वस्त्र,पात्र,प्रक्षालिका..
किती हे शुद्ध मराठी
अर्थ लागेना सहज
पुणेकरांचेच डोके
शब्द -फोडची गरज
पाटी पहा समोरची
धैर्य, न करी ते मन
काय अर्थ लावायचा
वेडे समजतील जन
रोटी ,कपडा, मकान
जशा मुलभूत गरजा
वस्त्र ,पात्र ,*प्रक्षालिका*
पण गरजेचीच समजा
आता कळले मजला
शब्द आहे परिचित
*प्रक्षालिका* तर हवीच
वेळोवेळी सदोदित
पाट्या तर पुणेरीच
गोड शब्दी प्रक्षालिका
मोलकरीण न वदता
मान देण्याची प्रणालिका
वैशाली वर्तक
अहमदाबाद
कोणत्याही टिप्पण्या नाहीत:
टिप्पणी पोस्ट करा