अष्टाक्षरी....कुठे शोधु विठूराया हृदयाच्या स्पंदनी तू

 मोरणा समूह आयोजित 

*कुठे शोधु विठुराया* 

तव नाम स्मरणाचा.  

मना लागलासे छंद 

भासे भक्तीतच शक्ती 

लाभे आगळा आनंद 

सदा तव नाम ओठी

तूची श्वास  अंतरीचा 

कुठे शोधू विठू राया

‍ध्यास तुझ्याची भेटीचा 

ध्यानी मनी स्वप्नी मज

तूच दिसे सदाकाळ

विठू तुझ्या स्वरुपाने

झाली सुखद सकाळ.      

.मुखी घेता तव नाम

विसरते देहभान

 कुठे शोधु विठूराया 

गाते तव गुणगान

नाम स्मरणात असे 

अनामिक दृढ शक्ती 

नका  शोधू विठुराया 

करा मनोभावे भक्ती

रूप वसले लोचनी

भासे कृपेची साऊली

युगे अठ्ठावीस ऊभा

 माझी विठ्ठल माऊली

     येता वारी पंढरीला..

 झाली घाई दर्शनाची  

पाहियली हरी मूर्ती. 

 काढा दृष्ट विठ्ठलाची

वैशाली अविनाश वर्तक

अहमदाबाद 

हृदयाच्या स्पंदनी तू

मनी सदा एक ध्यास

तुझ्या नाम स्मरणाचा

सदाकाळ विठुराया

श्वास माझ्या अंतरीचा

ध्यानी मनी स्वप्नी मज

तूच दिसे सदाकाळ

हृदयाच्या स्पंदनी तू

करी आनंदी सकाळ 

तूच असे पांडुरंगा

श्वास. तू भक्त जनांचा

तुझ्या दर्शनाने मिळे

स्वर्ग सुख आनंदाचा  

 स्मरु तुज चिंतनात

 नाचू गाऊ भजनात

हृदयाच्या स्पंदनी तू

पूजू तुजला मनात

वैशाली वर्तक 

अहमदाबाद 

धडपड जगण्याची

भारतीय साहित्य व सांस्कृतिक मंच नाशिक 

आयोजित 

विषय.. जगण्याची धडपड

जीव  येताची जन्मास

 धडपड  जगण्याची 

सुरू  प्राणी मात्रातून

दिसे  ती  निरंतराची

 मेंदू केलाय बहाल

 ईश्वराने मानवाला 

देतो नवीन कल्पना 

प्रतिदिनी जगण्याला 

आयुष्यात धडपड

चालते जीवन भर

म्हणून दिसे प्रगती

जीवनात निरंतर

रोज नवे आविष्कार 

नाही निवांतेचा क्षण

जीव शिणला शिणला 

म्हणतसे सदा मन

प्रणु शब्दावली धुंदी प्रेमाची

स्वप्नगंध  स्पर्धा समूह 

आयोजित स्पर्धा 

प्रणु शब्दावली  काव्यलेखन स्पर्धा 

विषय.. धुंदी प्रेमाची 

शीर्षक..मन रंगले प्रेमात 

पहिली दुसरी ओळ. 2शब्द.... तिसरी चौथी ओळ 3शब्द...1,2,3, ओळीत. यमक स्वर यमक

प्रत्येक कवड्यांची अंती. सम यमक. पाहीजेत उदा. अवचित सदोदित खचित आनंदित धुंदीत 

निहाळते  दर्पणी

आनंदते मनोमनी

 फुलले गुलाब  क्षणी

 येताची मितवा अवचित.       १

 आठविता  मीत

ओठांवरती गीत 

 मस्त धुंदीची प्रीत

आतुरता मनी सदोदित          २

अनुराग ऊरी

नाव तुझेच अधरी

गंधप्रीत दरवळली अंतरी 

धुंदीत सांजवेळ खचित             ३

नकोची बहाणे

 ऐकना  शहाणे

गाऊया प्रितीचे तराणे

होईल मन आनंदित           

उजळले दीप.  

साजणा समीप

पावसाची रीप रीप

अबोल प्रीतीच्या धुंदीत 

वैशाली वर्तक 

अहमदाबाद

भुजंगप्रयात वृतांत प्र‌यत्न आंबा

किती गोडवा रे  वसे तो हृदयी 

फळांचा असे तूच  राजा खराची 

कितीरे अधीरे मनाने  करूनी

 जिवाला  प्रतिक्षा रहाते   सदाची

किती नाव जाती असे तुझ्या ची

अमृतापरी गोडवा दावी सदाची

किती ही चवीने करीता सेवन

अवीटच चवीने रहातो सदाची

वाढदिवसाच्या शुभेच्छा / वाढदिवस

 

