पाठीराखा माझा विठूराया

उपक्रम
ओळ काव्य
पाठीराखा माझा विठूराया
--------------------------------
दृढ विश्वास असे विठूवर
पाठीराखा माझा विठूराया
तोचि माझा  असे सदा श्वास
मजवरी त्याची सदा छत्र छाया

छाया करी तो जगतावरी
असे तो जगताचा पालक
नसावी चिंता उरी कधी
तोची सा-या विश्वाचा मालक

मालक जरी असे विठू

दया दावितो सर्वांसाठी
असता तयाची कृपादृष्टी
भय नुरते , तो उभा  पाठी

पाठी राखा माझा विठू
किती वर्णू तव गुण गाथा
शरण मी तुला विठूराया
तुझिया चरणी ठेवितो माथा

वैशाली वर्तक...8/11/2019