अष्टाक्षरी वाट पहावी चंद्राने

मोहरली लेखणी समूहआयोजित
अष्टाक्षरी काव्य
विषय- वाट पहावी चंद्राने

रोज येते अगोदर
नभी तयास बघून
शशी आला का पाहते
वाट पाहते लाजून

गर्दी  नभात मेघांची
होते दुर्लभ दर्शन
खंत करिते मनात
मनी दाटे आकर्षण

चंद्र चांदण्यांचा चाले
खेळ नभी लोभनीय
रुप खुले चंद्रासवे
चांदणीचे रमणीय

रोज येतीच चांदण्या
तरी ओढ वाटे मनी
वाट पहावी चंद्राने
मेघ दाटिलेल्या क्षणी

पौर्णिमेच्या त्या रातीला
दिसे नक्षत्रांचे देणे
वाट पहावी चंद्राने
करुनिया नभी येणे

वैशाली वर्तक