शुभेच्छांचा वर्षाव*

दिन असे आनंदाचा

करु साजरा मिळूनी

देउ  तयांना शुभेच्छा

अष्टाक्षरी काव्यातूनी

लाभो सृदृढ आरोग्य 

घडो  नित्य रूग्ण  सेवा 

 देवासम  तुम्हा मान

ज्ञानरूपी  तव ठेवा          

लाभो सौख्याचा बहर

मिळो सदा यश किर्ती

सा-या जगी उजळावी

नामांकित तव मूर्ती 

देवी शारदेचे तुम्हा

मिळालेले वरदान

प्रज्ञावंत साहित्यिक 

सर्व  क्षेत्रात  महान

सारे देती शुभाशीष

होण्या तुम्ही औक्षवंत

आईबाबांचे आशिष

तुम्ही खरे भाग्यवंत

काव्यातूनी पाठविल्या

शुभ आशिष शुभेच्छा

पूर्ण  होवोत कामना

ह्याच आमुच्या सदिच्छा

वैशाली वर्तक 

अहमदाबाद

अ भा म सा परिषद ठाणे जिल्हा 2

आयोजित उपक्रम

1/6/23

विषय. वाढो जगात किर्ती 

आनंदाच्या दिनी आज

लाभो सुखाचे चांदणे

होवो ईच्छांची  पूर्तता  

हेच देवाशी मागणे

लाभो सौख्याचा बहर

मिळो सदा यश किर्ती

सा-या जगी उजळावी

नामांकित तव मूर्ती 

देवी शारदेचे तुम्हा 

मिळालेले वरदान

प्रज्ञावंत साहित्यिक 

सर्व  क्षेत्रात  महान

सदा  चेहरा हासरा  

आकर्षक व्यक्तीमत्व

साहित्यिक क्षेत्रातून

 आगळेच ते प्रभुत्व 

काव्यातूनी पाठवीते

शुभ आशिष शुभेच्छा

पूर्ण  होवोत कामना

ह्याच आमुच्या सदिच्छा

वैशाली वर्तक

अहमदाबाद

अखंडित कल्याणकारी काव्य

9/10/23

उपक्रम स्पर्धा क्रमांक 56

विषय ...   माझा वाढदिवस

   शीर्षक... निरंतर सत्कार्य 

काय योगायोग  पहा

याच मासात माझा वाढ दिन 

सांगा कशी मी राहीन मागे

 रचण्यात काव्य कधीच नसते  क्षीण

 कधी मी, न उच्चारते झालं वय

 असते सदा मी उत्साही 

वय काही फारसे हो नाही !

अवघं पाऊणशे च, फार नाही 

वाचन लेखन रेकॉर्डींगने आजही 

 करिते  नित्यानेअंध जनांना  मदत

समाज कार्यात   समाधान मिळाले

मनाला सात्विक  आनंद, हेच मनोगत

दिधले सर्व काही  विधात्याने

मस्त आनंदी जगले या जीवनी

ऋण आहेत माय पित्याचे

ठेवते जाण त्यांची  प्रत्येक क्षणी

अशीच ठेव सदा देवा 

होवो न तुझा कधी विसर

घडो मज करवी सत्कार्य 

हीच मागणी वाढदिवशी, देवाला निरंतर.

वैशाली वर्तक

अहमदाबाद

गुपित एक सांगते

सिद्ध साहित्यिक समूह आयोजित उपक्रम क्रमांक ५५७

साहित्य प्रकार . कुठलाही काव्य लेखन

विषय.. गुपित एक सांगते

 शीर्षक... गर्विता

जपलीय  मनात मी

माझी पहिली कविता

अगणिक जरी रचल्या

तीच ठरली *गर्विता*

केले होते वर्णन तयात

माझ्या  बागेतील फुलांचे

एका एका फुलांनी वर्णिले

महत्त्व  आपापले स्वतःचे

लिहीली होती कन्येसाठी

भावली  तिला अतिशय

सहज केली तिने तोंडपाठ

समजून घेऊन आशय

साध्या सोप्या शब्दात 

केली शब्दांची  मांडणी

बालभारती पुस्तकासाठी

आली की हो! तिज मागणी

खुष होवूनी वाट  पहातेय

फोन येईलच हो... खचित 

धाडा स्वपरिचया सह फोटो,

पण मनीच ठेवा  हं गुपित   

 सा-या मम सख्या तुम्ही

 म्हणून  कथिले एक गुपित

पण अजून हे गुपितच ठेवा

हेही सांगणे तितकेच उचित .

वैशाली वर्तक 

अहमदाबाद

वस्त्र पात्र प्रक्षालिका. पुणेरी पाटी

वस्त्र,पात्र,प्रक्षालिका..

किती हे शुद्ध मराठी 

अर्थ लागेना सहज 

पुणेकरांचेच डोके

 शब्द -फोडची गरज

 पाटी पहा समोरची

धैर्य, न करी ते मन

काय अर्थ लावायचा

वेडे समजतील जन

रोटी ,कपडा, मकान

जशा मुलभूत गरजा

वस्त्र ,पात्र ,*प्रक्षालिका*

पण गरजेचीच समजा

आता कळले मजला

शब्द आहे परिचित 

*प्रक्षालिका* तर हवीच

वेळोवेळी सदोदित

पाट्या तर पुणेरीच

गोड शब्दी प्रक्षालिका 

मोलकरीण न वदता 

मान देण्याची प्रणालिका

वैशाली वर्तक 

अहमदाबाद