गीत.... साद मनाची भावगीत

काव्य स्पंदन 02राज्य स्तरीय समूह 

काव्यप्रकार -- भावगीत लेखन

विषय - साद मनाची

तुची असता आमुचा त्राता

घालू कोणाला रे साद आता   .....धृवपद

तू सर्वांचा असशी पालक

तुझे आम्ही अजाण बालक

तुझ्या  कृपेची वाट पाहता

घालू कोणाला रे साद आता

भक्तांचा तू असे कनवाळू

माते सम तू सदा दयाळू

दिन न सरे तुज स्मरता

घालू कोणाला रे साद आता

नयनी आस त्या चरणाची

एकच चिंता ती दर्शनाची

अंत नको पाहू भगवंता

घालू कोणाला रे साद आता

तूची असता आमुचा त्राता

घालू कोणाला रे साद आता

वैशाली वर्तक