वैधव्य

स्पंदन काव्य स्पर्धा
विषय....वैधव्य

काय दोष तिचा   ।   नियतीचा धाव ।
तिला कुठे ठाव    ।   वैधव्याचा        ।।

पांढ-या पायाची    ।   तिजला वदती  ।
दुस्वास करती       ।   जन्मभर       ।।

वागणूक पण    ।      न देती समान  ।
होउनी अजाण   ।     तीजलागी       ।।

किती छळ करी   ।    उठता बसता  ।
टोमणे मारता       ।  कष्टी जीणे      ।।

नसे सुख जीवा    ।   जीवनात कष्ट  ।
जणू सारे नष्ट        ।  जीवनाते         ।।

वैधव्याचे जीणे    ।      नकोसे वाटते  ।
हृदय चिरते          ।     विचारांती    ।।

न रहाता कष्टी       ।    आता लढायाचे ।
नाही सहायाचे        ।   जन्मभर  ।। 

काळ बदलला      ।     जगु द्या तिलाही ।
 मागणे न काही      ।   तिजसाठी  ।।

वैशाली वर्तक   अहमदाबाद
   नं.  8141427430