्ठल

प्रेमाची अक्षरे
महास्पर्धे साठी

अभंग
विषय- भाव भोळा हरी

राजा पंढरीचा  ।         
भक्त गणा साठी ।       
 उभा सदा पाठी ।           :
पांडुरंग ।।                   1

भावाचा भुकेला ।
भाव भोळा हरी ।
धावे भक्ता घरी ।
सदाकाळ ।।               2

नको त्यासी  धन ।                   
हवा भक्ती भाव                       
घेई त्याचा ठाव ।                   
भक्तालागी    ।।               3       


भोळ्या श्रीहरीने  ।
दळण दळिले  ।
अभंग तारिले  ।
भक्तांचेते  ।।                 4

सावळ्या विठ्ठला  ।
ऐक आराधना  ।
करिते अर्चना  ।
भक्तीभावे  ।।                 5         

चला दर्शनाला  ।
आपुल्या अंतरी  ।
आली ही पंढरी  ।
भक्ताघरी ।।                       6

पहा विठु उभा ।
आपुल्या शेजारी ।
सेवाव्रत धारी  ।
पांडुरंग ।।                        7

वैशाली वर्तक
अहमदाबाद (गुजरात)