साप्ताहिक काव्य उपक्रम
**विषय --- नशीब **
असेल हरि तर देईल खाटल्यावरी
म्हणत, निवांत विसंबतो नशिबावरी
पण ,नशीब -नशीब म्हणजे तरी काय ?
यशाची प्रयत्ना अंती मिळणारी खाण हाय.
न करिता शिकस्त प्रयत्नांची
होते का कधी नशीबाची साथी
परिश्रमाने घडवावे लागते नशीब,
मग मिळे शाबासकी, ती नशीबा-माथी.
कधी कोणास मिळते चिमूटभर
तर कोणास मिळते ओंजळभर
ते तर असते, संचित कर्माचे-फळ,
तया लागे गंगाजळी, सत्कर्माचे बळ
म्हणती वृषभ रास , असे नशीबवान,
चुकले का तयांना ,दुःखाचे पहाड.
देवत्व पावुनही , कृष्ण अन् रामाला
सुटली नाही दुःखाच्या नशीबाची धाड
नैसर्गिक आपत्तीत माणसे दगावतात
कधी बालके वाचतात कृपेने देवाच्या
तिथे म्हणावा खेळ असे नशीबाचा
न करिता कयास जीव वाचण्याचा
घडायचे ते घडणार , ते नाही चुकणार
विश्वास हवा बाहुवर, नको हस्तरेखांवर
अन् ठेवावी सदा दृढ श्रध्दा देवावर
मग नशीबाने होते कृपा-दृष्टी, आपणावर.
वैशाली वर्तक.
कोणत्याही टिप्पण्या नाहीत:
टिप्पणी पोस्ट करा